સિલેેક્ટરોએ રવિન્દ્ર જાડેજાને ટીમમાં સ્થાન આપ્યું, પરંતુ BCCIએ સામે એક શરત મૂકી, જો તમારે ટેસ્ટ રમવી હોય તો...

નવી દિલ્હી : ઈજાના કારણે ભારતીય ક્રિકેટ ટીમમાંથી બહાર રહેલા ઓલરાઉન્ડર રવિન્દ્ર જાડેજાની ટીમ ઈન્ડિયામાં વાપસી થઈ છે. પસંદગીકારોએ શુક્રવારે ન્યૂઝીલેન્ડ અને ઓસ્ટ્રેલિયા સામેની આગામી શ્રેણી માટે ટીમની જાહેરાત કરી હતી.

ભારતે ન્યુઝીલેન્ડ સામે વનડે અને ટી-20 સીરીઝ રમવાની છે જ્યારે પ્રથમ ટેસ્ટ અને ત્યારબાદ ઓસ્ટ્રેલિયા સાથે વનડે સીરીઝ રમાશે. જાડેજાની ટેસ્ટ ટીમમાં વાપસી થઈ છે પરંતુ બીસીસીઆઈએ તેની સામે મેચ રમવા પહેલા એક શરત મૂકી છે.

ભારતીય ક્રિકેટ ટીમનો સ્ટાર ઓલરાઉન્ડર રવિન્દ્ર જાડેજા છેલ્લા 5 મહિનાથી મેદાનની બહાર ચાલી રહ્યો છે. એશિયા કપ દરમિયાન ઈજાગ્રસ્ત થયા બાદ તેણે ટીમમાં પુનરાગમન કર્યું હતું પરંતુ સંપૂર્ણ ફિટ ન હોવાને કારણે તેને બહાર કરવામાં આવ્યો હતો.

બાંગ્લાદેશ પ્રવાસમાંથી બહાર થયા બાદ હવે તેનું નામ ઓસ્ટ્રેલિયા સામેની ટેસ્ટ શ્રેણીની પ્રથમ બે મેચ માટે પસંદ કરાયેલી ટીમમાં સામેલ છે. પસંદગીકારોએ જાડેજાના નામ સાથે ફિટનેસનો વિષય લખ્યો છે, એટલે કે જો તે ફિટનેસ હાંસલ કરશે તો જ તે સ્થાન બનાવશે.

BCCIએ જાડેજા સામે એક શરત મૂકી

પ્રાપ્ત માહિતી  અનુસાર, BCCIએ જાડેજાને ઓસ્ટ્રેલિયા સામે નાગપુર ટેસ્ટ પહેલા ઓછામાં ઓછી એક ડોમેસ્ટિક મેચ રમવા માટે કહ્યું છે. મેચમાં ફિટ થયા બાદ જ તેને ઓસ્ટ્રેલિયા સામેની ટેસ્ટ મેચની પ્લેઈંગ ઈલેવનમાં સ્થાન આપવામાં આવશે.

આ પણ  વાંચો : IPLમાં મુશ્કેલીઓનો સામનો કરી રહેલા ભારતીય સ્પિનર ​​અંગે મોહમ્મદ કૈફે કર્યો મોટો ખુલાસો

ભારત ઓસ્ટ્રેલિયા ટેસ્ટ શ્રેણીનું શેડ્યૂલ

પહેલી ટેસ્ટ, ફેબ્રુઆરી 9-13, સવારે 9.30, નાગપુર
બીજી ટેસ્ટ, ફેબ્રુઆરી 17-21, સવારે 9.30, દિલ્હી
ત્રીજી ટેસ્ટ, 1-5 માર્ચ, સવારે 9.30 કલાકે, ધર્મશાલા
ચોથી ટેસ્ટ, 9-13 માર્ચ, સવારે 9.30 કલાકે, અમદાવાદ

ભારત-ઓસ્ટ્રેલિયા વનડે શ્રેણીનું શેડ્યૂલ

1લી ODI, 17 માર્ચ, બપોરે 1.30 કલાકે, મુંબઈ
બીજી ODI, 19 માર્ચ, બપોરે 1.30 કલાકે, વિશાખાપટ્ટનમ
ત્રીજી ODI, 22 માર્ચ, બપોરે 1.30 કલાકે, ચેન્નાઈ



ઓસ્ટ્રેલિયા સામે બે ટેસ્ટ માટે ટીમ

રોહિત શર્મા (કેપ્ટન), કેએલ રાહુલ (વાઈસ-કેપ્ટન), શુભમન ગિલ, ચેતેશ્વર પૂજારા, વિરાટ કોહલી, શ્રેયસ અય્યર, કેએસ ભરત (વિકેટમેન), ઈશાન કિશન (વિકેટમેન), આર અશ્વિન, અક્ષર પટેલ, કુલદીપ યાદવ, રવિન્દ્ર જાડેજા, મોહમ્મદ શમી, મોહમ્મદ સિરાજ, ઉમેશ યાદવ, જયદેવ ઉનડકટ, સૂર્યકુમાર યાદવ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cricket Australia, Indian cricket news, રવિન્દ્ર જાડેજા