T20 World Cup: એમએસ ધોની ટીમ ઇન્ડિયાને કોચિંગ આપવા ઇચ્છુક નથી, શાસ્ત્રી હવે ફક્ત 2 મહિનાના મહેમાન

નવી દિલ્હી : ટીમ ઇન્ડિયાના પૂર્વ કેપ્ટન મહેન્દ્રસિંહ ધોનીને (Mahendra Singh Dhoni)ટી-20 વર્લ્ડ કપ (T20 World Cup 2021) માટે ટીમ ઇન્ડિયાનો મેન્ટોર (team india mentor)બનાવવામાં આવ્યો છે. ટીમ ઇન્ડિયા 2007 પછી ટી-20 વર્લ્ડ કપમાં ચેમ્પિયન બની શકી નથી. જોકે ધોની ફક્ત આ વર્લ્ડ કપ સુધી જ ટીમની સાથે રહેશે. તે લાંબા સમય સુધી સપોર્ટ સ્ટાફ તરીકે ટીમ ઇન્ડિયા સાથે જોડાવવા માંગતો નથી. આ ખુલાસો બીસીસીઆઈ અધ્યક્ષ સૌરવ ગાંગુલીએ (Sourav Ganguly)કર્યો છે. બીજી તરફ ટીમ ઇન્ડિયાના કોચ રવિ શાસ્ત્રીનો (Ravi Shastri)કાર્યકાળ ટી-20 વર્લ્ડ કપ પછી પૂરો થઇ રહ્યો છે. વર્લ્ડ કપની મેચો 17 ઓક્ટોબરથી 14 નવેમ્બર સુધી રમાવાની છે. એટલે કે શાસ્ત્રીનો કાર્યકાળ ફક્ત 2 મહિનામાં ખતમ થઇ જશે.

સૌરવ ગાંગુલીએ ટેલિગ્રાફ સાથે વાત કરતા કહ્યું કે એમએસ ધોની ફક્ત ટી-20 વર્લ્ડ કપ માટે ટીમ ઇન્ડિયા સાથે રહેશે. તેણે પહેલા જ અમને આ વિશે જણાવી દીધું છે. તમને જણાવી દઈએ કે ધોનીની કેપ્ટનશિપમાં ટીમ ઇન્ડિયા એકમાત્ર વખત 2007માં વર્લ્ડ ચેમ્પિયન બની હતી. આટલું જ નહીં 2013માં અંતિમ વખત ટીમે આઈસીસી ટ્રોફી પણ ધોનીની કેપ્ટનશિપમાં જીતી હતી. ગાંગુલીએ કહ્યું કે ઘણા દેશ સિનીયર ખેલાડીઓની મદદ લઇ રહ્યું છે. તેનાથી ટીમને ફાયદો મળે છે.

આ પણ વાંચો - T20 World Cup: ટી-20 વર્લ્ડકપ બાદ રોહિત શર્મા બની શકે છે કેપ્ટન, વિરાટ કોહલી જાતે જ છોડશે સુકાન

મીડિયા રિપોર્ટ્સ પ્રમાણે ટી-20 વર્લ્ડ કપ પછી વિરાટ કોહલી ટી-20 અને વન-ડે ટીમની કેપ્ટનશિપ છોડી દેશે. તે બેટિંગ પર ફોક્સ કરવા માંગે છે. એટલે કે ટી-20 વર્લ્ડ કપ પછી ટીમ ઇન્ડિયા પૂરી રીતે બદલાઇ જશે. કોચ રવિ શાસ્ત્રી સિવાય કોહલી પણ રહેશે નહીં. રોહિત શર્માને ટી-20 અને વન-ડે ટીમની કેપ્ટનશિપ આપવાની ચર્ચા છે. જોકે બીસીસીઆઈએ આ વાતનું ખંડન કર્યું છે. રોહિત સિવાય અન્ય કોઇપણ ભારતીય ખેલાડી કેપ્ટનશિપની રેસમાં પણ નથી

આગામી વર્ષથી ટી-20 મેચો વધી જશે

ટી-20 વર્લ્ડકપ 2022માં પણ થવાનો છે. આ સિવાય આગામી વર્ષથી આઈપીએલમાં પણ બે ટીમો વધી જવાની છે. એટલે કે મેચોની સંખ્યા વધી જશે. એટલે ઓવરઓલ ટી-20 મેચોના મુકાબલા વધી જશે. આઈપીએલમાં ટીમ વધવાથી દેશી અને વિદેશી ખેલાડીઓની માંગ વધશે. આટલું જ નહીં બીસીસીઆઈની (BCCI)આવકમાં પણ વધારો થશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Sourav ganguly, T20 2021 world cup, Team india, રવિ શાસ્ત્રી