Wimbledon 2021: એશ્લે બાર્ટી પ્રથમ વખત વિમ્બલડનમાં બની ચેમ્પિયન, પહેલા હતી ક્રિકેટર

લંડન : ઓસ્ટ્રેલિયાની ટેનિસ ખેલાડી એશ્લે બાર્ટીએ (Ashleigh Barty) પ્રથમ વખત વિમ્બલડન-2021નું (Wimbledon 2021) ટાઇટલ જીતી લીધું છે. મહિલા સિંગલ્સની ફાઇનલમાં બાર્ટીએ ચેક રિપબ્લિકની કેરૌલિના પ્લિસ્કોવાને ત્રણ સેટમાં 6-3, 6-7, 6-3થી હરાવી હતી. બાર્ટીનું આ બીજુ ગ્રાન્ડ સ્લેમ ટાઇટલ છે. નંબર-1 બાર્ટીએ આ પહેલા 2019માં ફ્રેન્ચ ઓપનનું ટાઇટલ જીત્યું હતું.

ફાઇનલમાં બાર્ટીએ સારી શરૂઆત કરી હતી. તેણે શરૂઆતમાં પ્લિસ્કોવાની બે સર્વિસ બ્રેક કરી અને પ્રથમ સેટમાં 4-0થી લીડ મેળવી હતી. જોકે આ પછી પ્લિસ્કોવાએ વાપસી કરતા સ્કોર 3-5 કરી દીધો હતો. જોકે આ પછી બાર્ટીએ પોતાની સર્વિસમાં જીત મેળવી પ્રથમ સેટ 6-3થી પોતાના નામે કર્યો હતો. જોકે બીજો સેટ પ્લિસ્કોવાએ 7-6થી જીતીને 1-1થી બરાબરી કરી હતી.

આ પણ વાંચો - અમદાવાદ : બે લાખ વાપર્યા છતાંય પ્રેમિકાએ દગો આપ્યો, પ્રેમીએ ફિલ્મી સ્ટાઈલે કરી નાખી હત્યા

અંતિમ સેટમાં બાર્ટીએ પ્લિસ્કોવાને તક ના આપી

અંતિમ સેટમાં 25 વર્ષની બાર્ટીએ પ્લિસ્કોવાને કોઇ તક આપી ન હતી. તેણે 3-0થી લીડ બનાવી હતી. આ પછી સ્કોર 4-2 થયો હતો. અંતમાં બાર્ટીએ 6-3થી જીત મેળવી મુકાબલો પોતાના નામે કર્યો હતો. આ મુકાબલો એક કલાક 55 મિનિટ ચાલ્યો હતો. બાર્ટી સપ્ટેમ્બર 2019થી ટોપ રેન્કિંગ પર છે.

બિગ બેશ લીગમાં ઉતરી ચૂકી છે

એશ્લે બાર્ટી ટેનિસ પહેલા 2015-16માં ઓસ્ટ્રેલિયાની ટી-20 ક્રિકેટ લીગ બિગ બેશમાં ઉતરી ચૂકી છે. તે બ્રિસ્બેન હીટ તરફથી રમતી હતી. જોકે 9 મેચમાં એકપણ અડધી સદી ફટકારી શકી ન હતી. 39 રન તેનો બેસ્ટ સ્કોર છે. તે ટોક્યો ઓલિમ્પિકમાં પોતાનો દમ બતાવશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ashleigh barty, Ashleigh barty wins, Wimbledon, Wimbledon 2021, Wimbledon grand slam