Home /News /sport /

IPL 2022: ધોનીએ 40 વર્ષની ઉંમરમાં બતાવી ગજબની ચપળતા, શાનદાર રન આઉટ કર્યો, જુઓ Video

IPL 2022: ધોનીએ 40 વર્ષની ઉંમરમાં બતાવી ગજબની ચપળતા, શાનદાર રન આઉટ કર્યો, જુઓ Video

મેચમાં ધોનીએ પોતાની ફિલ્ડિંગથી વિરોધી ટીમને એક મોટો ઝટકો આપ્યો

IPL 2022, csk vs pbks : ધોનીની આ 350મી ટી-20 મેચ છે. રોહિત શર્મા પછી અહીં સુધી પહોંચનાર બીજો ભારતીય ખેલાડી છે

    મુંબઈ : મહેન્દ્રસિંહ ધોનીએ (MS Dhoni)આઈપીએલ-2022 (IPL 2022) પહેલા સીએસકેની કેપ્ટનશિપ છોડી દીધી હતી. 40 વર્ષના ધોનીએ ઉંમરના કારણે કેપ્ટનશિપ છોડી છે જેનાથી રવિન્દ્ર જાડેજાને તૈયાર થવામાં સમય મળી શકે. ધોની 40 વર્ષનો હોવા છતા તેની ચપળતા હજુ પહેલા જેવી જ છે. આવી જ એક ચપળતા રવિવારે પંજાબ કિંગ્સ (csk vs pbks)સામેની મેચ દરમિયાન જોવા મળી છે.

    મેચમાં ધોનીએ પોતાની ફિલ્ડિંગથી વિરોધી ટીમને એક મોટો ઝટકો આપ્યો હતો. ઇનિંગ્સની બીજી ઓવર ફાસ્ટ બોલર ક્રિસ જોર્ડન ફેંકી રહ્યો હતો. ભાનુકા રાજપક્ષે શોટ મારીને એક રન લેવાનો પ્રયત્ન કર્યો હતો. તેણે ધવનને કોલ આપ્યો હતો પણ ધવને રન લેવાની ના પાડી હતી. જેથી રાજપક્ષે પાછો વળીને ક્રિઝમાં પરત ફરતો હતો. આ દરમિયાન જોર્ડને બોલ પકડીને સ્ટમ્પમાં માર્યો હતો. જોકે બોલ સ્ટમ્પ પર લાગ્યો ન હતો. આ સમયે ધોનીએ બોલ પકડીને ડ્રાઇવ મારીને રન આઉટ કર્યો હતો. થર્ડ અમ્પાયરે રાજપક્ષેને આઉટ આપ્યો હતો. તેણે 5 બોલમાં 1 સિક્સર સાથે 9 રન બનાવ્યા હતા. આ પહેલાની બે મેચમાં તેણે જબરજસ્ત આક્રમક બેટિંગ કરી હતી.

    આ પણ વાંચો - 19 વર્ષનો આ ખેલાડી રહે છે ભાડાના મકાનમાં, હવે IPLના પગારથી માતા-પિતા માટે ઘર ખરીદશે



    ધોનીની 350મી ટી-20 મેચ

    ધોનીની આ 350મી ટી-20 મેચ છે. રોહિત શર્મા પછી અહીં સુધી પહોંચનાર બીજો ભારતીય ખેલાડી છે. વર્તમાન સિઝનમાં ધોનીએ બેટિંગથી પણ શાનદાર રમત બતાવી છે. પ્રથમ મેચમાં ધોનીએ કોલકાતા નાઇટ રાઇડર્સ સામે 50 રન બનાવ્યા હતા. બીજી મેચમાં 16 રને અણનમ રહ્યો હતો.

    આ પણ વાંચો - 11 કરોડના ખેલાડીએ 10 બોલમાં 50 રન ફટકાર્યા, 108 મીટર લાંબી સિક્સ પણ ફટકારી

    ચેન્નઇનો સતત ત્રીજો પરાજય


    લિયામ લિવિંગસ્ટોનની આક્રમક અડધી સદી અને શિખર ધવનના 33 રનની મદદથી પંજાબ કિંગ્સે આઈપીએલ-15માં ચેન્નઇ સુપર કિંગ્સ સામે 20 ઓવરમાં 8 વિકેટે 180 રન બનાવ્યા છે. ચેન્નઇને જીતવા માટે 181 રનનો પડકાર આપ્યો છે. જોકે ચેન્નઇ 18 ઓવરમાં 126 રનમાં ઓલઆઉટ થઇ જતા 54 રને પરાજય થયો હતો.
    Published by:Ashish Goyal
    First published:

    Tags: IPL 2022, Ipl live, IPL Live Score, Ms dhoni

    विज्ञापन

    विज्ञापन

    આગામી સમાચાર

    विज्ञापन
    विज्ञापन