Exclusive Video Rishabh Pant Accident: જુઓ કેટલી ભયાનક રીતે થયો કારનો અકસ્માત, વીડિયો જોઈ રાડ પડી જશે

નવી દિલ્હી: ટીમ ઇન્ડિયાના સ્ટાર બેટ્સમેન ઋષભ પંતની કારને દિલ્હી દિલ્હીથી પરત ફરતાં મોટો અકસ્માત નડ્યો છે. આ અકસ્માતનો વીડિયો જઈને તમારા મોઢામાંથી રાડ ફાટી જશે. ઋષભ દિલ્હી નજીક રુડકીના નારસન બોર્ડર પરથી હમ્મદપુર ઝાલ નજીકથી પસાર થઈ રહ્યા હતા ત્યારે તેમની આ કારનો ધડાકાભેર અકસ્માત થયો હતો. વીડિયોમાં જોઈ શકાય છે કે કાર ડિવાઈડર સાથે સૌથી પહેલા ભટકાઈ હતી અને ત્યાર બાદ રેલિંગ તોડીને કાર ઉછળી સામેની તરફ જઈ પડી હતી.

Exclusive Video: રિષત પંતની મર્સિડિઝ ગાડીની ક્યાં અને કેવી રીતે થઈ ટક્કર?#Rishabhpant #Cricketer #RishabhpantCarAccident #GujaratiNews pic.twitter.com/NBsDwBKoY3

— News18Gujarati (@News18Guj) December 30, 2022

વીડિયોમાં જોઈ શકાય છે કે પહેલા રેલિંગ સાથે ટકરાયા પછી કાર ઉછળીને લાઈટના એક થાંભલા સાથે ભટકાઈ છે અને પછી હવામાં જ ફંગોળાઈને સામેની તરફના રોડ પર જઈ પડી હતી. અહીં પણ કાર સામેની રેલિંગ સાથે અથડાઈ હતી અને પછી 100થી 150 કિમી જેટલી ઘસડાઈ હતી. આ દુર્ઘટનાના કારણે કારના ફુરચેફુરચા ઉડી ગયા હતા.

પોલીસના અહેવાલ મુજબ ઋષભ પંત મર્સિડિઝ બેન્ઝ GL કાર ચલાવી રહ્યો હતો. આ કારમાં એકલો જ સવાર હતો અને તેની કાર સૌથી પહેલા ડિવાઇડર સાથે ધડાકાભેર અથડાઈ હતી જેના કારણે તેના પગમાં ફેક્ચર થઈ ગયું હતું. પ્રાપ્ત હેવાલ મુજબ આ અકસ્માતમાં પંતને માથાના ભાગે પણ ગંભીર ઈજાઓ પહોંચી છે. તેમજ પીઠના ભાગે પણ તેને ગંભીર ઈજાઓ થઈ છે. અહેવાલ મળી રહ્યા છે કે પંતની પ્લાસ્ટિક સર્જરી પણ કરવામાં આવી શકે છે.



અકસ્માતની ગંભીરતા એ બાબત પરથી પણ આવે છે કે ડિવાઈડર સાથે અથડાયા બાદ કાર ત્યાં જ અટકી જતી નથી પરંતુ ઉછળીને વીજળીના થાંભલા સાથે ઉપરની તરફ ભટકાય છે. ત્યાર બાદ તે સીધી સામેની તરફ પટકાઈને રોન્ગ સાઈડના રાઈટ હેન્ડ ડિવાઈડર સાથે ભટકાઈ છે. જેનો અર્થ છે કે કાર હવામાં જ ફંગોળાઈ હોઈ શકે છે. આ અકસ્માત હોલિવુડના કોઈ ફિલ્મી સીન જેવો ભયાનક છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Horrific road accident, Mercedes Benz, Rishabh pant, Team india