Tokyo Olympics: ઓલિમ્પિકમાંથી પરત ફરેલી ખેલાડીના ભવ્ય સ્વાગતમાં ન દેખાઇ બહેન, પછી મળી મોતની ખબર

નવી દિલ્હી: ટોક્યો ઓલિમ્પિક (Tokyo Olympics)  સમાપ્ત થઈ ગયું છે અને ભારતીય ખેલાડીઓએ પણ સ્વદેશ પરત ફરવાનું શરૂ કર્યું છે. ભારતીય રમતવીરો સુભા વેંકટેસન અને ધનલક્ષ્મી સેકર (Dhanalakshmi Sekar) પણ ટોક્યો ઓલિમ્પિકમાંથી ઘરે આવ્યા છે. તે તમિલનાડુના તિરુચી પહોંચ્યા હતા. જ્યાં બંનેનું ભવ્ય સ્વાગત કરવામાં આવ્યું હતું. દરમિયાન, ભારતીય ખેલાડી ધનલક્ષ્મી ઘૂંટણીયે બેસીને રડવા લાગી.

બહેનનું બીમારીને કારણે થયું હતું મોત

હકીકતમાં, ઘરે પરત ફર્યા પછી, તેની બહેનના મૃત્યુના હૃદયદ્રાવક સમાચાર મળ્યા, જે તેના પરિવારના સભ્યોએ તેનાથી છૂપાવ્યા હતા. જ્યારે ધનલક્ષ્મી ટોક્યોમાં હતી, તે દરમિયાન તેની બહેનનું બીમારીને કારણે મૃત્યુ થયું હતું, પરંતુ પરિવારના સભ્યોએ તેને આ અંગે જાણ કરી ન હતી. જેથી તે પોતાની રમત પર ધ્યાન આપી શકે.

બહેનનો ઘણો સપોર્ટ હતો

ધનલક્ષ્મી 4 × 400 મીટર મિશ્ર રિલે ટીમમાં અનામત ખેલાડી હતી. તેણે આ વર્ષે પટિયાલામાં ટ્રાયલ દરમિયાન અનામત ખેલાડી તરીકે લાયકાત મેળવી હતી. ધનલક્ષ્મી ટોકિયોથી ઘરે પહોંચી ત્યારે તેનું ભવ્ય સ્વાગત કરવામાં આવ્યું હતું.

વાઘોડિયા: પ્રેમિકાનો સેંથો પૂરી, મંગળસૂત્ર પહેરાવી, પ્રેમી-પંખીડાએ ટૂંકાવ્યું જીવન

જ્યારે તે પોતાની સફર વિશે જણાવી રહી હતી, વાત કરતી વખતે તે અચાનક જોર જોરથી રડવા લાગી. ત્યાં હાજર દરેક લોકો આશ્ચર્યચકિત થઈ ગયા.

ધનલક્ષ્મી તેની બહેનના સમાચાર સાંભળીને એટલી ભાંગી પડી હતી કે તે ઘૂંટણ ટેકવીને રડવા લાગી હતી. ધનલક્ષ્મીને અહીં લાવવામાં તેમની બહેનની મોટી ભૂમિકા હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Tokyo Olympics, Tokyo Olympics 2021, ભારત, સ્પોર્ટસ