Home /News /sport /

રાજકીય પાર્ટીએ સેહવાગના નામનો કર્યો ખોટો ઉપયોગ, વીરુએ આપ્યો જવાબ

રાજકીય પાર્ટીએ સેહવાગના નામનો કર્યો ખોટો ઉપયોગ, વીરુએ આપ્યો જવાબ

રાજકીય પાર્ટીએ સેહવાગના નામનો કર્યો ખોટો ઉપયોગ

આસીંદમાં એક વિશાળ ખેડૂત સંમેલનનું આયોજન 29 નવેમ્બરે કરવાનું હતું. આ સભા માટે અખબારોમાં જાહેરાતો પણ આપી હતી

    રાજસ્થાનમાં વિધાનસભાની ચૂંટણી નજીક છે. ચૂંટણીમાં જીત મેળવવા માટે રાજનીતિક દળ અને રાજનેતા અલગ-અલગ પ્રચારની રીતો અપનાવે છે. ક્યારેક પ્રચારમાં ખોટુ પણ બોલવામાં આવે છે. આવો જ એક મામલો રાજસ્થાનમાં સામે આવ્યો છે. જ્યારે રાજનેતાએ પોતાના પ્રચાર માટે ભારતના પૂર્વ ક્રિકેટર વીરેન્દ્ર સેહવાગના નામનો ઉપયોગ કર્યો હતો.

    રાજસ્થાનની વિધાનસભા ચૂંટણીમાં રાષ્ટ્રીય લોકતાંત્રિક પાર્ટીની ટિકિટ પર હુરડા વિધાનસભા પરથી ચૂંટણી લડી રહેલા મનસુખ ગુર્જરના સમર્થનમાં આસીંદમાં એક વિશાળ ખેડૂત સંમેલનનું આયોજન 29 નવેમ્બરે કરવાનું હતું. આ સભા માટે અખબારોમાં જાહેરાતો પણ આપી હતી.

    સંમેલનમાં વધારે ભીડ આવે તે માટે જાહેરાતમાં જાણકારી આપવામાં આવી હતી કે આ સંમેલનને પાર્ટી સંસ્થાપક હનુમાન બેનીવાલ સિવાય પૂર્વ ભારતીય ક્રિકેટર વીરેન્દ્ર સેહવાગ પણ સંબોધિત કરશે. જોકે સેહવાગે આ જાહેરાતને ખોટી ગણાવી છે અને આવા ખોટો નેતાઓથી સાવધાન રહેવાની વાત કરી છે.



    આ પણ વાંચો - સામે આવ્યો ધોનીનો નિવૃત્તિ પછીનો પ્લાન, કરશે આ ખાસ કામ

    વીરેન્દ્ર સેહવાગે ટ્વિટ કરતા લખ્યું હતું કે જુઠ એલર્ટ - હું દુબઈમાં છું અને આમાંથી કોઈ વ્યક્તિનો ક્યારેય સંપર્ક થયો નથી. આ લોકો બેશરમ બની પોતાના કેમ્પેઈનમાં મારું નામ ખોટી રીતે ઉપયોગ કરીને લોકોને મુર્ખ બનાવી શકે છે, તો અંદાજો લગાવો કે આ જો જીતી ગયા તો કેટલા મુર્ખ બનાવશે. ખોટાથી સાવધાન.
    Published by:Ashish Goyal
    First published:

    Tags: Political Party, Virender sehwag

    આગામી સમાચાર