રાજકોટ T20માં વરસાદ વિલન બનશે? જાણો કોણ જીતીને નોંધાવશે રેકોર્ડ

નવી દિલ્હી : ભારતીય ક્રિકેટ ટીમ માટે ત્રીજી T20 મેચ હવે 'કરો યા મરો' બની ગઈ છે. ટીમ ઈન્ડિયા સીરીઝની ત્રીજી અને છેલ્લી T20 ઈન્ટરનેશનલ મેચમાં શનિવારે રાજકોટમાં શ્રીલંકા (IND vs SL) નો સામનો કરશે. હાલમાં બંને ટીમ સિરીઝમાં 1-1થી બરાબરી પર છે. હાર્દિક પંડ્યા માટે સૌથી સારી વાત એ છે કે તેણે પોતાની કેપ્ટનશીપમાં કોઈ સિરીઝ ગુમાવી નથી. આવી સ્થિતિમાં તેનો પ્રયાસ ત્રીજી ટી20 મેચ જીતીને રેકોર્ડ જાળવી રાખવાનો રહેશે.

મેચના દિવસે રાજકોટમાં કેવું રહેશે હવામાન?

શ્રીલંકાની ટીમ પ્રથમ વખત સૌરાષ્ટ્ર ક્રિકેટ એસોસિએશન સ્ટેડિયમ (SCA સ્ટેડિયમ) ખાતે T20 મેચ રમશે. જોકે, ભારતે અહીં 4 T20 મેચ રમી છે, જેમાંથી 3માં તેને જીત મળી છે અને એક મેચમાં તેને હારનો સામનો કરવો પડ્યો છે. શનિવારે, 7 જાન્યુઆરીએ ભારત અને શ્રીલંકા વચ્ચે રમાનારી ત્રીજી T20 (IND vs SL વેધર ફોરકાસ્ટ) મેચ દરમિયાન રાજકોટમાં હવામાન ખુશનુમા રહેવાની ધારણા છે. દિવસનું મહત્તમ તાપમાન 28 ડિગ્રી સેલ્સિયસ અને લઘુત્તમ તાપમાન 24 ડિગ્રી સેલ્સિયસ રહેવાની ધારણા છે. આખો દિવસ વરસાદની કોઈ શક્યતા નથી. આવી સ્થિતિમાં ક્રિકેટપ્રેમીઓને આખી મેચ જોવાનો મોકો મળશે.

રાજકોટની પીચ બેટ્સમેનને મદદરૂપ છે

રાજકોટમાં રમાનારી મેચમાં પીચ બેટ્સમેન માટે મદદગાર સાબિત થઈ શકે છે. સપાટ વિકેટ પર બોલરોને વિકેટ લેવા માટે ઘણી મહેનત કરવી પડશે. આવી સ્થિતિમાં આ પીચ પર હાઈસ્કોરિંગ સ્પર્ધા જોવા મળી શકે છે. તાજેતરના સમયમાં દક્ષિણ આફ્રિકાને છોડીને, અહીં પહેલા પણ મોટા સ્કોર જોવા મળ્યા છે. ગત વર્ષે દક્ષિણ આફ્રિકાની ટીમ ભારત સામે ટી20માં 87 રનમાં ઓલઆઉટ થઈ ગઈ હતી.

આ પણ વાંચો : વરસાદે ઓસ્ટ્રેલિયાની સાઉથ આફ્રિકાને હરાવવાની આશા પર પાણી ફેરવી દિધુ

ભારત vs શ્રીલંકા સામસામે

ભારત અને શ્રીલંકા વચ્ચે અત્યાર સુધીમાં 28 T20 આંતરરાષ્ટ્રીય મેચ રમાઈ છે. ટીમ ઈન્ડિયાએ 18 મેચ જીતી છે જ્યારે શ્રીલંકાના ખાતામાં 9 જીત છે. આ દરમિયાન એક મેચ અનિર્ણિત રહી હતી. ભારતીય ટીમે શ્રીલંકા સામે ટી20માં પ્રથમ બેટિંગ કરતા 7 મેચ જીતી છે જ્યારે શ્રીલંકાએ 2 મેચ જીતી છે. ટીમ ઈન્ડિયાએ શ્રીલંકા સામે 10 મેચ જીતી છે જ્યારે મુલાકાતી ટીમના ખાતામાં 7 જીત છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat Weather alert, IND VS SL, Rajkot city