T20 World Cup: 6,0,6,0,6,6 ધોનીની જેમ પાકિસ્તાનના આ બૉલરે એક ઓવરમાં 4 સિક્સર મારી ટીમ જીતાડી, જુઓ Video

T20 world cup PAK vs AFG :ટી-20 વર્લ્ડકપમાં ગઈકાલે પાકિસ્તાનનો અફઘાનિસ્તાન સામે મુકાબલો હતો. આ જંગમાં પાકિસ્તાનના ઑલરાઉન્ડર આસિફ અલીએ સપાટો બોલાવ્યો છે. આસિફ અલીએ છેલ્લી ઓવરમાં ધોનીની જેમ 4 સિક્સર ફટકારી અને પોતાની ટીમને જીતા઼ડી હતી. આસિફ અલીએ 19મી ઑવરમાં 4 સિક્સર ફટકારી અને પાકિસ્તાનને ભવ્ય જીત અપાવી હતી. આસિફ અલીના આ શાનદાર પ્રદર્શન બાદ તેની ચોમેર વાહ વાહી થઈ રહી છે. અફઘાન કેપ્ટન મોહમ્મદ નબીના ખેલાડીઓએ આસિફ ક્રીઝ પર ન આવે ત્યાં સુધી ડેથ ઓવર્સમાં વિરોધીઓ પર કાબૂ રાખવા માટે યોગ્ય કામ કર્યું. પાકિસ્તાનને મેચ જીતી જવા માટે છેલ્લા 12 બોલમાં 24 રનની જરૂર હતી આ વખતે આસિફ અલીએ બોલર કરીમ જનાત સામે ચાર જોરદાર શોટ વડે 25 રન ફટકારી અને પાકિસ્તાનને શાનદાર જીત અપાવી હતી.

આસિફે 18મી ઓવરની શરૂઆત લોંગ-ઓફ પર છગ્ગો ફટકારી અને કરી હતી. જનાતે ડોટ બોલ વડે સ્થિતિને શાંત કરવામાં સફળ રહ્યો, પરંતુ પાકિસ્તાનના બેટ્સમેનની યોજના અલગ હતી. તેણે ડીપ મિડ-વિકેટ પર ત્રીજા બોલ પર વધુ એક છગ્ગો માર્યો ત્યારબાદ વધુ એક ડોટ બોલ ગયો હતો. જોકે, આ ડોટ બોલ બાદ ફરી બે બૉલમાં બે સિક્સર ફટકારી અને આસિફ અલીએ અફઘાનિસ્તાન સામે હારી રહેલી ટીમને સફળતા અપાવી હતી. બાકી એક તરફે અફઘાનિસ્તાન આ મેચમાં જીતની સ્થિતિમાં પહોંચી ગયું હતું પરંતુ આસિફે આ બાજીને પલટી નાખી હતી.

આસિફના ચારેકોર વખાણ

આસિફના ધમાકેદાર દાવ અને ટૂર્નામેન્ટમાં પાકિસ્તાનની સતત ત્રીજી જીતે સોશિયલ મીડિયાને ધૂમ મચાવી દીધી. ક્રિકેટ જગતના લોકો આગળ આવ્યા અને માત્ર 7 બોલમાં 25 રનની અણનમ ઇનિંગ માટે 30 વર્ષીય બેટ્સમેનની પેટભરીને પ્રસંશા કરી હતી. આસિફની આ ઈનિંગના કારણે પાકિસ્તાનનો જ્વલંત વિજય થયો છે. અગાઉ ન્યૂઝીલેન્ડ સામે પણ આસિફે જ જીત અપાવી હતી.

આ પણ વાંચો : T20 world cup: વર્લ્ડ કપમાં સૌથી વધુ વિકેટ ઝડપનાર આ છે Top 5 બોલર્સ, જાણો રેકોર્ડ

હરભજનસિંઘે પણ વખાણ કર્યા

હરભજને લખ્યું કે છેલ્લા બૉલ પર સિંગલ લેવાના બદલે આસિફ અલીએ ચાર સિક્સર ફટકારી અને જે આત્મવિશ્વાસ દર્શાવ્યો. ક્લિન અને પાવરફૂલ હિટર

Asif Ali you beauty #PakvsAfg pic.twitter.com/ohq4bzGIMu

— Murtaza Ali Shah (@MurtazaViews) October 29, 2021

પાકિસ્તાનની વર્લ્ડકપમાં સતત ત્રીજી જીત, સેમિફાઇનલમાં પ્રવેશ

આ વર્લ્ડકપમાં પાકિસ્તાનની સતત ત્રીજી જીત થઈ છે. પ્રથમ મેચમાં ભારત સામે 10 વિકેટે જીત મેળવ્યા બાદ પાકિસ્તાનને ન્યૂઝીલેન્ડ સામે 5 વિકેટે જીત મેળવી હતી જ્યારે ગઈકાલે અફઘાનિસ્તાન સામે પણ 5 વિકેટે જીત મેળવી હતી. આમ પાકિસ્તાન સજીત સાથે સેમિફાઇનલમાં પહોંચી ગયું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Pak vs AFG, T20 world cup