વર્લ્ડ કપમાં હાર બાદ આ ટીમના તમામ કોચિંગ સ્ટાફને કાઢી મૂકાશે

વર્લ્ડ કપમાં હાર બાદ શ્રીલંકામાં હાહાકાર મચી ગયો છે. એક તરફ ટીમની ટીકા થઈ રહી છે તો બીજી તરફ આખા કોચિંગ સ્ટાફને બદલવાની તૈયારી કરવામાં આવી રહી છે. શ્રીલંકા મીડિયાના સમાચાર પ્રમાણે રમત ગમત મંત્રીએ ક્રિકેટ બોર્ડના તમામ કોચિંગ સ્ટાફનું રાજીનામું લઈ લેવાનો આદેશ કર્યો છે.

શ્રીલંકા ક્રિકેટ બોર્ડના અધ્યક્ષ શમ્મી સિલ્વાએ આ વાતની પુષ્ટિ કરી છે કે કોચિંગ સ્ટાફના રાજીનામા લઇ લેવા પર વિચારી રહ્યા છે. તેમણે કહ્યું કે તે દેશની બહાર છે, અને પરત ફર્યા બાદ રમત ગમત મંત્રી સાથે વાત કરશે. (આ પણ વાંચો : ધોની હાલ સંન્યાસ નહીં લે, આ કામ પૂરું કરીને ક્રિકેટને અલવિદા કહેશે!)

એવામાં હવે જોવું રહ્યું કે મંત્રીના આવા આદેશની ટીમ પર શું અસર પડશે. હકીકતમાં આ જ મહિના બાંગ્લાદેશે બાંગ્લાદેશ સામે સીરીઝ રમવાની છે. અધ્યક્ષ શમ્મી સિલ્વાનું કહેવું છે કે આ પ્રકારના નિર્ણયની કોઈ અસર ખેલાડીઓ પર નહીં પડે.



શ્રીલંકાની ટીમમાં હાલ ચંદ્રિકા હાથગુરુસિંઘે હેડ કોચ છે. તેમણે જાન્યુઆરી 2018માં આ જવાબદારી સંભાળી હતી. તેમનો કોન્ટ્રાક્ટ ખતમ થવામાં હજી 16 મહિના બાકી છે. જોન લેવિસ શ્રીલંકાની ટીમના બેટિંગ કોચ છે. જ્યારે ફિલ્ડિંગ કોચ સ્ટીવ રિક્શન છે.

આ પણ વાંચો : ચાર વર્ષમાં ધોની સાથે આ મુશ્કેલી, આ જ કારણે કારકિર્દી જોખમમાં છે!

આ વખતે વર્લ્ડ કપમાં શ્રીલંકાની ટીમ નવમાંથી ફક્ત ત્રણ મેચ જીતી શકી હતી. ટીમ છઠ્ઠા નંબરે રહી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Sri lanka, World cup 2019, આઇસીસી