IPL ઓક્શન 2023: મોક ઓક્શનમાં ખેલાયો ખેલ! આ ખેલાડી પર 20 કરોડની બોલી, જુઓ વીડિયો

નવી દિલ્હી : વિશ્વની સૌથી લોકપ્રિય અને મોંઘી ટી20 લીગની નવી સીઝન માટે શુક્રવારે મીની હરાજી યોજાવાની છે. ઇન્ડિયન પ્રીમિયર લીગની આગામી વર્ષની આવૃત્તિ માટે વિશ્વભરમાંથી લગભગ એક હજાર ખેલાડીઓએ નોંધણી કરાવી હતી. BCCIએ આ વર્ષે કોચીમાં યોજાનારી મીની હરાજી માટે 504 ખેલાડીઓની પસંદગી કરી હતી.

હવે IPL 2023ની હરાજીમાં 24 કલાકથી વધુ સમય બાકી છે. શુક્રવારે બપોરે શરૂ થનારી હરાજીમાં 273 ભારતીય અને 132 વિદેશી ખેલાડીઓનું ભાવિ દાવ પર લાગેલું છે. 10 ફ્રેન્ચાઇઝી ટીમની થિંક ટેન્ક સંપૂર્ણ યોજના સાથે આ હરાજીમાં પહોંચી રહી છે. દરેક ટીમને મર્યાદિત ભારતીય અને વિદેશી ખેલાડીઓ ખરીદવાની છૂટ આપવામાં આવશે.

શુક્રવારે યોજાનારી હરાજી પહેલા એક મોક ઓક્શન રાખવામાં આવ્યું હતું, જેમાં ઓસ્ટ્રેલિયન ઓલરાઉન્ડર પર પૈસાનો ભારે વરસાદ થયો હતો. થોડા જ સમયમાં, હરાજીમાં મૂકવામાં આવેલી બિડની રકમ 20 કરોડ સુધી પહોંચી ગઈ. આ વર્ષે ભારતમાં રમાયેલી શ્રેણીમાં કેમરૂન ગ્રીને ઘણો સ્કોર કર્યો હતો.

કોચીમાં યોજાનારી મિની ઓક્શનના એક દિવસ પહેલા જિયો સિનેમા પર મોક ઓક્શનનું આયોજન કરવામાં આવ્યું હતું. સ્ટાર ખેલાડીઓથી ભરેલી ખાસ પેનલમાં સામેલ ખેલાડીઓએ આ હરાજી માટે બોલી લગાવી હતી. આ પેનલમાં ઈયોન મોર્ગન, ક્રિસ ગેલ, રોબિન ઉથપ્પા, સુરેશ રૈના, અનિલ કુંબલે, આરપી સિંહ, મુરલી કાર્તિક અને સ્કોટ સ્ટાયરિસ જેવા દિગ્ગજ ખેલાડીઓનો સમાવેશ કરવામાં આવ્યો હતો.

આ પણ વાંચો : 'ભારતીય ક્રિકેટમાં અત્યારે જે વાતાવરણ છે એ પ્રમાણે કંઈપણ ખોટુ થાય તે માટે KL રાહુલને દોષી ઠેરવાય છે'

Cameron Green goes to __

in our Auction War Room as the gets picked up for 20 crores.

Watch @mastercardindia Match Centre LIVE for more LIVE on #JioCinema #TATAIPLAuction #TATAIPLAuctionOnJioCinema #IPL2023Auction | @IPL pic.twitter.com/FJjLeemMTx

— JioCinema (@JioCinema) December 22, 2022

સનરાઇઝર્સ હૈદરાબાદનું પ્રતિનિધિત્વ કરતા સ્ટાયરિસે ઓસ્ટ્રેલિયન ઓલરાઉન્ડર ગ્રીન માટે 20 કરોડ રૂપિયાની બોલી વધારી હતી. આશ્ચર્યજનક વાત એ છે કે ગત સિઝન સુધી હૈદરાબાદની કેપ્ટનશીપ કરી રહેલા કેન વિલિયમસનને આ મોક ઓક્શનમાં ખરીદવામાં આવ્યો ન હતો. પંજાબ કિંગ્સની કેપ્ટનશીપમાંથી હટાવાયેલા મયંક અગ્રવાલ માટે 6.25 કરોડ રૂપિયાની બોલી લગાવવામાં આવી હતી.

મોક ઓક્શનમાં ટોચના ખેલાડીઓ વેચાયા

કેમેરોન ગ્રીન - 20 કરોડ - સનરાઇઝર્સ હૈદરાબાદ
સેમ કુરન - 19.5- કરોડ - ચેન્નાઈ સુપર કિંગ્સ
બેન સ્ટોક્સ - 19 કરોડ - પંજાબ કિંગ્સ
ઓડિન સ્મિથ - 8.5 કરોડ - મુંબઈ ઈન્ડિયન્સ
નિકોલસ પૂરન – 8.5 કરોડ લખનૌ સુપર જાયન્ટ્સ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Auction, IPL Champion, Ipl mega auction