LSGએ નિકોલસ પૂરનને 16 કરોડમાં કેમ ખરીદ્યો? ગૌતમ ગંભીરે જણાવ્યું ચોંકાવનારું કારણ

નવી દિલ્હીઃ વેસ્ટ ઈન્ડિઝના દિગ્ગજ ઓલરાઉન્ડર નિકોલસ પૂરનને લખનૌ સુપર જાયન્ટ્સે 16 કરોડમાં પોતાની ટીમમાં સામેલ કર્યો છે. આ વર્ષે મિની ઓક્શનમાં તે ચોથો સૌથી મોંઘો ખેલાડી હતો. જોકે, લખનૌ સુપરનો આ એક ચોંકાવનારો નિર્ણય હતો. લખનૌ ટીમના મેન્ટર ગૌતમ ગંભીરે તેને આટલી મોંઘી રકમમાં સામેલ કરવાનું કારણ જણાવ્યું.

ગંભીરે Jio સિનેમા પર હરાજી વિશે વાત કરતા જણાવ્યું હતુ કે, “હું છેલ્લી સિઝન જોતો નથી. હું ખેલાડીઓની ક્ષમતાને જોઉં છું. આ ટુર્નામેન્ટ 500 કે 600 રન બનાવવાની નથી. આવા ખેલાડીઓ તમને એક સિઝનમાં 2 અથવા 3 મેચ જીતી શકે છે અને જો તમને એવો કોઈ ખેલાડી મળે તો તમે તેની આસપાસ સારી ટીમ બનાવવાનો પ્રયાસ કરો છો.

ગંભીરે આગળ કહ્યું, “હું માત્ર આ સિઝન વિશે જ નથી વિચારી રહ્યો. તે આગળ પણ અમારા માટે મેચ વિનર સાબિત થઈ શકે છે. 27 થી 28 વર્ષની વચ્ચેના કેટલાક ખેલાડીઓમાં જ આ ક્ષમતા હોય છે. મને હંમેશા લાગે છે કે રેકોર્ડ હંમેશા હેડલાઇન્સ બનાવે છે. જ્યારે અસર તમને ટૂર્નામેન્ટ જીતી શકે છે.

આ પણ વાંચો : INDvsSL: રાજકોટમાં રમાનાર T20 મેચમાં નહિ જોવા મળે વિરાટ, રોહિત અને KL રાહુલ, પણ આ ગુજરાતી ખેલાડીઓ રમશે

સનરાઇઝર્સ હૈદરાબાદે રિલીઝ કર્યું હતું

નિકોલસ પૂરન ગયા વર્ષે સનરાઇઝર્સ હૈદરાબાદ ટીમનો ભાગ હતો. હૈદરાબાદે તેને 10.75 કરોડ રૂપિયામાં ટીમમાં સામેલ કર્યો હતો, પરંતુ ખરાબ પ્રદર્શનને કારણે હૈદરાબાદે તેને આ વર્ષે છોડવાનો નિર્ણય કર્યો હતો.

જો આપણે નિકોલસ પૂરનની IPL કારકિર્દી પર નજર કરીએ તો તેણે 47 મેચ રમી છે. આ દરમિયાન તેણે 44 ઇનિંગ્સમાં 26.06ની એવરેજથી 912 રન બનાવ્યા છે. તેણે આઈપીએલમાં 151.24ના સ્ટ્રાઈક રેટથી રન બનાવ્યા છે. જણાવી દઈએ કે પુરણે આઈપીએલમાં ચાર અર્ધશતક નોંધાવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ipl history, IPL Latest News, Ipl match