Home /News /sport /

Tokyo Olympics, Hockey: ભારતે ગોલ્ડ મેડલિસ્ટ આર્જેન્ટિનાને હરાવ્યું, ક્વાર્ટર ફાઇનલમાં મેળવ્યું સ્થાન

Tokyo Olympics, Hockey: ભારતે ગોલ્ડ મેડલિસ્ટ આર્જેન્ટિનાને હરાવ્યું, ક્વાર્ટર ફાઇનલમાં મેળવ્યું સ્થાન

Tokyo Olympics: ભારતીય હોકી ટીમે પોતાની ચોથી મેચમાં 2016 રિયો ઓલમ્પિકની ગોલ્ડ મેડલિસ્ટ આર્જેન્ટિનાની ટીમને 3-1થી મ્હાત આપી

Tokyo Olympics: ભારતીય હોકી ટીમે પોતાની ચોથી મેચમાં 2016 રિયો ઓલમ્પિકની ગોલ્ડ મેડલિસ્ટ આર્જેન્ટિનાની ટીમને 3-1થી મ્હાત આપી

    ટોક્યો. ભારતીય પુરુષ હોકી ટીમ (Indian Hockey Team)એ ઓલમ્પિક (Tokyo Olympics)ની ક્વાર્ટર ફાઇનલમાં સ્થાન મેળવી લીધું છે. ટીમે પોતાની ચોથી મેચમાં 2016 રિયો ઓલમ્પિકની ગોલ્ડ મેડલિસ્ટ આર્જેન્ટિના (India Beat Argentina)ની ટીમને 3-1થી મ્હાત આપી. ટીમની આ ચાર મેચોમાંથી ત્રીજી જીત છે. ટીમને ન્યૂઝીલેન્ડ, સ્પેન અને આર્જેર્ન્ટિનાની વિરુદ્ધ જીત મળી છે. ભારતને માત્ર ઓસ્ટ્રેલિયાથી હાર મળી. ટીમ ગ્રુપ-એની પોતાની અંતિમ મેચમાં 30 જુલાઈએ મેજબાન જાપાન સામે ટકરાશે.

    મેચમાં ભારત અને આર્જેન્ટિના બંનેએ સારી શરૂઆત કરી હતી. પહેલા ક્વાર્ટરમાં કોઈ ટીમ ગોલ ન કરી શકી. બીજા ક્વાર્ટરમાં પણ કોઈ ગોલ ન થયો. હાફ ટાઇમ સુધી સ્કોર 0-0થી બરાબર હતો. બંને ટીમો પહેલી 30 મિનિટમાં પેનલ્ટી કોર્નર પ્રાપ્ત ન કરી શકી. 43મી મિનિટમાં પેનલ્ટી કોર્નર પર વરુણ કુમારે ગોલ કરીને ભારતને 1-0થી સરસાઈ અપાવી.

    આ પણ વાંચો, Tokyo Olympics, Badminton: પીવી સિંધુ ક્વાર્ટર ફાઇનલમાં, મેડલથી બે જીત દૂર

    ચોથા ક્વાર્ટરમાં ભારતે બે ગોલ કર્યા

    આર્જેન્ટિનાએ ચોથા ક્વાર્ટરમાં વાપસી કરી. 48મી મિનિટમાં મૈકો સ્કૂથે પેનલ્ટી કોર્નર પર ગોલ કરીને સ્કોર 1-1થી બરાબર કરી દીધો. ત્યારબાદ બંને ટીમોએ આક્રમક રમત દર્શાવી. 58મી મિનિટમાં ભારત તરફથી વિવેક સાગરે ગોલ કરીને ટીમને 2-1થી સરસાઈ અપાવી દીધી. બાદમાં 59મી મિનિટમાં હરમનપ્રિત સિંહે કોર્નર પર ગોલ કરીને ટીમને 3-1થી મોટી સરસાઈ અપાવી. ભારતને કુલ 8 કોર્નર મળ્યા અને બેમાં ભારતે ગોલ કર્યા.

    આ પણ વાંચો, Momiji Nishiya: 13 વર્ષ, 330 દિવસ...આટલી નાની ઉંમરે આ જાપાની છોકરીએ ઓલમ્પિકમાં ઈતિહાસ રચી દીધો



    ભારત ગ્રુપમાં બીજા નંબર પર

    ત્રીજી જીતની સાથે ભારતીય હોકી ટીમ ગ્રુપ-એમાં 9 પોઇન્ટની સાથે બીજા નંબર પર છે. ઓસ્ટ્રેલિયાએ તમામ 4 મેચ જીતી છે અને 12 પોઇન્ટની સાથે ટીમ ટોપ પર છે. સ્પેન, ન્યૂઝીલેન્ડ અને આર્જેન્ટિનાને ત્રણેય ટીમ 4-4 મેચ બાદ 4-4 પોઇન્ટ છે. પરંતુ ગોલ સરેરાશના આધાર પર સ્પેન ત્રીજા નંબરે, ન્યૂઝીલેન્ડ ચોથા અને આર્જેન્ટિનાની ટીમ પાંચમા સ્થાન પર છે. મેજબાન જાપાનના 4 મેચમાં 1 પોઇન્ટ છે. ટીમે હજુ સુધી કોઈ મેચ જીતી નથી.
    Published by:Mrunal Bhojak
    First published:

    Tags: Hockey, India beat Argentina, Indian Hockey Team, Olympics, Olympics 2020, Tokyo 2020, Tokyo Olympics, Tokyo Olympics 2020

    विज्ञापन

    विज्ञापन

    આગામી સમાચાર

    विज्ञापन
    विज्ञापन