Tokyo Paralympics: કૃષ્ણા નાગરે ગોલ્ડ મેડલ જીતી રચ્યો ઈતિહાસ, ભારતને મળ્યો પાંચમો ગોલ્ડ

Tokyo Paralympics 2020: ટોક્યો પેરાલિમ્પિકમાં કૃષ્ણા નાગરે (Krishna Nagar) ગોલ્ડ મેડલ જીતી ઈતિહાસ રચી દીધો છે. SH6 ક્લાસ ફાઇનલમાં કૃષ્ણા નાગરે હોંગકોંગના ચુ માન કેઇને 21-17, 16-21, 21-17થી હરાવ્યો. ટોક્યો પેરાલિમ્પિકમાં (Tokyo Paralympics) બેડમિંટનમાં (Badminton) આ ભારતનો ચોથો મેડલ છે. ટોક્યો પેરાલિમ્પિકમાં ભારતનો આ પાંચમો ગોલ્ડ મેડલ (Tokyo Paralympics India Medal Tally) છે. કૃષ્ણા નાગર પહેલા બેડમિંટનમાં પ્રમોદ ભગત (Pramod Bhagat) ગોલ્ડ, સુહાસ યતિરાજ (Suhas Yathiraj) સિલ્વર અને મનોજ સરકાર (Manoj Sarkar) બ્રોન્ઝ મેડલ જીતી ચૂક્યા છે.

તેની સાથે જ ટોક્યો ઓલમ્પિકમાં ભારતના મેડલોની સંખ્યા 19 થઈ ગઈ છે. ભારતે અત્યાર સુધી 5 ગોલ્ડ, 8 સિલ્વર અને 6 બ્રોન્ઝ મેડલ જીત્યા છે. ભારત ટોક્યો પેરાલિમ્પિકમાં નિશાનેબાજીમાં 5 અને બેડમિંટનમાં 4 મેડલ જીતી ચૂક્યું છે.

Tokyo Paralympics, Badminton Men's Singles SH6: Krishna Nagar beats Kai Man Chu to win Gold pic.twitter.com/r6jpcFhxuc

— ANI (@ANI) September 5, 2021

Krishna Nagar: પેરાલિમ્પિકમાં ગોલ્ડ જીતનારો આઠમો ભારતીય

ટોક્યો પેરાલિમ્પિકમાં આ ભારતનો પાંચમો ગોલ્ડ મેડલ છે. ટોક્યો પેરાલિમ્પિકમાં કૃષ્ણા પહેલા પ્રમોદ ભગત (બેડમિંટન), મનીષ નરવાલ (નિશાનેબાજી), સુમિત અંતિલ (ભાલા ફેંક, અને અવનિ લેખરા (નિશાનેબાજી) ભારતને ગોલ્ડ અપાવી ચૂક્યા છે. કૃષ્ણા નાગર પેરાલિમ્પિક રમતોમાં ગોલ્ડ જીતનારો માત્ર આઠમો ખેલાડી છે. પેરાલિમ્પિક રમતોમાં ભારતને પહેલો ગોલ્ડ મુરલીકાંત પેટકરે વર્ષ 1972માં અપાવ્યો હતો. ત્યારબાદ દેવેન્દ્ર ઝાઝરિયાએ એથેન્સ ઓલમ્પિક 2004 અને રિયો ઓલમ્પિક 2016માં ભાલા ફેંકમાં ભારતનો ગોલ્ડ અપાવ્યો. બીજી તરફ, રિયોમા; મરિયપ્પન થંગાવેલુએ હાઇ જમ્પમાં ગોલ્ડ મેડલ જીત્યો હતો.

આ પણ વાંચો, Tokyo Paralympics: નોઇડાના ડીએમ સુહાસ યતિરાજે સિલ્વર મેડલ જીતી ઈતિહાસ રચ્યો; ભારતને મળ્યા 18 મેડલ

રાજસ્થાનના (Rajasthan) જયપુરના રહેવાસી 21 વર્ષીય કૃષ્ણા નાગરે (Krishana Nagar) એપ્રિલમાં દુબઈમાં પેરા બેડમિંટન આંતરરાષ્ટ્રીય ટૂર્નામેન્ટમાં બે ગોલ્ડ મેડલ જીત્યા હતા. નાગરે SH6 વર્ગમાં મેડલ જીત્યો છે જેમાં નાના કદના ખેલાડીઓ રમે છે. જ્યારે કૃષ્ણા માત્ર 2 વર્ષનો હતો ત્યારે ડૉક્ટરોએ કહ્યું હતું કે તેની ઊંચાઈ નહીં વધે. ઘરમાં બધા ભાઈ -બહેનો, માતા –પિતાની ઊંચાઈ સામાન્ય છે, પરંતુ કૃષ્ણ નાગરની ઊંચાઈ 4.6 ફૂટથી વધી શકી નથી.

આ પણ વાંચો, Tokyo Paralympics: મનીષ નરવાલે ગોલ્ડ જીત ઇતિહાસ રચ્યો, સિંહરાજના ભાગે આવ્યો સિલ્વર

ટોક્યો પેરાલિમ્પિકમાં સુહાસ યતિરાજે (Suhas Yathiraj) સિલ્વર મેડલ જીતી ઈતિહાસ રચી દીધો છે. SL4 ક્લાસ ફાઇનલમાં સુહાસ યતિરાજ ફ્રાન્સના લુકાસ માજૂર સામે હારતાં ગોલ્ડ મેડલ ચૂકી ગયા. માજૂરે સુહાસને 15-21, 21-17, 21-15 થી હરાવ્યા. ટોક્યો પેરાલિમ્પિકમાં (Tokyo Paralympics) બેડમિંટનમાં આ ભારતનો ત્રીજો મેડલ છે. ગૌતમ બુદ્ધ નગર (નોઇડા)ના 38 વર્ષીય જિલ્લાધિકારી સુહાસ પેરાલિમ્પિક રમતોમાં મેડલ જીતનારા પહેલા આઇએએસ અધિકારી પણ બની ગયા છે. આ પહેલા શનિવારે ભારતીય શટલર પ્રમોદ ભગતે (Pramod Bhagat) કમાલનું પ્રદર્શન કરતા બેડમિંટન સિંગલ્સ SL3નો ગોલ્ડ મેડલ જીત્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Badminton, Krishna Nagar, Tokyo Paralympics, Tokyo Paralympics 2020