IND VS ENG: ઇંગ્લેન્ડ પ્રવાસ બાદ શુભમન ગીલ IPL 2021માંથી પણ બહાર, જાણો હવે ક્યારે રમશે?

ફાઈલ તસવીર

વર્લ્ડ ટેસ્ટ સિરીઝની ફાઇનલ બાદ શુભમન ગીલ(Shubman Gill)ઘાયલ થયો હતો અને તે ઈંગ્લેન્ડ પ્રવાસ (India vs England Test Series)થી બહાર થયો હતો. હવે સમાચાર પ્રાપ્ત થયા છે કે, તે આઈપીએલ 2021માં પણ નહીં રમી શકે.

  • Share this:
    નવી દિલ્હી: ભારતીય ક્રિકેટ ટીમ બાદ હવે આઈપીએલની ફ્રેન્ચાઇઝી કોલકાતા નાઈટ રાઇડર્સને પણ મોટો ઝટકો લાગ્યો છે. હકીકતમાં, ઈજાના કારણે ઈંગ્લેન્ડની ટેસ્ટ સિરીઝ(India vs England Test Series)માંથી બહાર થયેલ શુભમન ગીલ(Shubman Gill) હવે આઈપીએલ 2021ના ​​બીજા તબક્કામાં રમી શકશે નહીં. મીડિયા રિપોર્ટ્સ અનુસાર, શુભમન ગીલની ઈજા ગંભીર છે અને તેને સ્વસ્થ થવામાં ઓછામાં ઓછા 3 મહિનાનો સમય લાગશે. આનો અર્થ એ કે ગીલ મેચ ફિટનેસને ફરીથી મેળવવા માટે લાંબો સમય લેશે અને આઈપીએલ 2021 માં પણ નહીં રમે. કોલકાતા નાઈટ રાઇડર્સ માટે પણ આ ખરાબ સમાચાર છે કારણ કે, તેના કેપ્ટન ઇઓન મોર્ગનનું પણ બીજા રાઉન્ડમાં રમવાનું પણ લગભગ અશક્ય છે અને શુબ્મન ગિલ ઈજાગ્રસ્ત થતાંની સાથે જ તેમની પ્લેઇંગ ઇલેવનના બે મહત્વના ખેલાડીઓ છોડી દેવામાં આવ્યા છે.

    આ પણ વાંચો: IND vs ENG: ભારતીય ક્રિકેટરોને કોરોનાથી બચાવવાની તૈયારી શરૂ, લીઘુ મોટું પગલું

    ઇનસાઇડ સ્પોર્ટમાં પ્રકાશિત થયેલા અહેવાલ મુજબ, બીસીસીઆઈના એક સ્ત્રોતે પુષ્ટિ કરી છે કે, શુભમન ગીલ ત્રણ મહિનાથી બહાર હતો. ગીલના ડાબા પગના સ્નાયું ખેચાયા છે તથા ફ્રેકચર પણ થયું  છે, તેથી તે ટૂંક સમયમાં પાછા આવશે તેવી અપેક્ષા નથી. ગીલના બહાર નીકળ્યા પછી, મયંક અગ્રવાલ અને કેએલ રાહુલમાંથી એકને ઇંગ્લેન્ડની ટેસ્ટ સિરીઝમાં તક મળી શકે છે. આ સાથે જ એવા અહેવાલો પણ મળી રહ્યા છે કે, ટીમ ઈન્ડિયા પણ શ્રીલંકાના પ્રવાસ પર ગયેલા પૃથ્વી શોને ઈંગ્લેન્ડ બોલાવવા માંગે છે.

    આ પણ વાંચો: IND VS ENG:ટીમ ઈન્ડિયાની રજાઓ ચાલુ રહેશે, BCCIએ ઇંગ્લેન્ડની ટીમ પાસેથી ન લીધો બોધપાઠ

    ઈજાગ્રસ્ત થતાં પહેલાં શુભમન ગીલ વધુ સારુ પ્રદર્શન કરી રહ્યો ન હતો. ઓસ્ટ્રેલિયા શ્રેણી બાદ તેના બેટથી રન આવવાનું પ્રામાણ ઓછું થઈ ગયું હતું. ગીલે ઇંગ્લેન્ડની ચાર ટેસ્ટ મેચની શ્રેણીમાં માત્ર 19.83ની એવરેજથી 119 રન બનાવ્યા હતા. વર્લ્ડ ટેસ્ટ ચેમ્પિયનશીપની ફાઇનલમાં તેણે કિવિ ટીમ સામે 2 ઇનિંગ્સમાં માત્ર 36 રન બનાવ્યા હતા. આઈપીએલ 2021ના ​​મુલતવી સુધી શુભમન ગીલે 7 મેચમાં 18.85ની એવરેજથી 132 રન જ બનાવી શક્યો હતો. હવે આ ખેલાડી ઈજાગ્રસ્ત છે અને લાંબા સમયથી બહાર રહેવું ગીલ માટે મોટી સમસ્યા હોઈ શકે છે.
    Published by:kuldipsinh barot
    First published: