કોહલી હજી સુધી IPL નથી જીતી શક્યો, ICC ટ્રોફીની શું વાત કરો છો: સુરેશ રૈના

નવી દિલ્લી: ટીમ ઈન્ડિયા (Team India) જ્યારથી વર્લ્ડ ટેસ્ટ ચેમ્પિયનશીપ (WTC Final)ની ફાઈનલ મેચમાં હાર મળ્યા બાદથી વિરાટ કોહલી (Virat Kohli)ની કેપ્ટનશીપ પર ચર્ચાઓ ચાલી રહી છે. કેટલાક લોકોનું કહેવું છે કે, 33 જીત સાથે ભારતનો સૌથી સફળ ટેસ્ટ કેપ્ટન કોહલીએ પદ છોડવું જોઈએ અને ભારતીય ક્રિકેટને વિભાજીત કેપ્ટનસીનો કોન્સેપ્ટ અપનાવવો જોઈએ, જ્યારે મોટાભાગના નિષ્ણાતો ઈચ્છે છે કે, તે ત્રણેય ફોર્મેટમાં કેપ્ટન બનાવવો જોઈએ.

પૂર્વ ભારતીય ઓલરાઉન્ડર સુરેશ રૈનાએ પણ આ મુદ્દે પોતાનો અભિપ્રાય આપ્યો હતો. રૈનાનું માનવું છે કે, કોહલીને થોડો વધુ સમય આપવાની જરૂર છે. કોહલીની કેપ્ટનશીપ હેઠળ ભારત ત્રણ વખત આઈસીસી ખિતાબ પર પહોંચી ગયું હતું. 2017માં ચેમ્પિયન્સ ટ્રોફી, 2019 વર્લ્ડ કપ અને 2021 વર્લ્ડ ટેસ્ટ ચેમ્પિયનશીપની ફાઇનલમાં ભારત ખિતાબ ગુમાવ્યું હતું. હવે આગળ ત્રણ વર્લ્ડ કપ છે.

રૈનાને વિશ્વાસ છે કે કોહલી અને ટીમ ઈન્ડિયાની ઓછામાં ઓછી એક આઈસીસી ટ્રોફી જીતશે. ન્યૂઝ 24 સ્પોર્ટ્સ સાથે વાત કરતા રૈનાએ કહ્યું કે, મને લાગે છે કે તે નંબર વન કેપ્ટન છે. તેના રેકોર્ડ્સ એ સાબિત કરે છે કે, તેણે ઘણું પ્રાપ્ત કર્યું છે.

આ પણ વાંચો: HBD સંજય માંજરેકર: હરારેમાં 9 કલાક ક્રીઝ પર રહીને સદી ફટકારી, ભારતને હારથી બચાવ્યું

મને લાગે છે કે તે વિશ્વનો નંબર વન બેટ્સમેન છે. તમે આઈસીસી ટ્રોફી વિશે વાત કરી રહ્યા છો, પરંતુ તેઓએ હજુ સુધી આઈપીએલ જીતી નથી. મને લાગે છે કે, તેઓને થોડો સમય આપવાની જરૂર છે. હવે 2-3- વર્લ્ડ કપ યોજાવાના છે. બે ટી -20 વર્લ્ડ કપ અને એક વનડે વર્લ્ડ કપ. ફાઇનલ સુધી પહોંચવું સરળ નથી.

આ પણ વાંચો: Euro 2020: ઈટલીએ બીજીવાર જીત્યું ટાઇટલ, ઈંગ્લન્ડનું 55 વર્ષનું સપનું અધૂરું રહ્યું

રૈનાનું માનવું છે કે વર્લ્ડ ટેસ્ટ ચેમ્પિયનશિપની ફાઇનલ ખરાબ પરિસ્થિતિઓને કારણે નહીં, પરંતુ બેટ્સમેનોના નબળા પ્રદર્શનને કારણે હારી ગઈ હતી. ખરેખર, બે દિવસ વરસાદના કારણે ધોવાઈ ગયા, આ હોવા છતાં, ન્યુઝીલેન્ડ 8 વિકેટે જીત્યું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Suresh raina, ક્રિકેટ ન્યૂઝ, વિરાટ કોહલી