બોલિંગ કરતા સમયે પગ લપસી જતા ધડામ દઈને પડ્યો ઉમેશ યાદવ

ક્રિકેટ ઓસ્ટ્રેલિયા ઇલેવન સામેની વોર્મઅપ મેચમાં પૃથ્વી શો ઈજાના કારણે પ્રથમ ટેસ્ટમાંથી બહાર થઈ ગયો છે. જેના કારણે ભારતને શ્રેણી પહેલા જ મોટો ફટકો પડ્યો છે. આ સિવાય ફાસ્ટ બોલર ઉમેશ યાદવ પણ ઈજાનો શિકાર થતા માંડ-માંડ બચ્યો છે.

ઉમેશ યાદવે બોલ નાખવા માટે રન અપ લીધું હતું અને તે જેવો બોલ નાખવાનો પ્રયત્ન કર્યો ત્યારે  તેનો પાછલો પગ લપસી ગયો હતો અને તે મેદાનમાં પડી ગયો હતો. મેચના પ્રથમ દિવસે વરસાદ થયો હતો, જેથી પિચની આસપાસ ભીનાશ હતી. આ કારણે ટીમ ઇન્ડિયાના અન્ય એક ખેલાડીને ઈજા પહોંચવાની સંભાવના હતી. જોકે સારી વાત એ રહી કે ઉમેશની ઈજા થઈ ન હતી અને તેણે બોલિંગ ફેકવાનું ચાલુ રાખ્યું હતું.

An awkward moment for Umesh Yadav with his first ball in Australia this summer...

WATCH LIVE: https://t.co/bRjvo3LvLP #CAXIvIND pic.twitter.com/RNv6D6v9T5

— cricket.com.au (@cricketcomau) November 29, 2018

ભારતના 358 રન સામે ક્રિકેટ ઓસ્ટ્રેલિયા ઇલેવને શાનદાર જવાબ આપ્યો છે. તેણે ત્રીજા દિવસના અંતે 6 વિકેટે 356 રન બનાવી લીધા છે. તે ભારત કરતા ફક્ત 2 રન જ પાછળ છે અને તેની 4 વિકેટો બાકી છે. દિવસના અંતે હેરી નીલસન 56 અને એરન હાર્ડી 69 રને રમતમાં છે. આ સિવાય ડાર્સી શોટે 74, મેક્સ બ્રાયંટે 62 રન બનાવ્યા હતા. ભારત તરફથી મોહમ્મદ શમીએ સૌથી વધારે 3 વિકેટ ઝડપી હતી.

આ પણ વાંચો - કેમ પૃથ્વી શોની ઇજાએ વિરાટની ઊંઘ ઉડાડી દીધી છે?

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Umesh yadav