WTC Final:કપિલ દેવને પાછળ છોડી, ઈશાંત શર્માએ એક વિકેટ લઈને બનાવ્યા બે રેકોર્ડ

  • Share this:
    સાઉથમ્પટન: ઇશાંત શર્માએ અત્યાર સુધીમાં વર્લ્ડ ટેસ્ટ ચેમ્પિયનશિપની ફાઇનલમાં એક વિકેટ ઝડપી છે. તેણે ન્યુઝીલેન્ડના ઓપનર બેટ્સમેન ડેવોન કોનવેને આઉટ કર્યો. આ રીતે તેણે પોતાના નામે બે રેકોર્ડ બનાવ્યા. તેણે પાછળ ટીમ ઇન્ડિયાના દિગ્ગજ બોલર કપિલ દેવને છોડી દીધો. મેચની ફાઇનલમાં ટીમ ઈન્ડિયાએ પ્રથમ ઇનિંગ્સમાં 217 રન બનાવ્યા હતા. તેના જવાબમાં, ત્રીજા દિવસની રમતના અંતે, ન્યુઝીલેન્ડે પ્રથમ ઇનિંગ્સમાં બે વિકેટે 101 રન બનાવ્યા. જોકે મેચના ચોથા દિવસે પણ વરસાદની સંભાવના છે. આવી સ્થિતિમાં મેચ છઠ્ઠા અનામત દિવસે પણ રમાશે.

    ઇશાંત શર્માએ મેચના ત્રીજા દિવસે ડેવોન કોનવેને આઉટ કર્યો હતો. તેણે 54 રન બનાવ્યા. વર્લ્ડ ટેસ્ટ ચેમ્પિયનશીપમાં પ્રથમ વખત રમી રહેલા ડેવોન કોનવેએ શાનદાર બેટિંગ કરી હતી. તે ફાઇનલમાં 50 થી વધુ રન બનાવનાર પ્રથમ ખેલાડી બન્યો હતો. તેણે તેની કારકિર્દીમાં અત્યાર સુધી ત્રણ ટેસ્ટ રમી છે અને તમામ ટેસ્ટમાં 50 થી વધુ રન બનાવ્યા છે. તેના આધારે ન્યુઝીલેન્ડે ઇંગ્લેન્ડને તેના ઘરે બે મેચની ટેસ્ટ શ્રેણીમાં 1-0થી પરાજિત કર્યું હતું.

    ઇશાંત ઇંગ્લેન્ડનો સૌથી વધુ વિકેટ ઝડપી

    ઇશાંતની ઇંગ્લેંડમાં 44 વિકેટ થઈ ગઈ છે. આ રીતે તે ઇંગ્લેન્ડમાં સૌથી વધુ વિકેટ લેનાર ભારતીય બોલર બન્યો છે. તેણે અત્યાર સુધીમાં 13 મેચની 20 ઇનિંગ્સમાં 34ની સરેરાશથી 44 વિકેટ ઝડપી છે. બે વાર પાંચ વિકેટ લેવાની સિદ્ધિ હાંસલ કરી છે. તેણે કપિલદેવને પાછળ છોડી દીધો. કપિલ દેવે ઇંગ્લેન્ડમાં 13 મેચની 22 ઇનિંગ્સમાં 43 વિકેટ ઝડપી હતી. એવરેજ 39ની હતી અને તેણે બે વાર પાંચ વિકેટ લેવાની સિદ્ધિ પણ હાંસલ કરી છે. અનિલ કુંબલે (36) ત્રીજા, બિશનસિંહ બેદી (35) ચોથા અને ઝહીર ખાન (31) પાંચમાં સ્થાને છે.

    આ પણ વાંચો: ટેસ્ટ ક્રિકેટમાં વિરાટ કોહલીએ એક દાયકો પૂર્ણ કર્યો, જાણો કેપ્ટનની કારકિર્દી વિશે 10 મોટી

    ઇશાંત શર્માના ઘરની (ભારતની) બહારની ટેસ્ટમાં 200 વિકેટ પૂર્ણ થઈ ગઈ છે. તે આ કરનારો ચોથો ભારતીય બોલર બન્યો. ઇશાંતે 61 મેચોમાં 200 વિકેટ ઝડપી છે. તેણે 9 વાર પાંચ વખત અને 10 વિકેટ એક વખત લેવાની સિદ્ધિ હાંસલ કરી છે. 74 રન આપીને 7 વિકેટ તેનું શ્રેષ્ઠ પ્રદર્શન છે. આ ઉપરાંત અનિલ કુંબલે (269), કપિલ દેવ (215) અને ઝહીર ખાન (207) એ પણ ઘરની બહાર 200થી વધુ વિકેટ લીધી છે.
    Published by:kuldipsinh barot
    First published: