IPL 2021: માલદીવ અથવા શ્રીલંકાના રસ્તે ઓસ્ટ્રેલીયા જશે ખેલાડીઓ, BCCI કરશે મદદ

સિડની: ઓસ્ટ્રેલિયા ક્રિકેટ (Cricket Australia)ના મુખ્ય કાર્યકારી અધિકારી નિક હૉકલેએ બુધવારે કહ્યું કે, ભારતીય ક્રિકેટ કંટ્રોલ બોર્ડ (BCCI) ઈન્ડિયન પ્રિમિયર લીગ (IPL 2021)ના ઓસ્ટ્રેલિયાના ખેલાડીઓ માટે ચાર્ટર્ડ પ્લેનની વ્યવસ્થા કરવા માટે કામ કરી રહ્યા છે. ભારતમાં કોવિડ-19ના કેસોમાં સતત વધારો થતા અન્ય દેશોએ હવાઇ યાત્રા પર પ્રતિબંધ મુક્યો છે જેથી ખેલાડીઓ સ્વદેશ પહોંચે તે પહેલા માલદીવ અથવા તો શ્રીલંકામાં રોકાય તેવી શક્યતાઓ છે. હૉકલેએ સિડનીમાં પત્રકારો સાથે વાત કરતા કહ્યું કે, બીસીસીઆઇ તેના તમામ ખેલાડીઓને સ્વદેશ મોકલવા માટેની વ્યવસ્થા કરી રહ્યું છે.

તેમણે કહ્યું કે, બીસીસીઆઇ અનેક વિકલ્પો પર કામ કરી રહ્યું છે. હવે તેમના રોકાણ માટે માલદીવ અને શ્રીલંકામાં વ્યવસ્થા થઇ શકે છે. બીસીસીઆઇ તેમને સ્વદેશ મોકલવા માટે ચાર્ટર્ડ પ્લેનમાં સ્વદેશ મોકલી શકે છે. કોલકત્તા નાઇટ રાઇડર્સ. દિલ્લી કેપિટલ્સ, સનરાઇઝર્સ હૈદરાબાદ અને ચેન્નાઇ સુપરકિંગ્સમાં કોવિડ-19 ના સંક્રમણના અનેક કેસો આવ્યા બાદ આઇપીએલને અનિશ્ચિતકાળ સુધી સ્થગિત કરી દેવામાં આવી છે.

IPL 2021 Suspended: વિદેશી ખેલાડીઓ માટે મોટી મુશ્કેલી, ફ્લાઈટો બંધ ઘરે કેવી રીતે જશે?

કોચ અને કમેંટેટર્સ સહિત ઓસ્ટ્રેલિયાના 14 ખેલાડીઓ હવે બીજા રસ્તેથી સ્વદેશ પરત ફરશે, કારણ કે, ઓસ્ટ્રેલિયન સરકારે ભારતથી પરત ફરનારાઓ માટે કડક નિયમો લાગુ કર્યા છે. પૂછવામાં આવ્યું કે, શું આ વર્ષે આઇપીએલને પુનઃ સ્થાપિત કરી શકાય છે, હોકલેએ કહ્યું હતું કે, આ વિશે વાત કરવાનું ખૂબ જ વહેલું થશે. તેમણે કહ્યું, "આ સમયે બીસીસીઆઈનું ધ્યાન ફક્ત ઓસ્ટ્રેલિયા પર જ નથી, પરંતુ તમામ ખેલાડીઓને સુરક્ષિત ઘરે લાવવા પર છે."

કોવિડ -19 ને સંક્રમિત ગણાતા ચેન્નાઈ સુપર કિંગ્સના બેટિંગ કોચ માઇક હસી ભારતમાં 10 દિવસીય કોરેન્ટાઈન રહેશે.ઓસ્ટ્રેલિયન ક્રિકેટર્સ એસોસિએશનના ચીફ એક્ઝિક્યુટિવ ટોડ ગ્રીનબર્ગે કહ્યું કે, અત્યંત જીવલેણ વાયરસના ચેપ હોવા છતાં હસીનું મનોબળ તૂટી ગયું નથી.

PL 2021 Suspended: આઇપીએલ રોક્યા બાદ હવે ટી20 વર્લ્ડ કપનું યુએઇમાં થઇ શકે છે

સિડની મોર્નિંગ હેરાલ્ડ હુસીને ટાંકતા કહે છે કે, "તેના હળવા લક્ષણો છે, તેથી તે ઓછામાં ઓછા 10 દિવસ તેમની હોટેલમાં એકલતામાં રહેશે." પરંતુ ટીમ તેને સમર્થન આપી રહી છે, જે સારી બાબત છે. "હાલની પરિસ્થિતિ જોતાં ખેલાડીઓ જૂથોમાં રવાના થશે અને આ ગુરુવારે જ થઈ શકે છે. ગ્રીનબર્ગે કહ્યું કે, તે બે તબક્કાની પ્રક્રિયા હશે. પ્રથમ તબક્કામાં, તેઓને ભારતની બહાર લઈ જવામાં આવશે અને પછીના તબક્કામાં તેઓને સુરક્ષિત રીતે ઘરે પહોંચાડવામાં આવશે. '

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cricket Australia, Ipl 2021, ક્રિકેટ ન્યૂઝ, બીસીસીઆઇ