આ ખેલાડીએ ડેબ્યૂ મેચમાં ટ્રિપલ સદી ફટકારી, પ્રદર્શન જોઇ BCCI ના પસંદગીકારોનું ટેન્શન વધ્યું

નવી દિલ્હી. ભારતીય ક્રિકેટ ચરમસીમાએ પહોંચી ગયું છે. દેશમાં ઉભરતા યુવા ખેલાડીઓના પ્રદર્શનને કારણે પસંદગીકારોનું ટેન્શન સતત વધી રહ્યું છે. ભારતમાં બેવડી સદીનો ધમધમાટ જોવા મળી રહ્યો છે પછી તે આંતરરાષ્ટ્રીય ક્રિકેટ હોય કે ફર્સ્ટ ક્લાસ ક્રિકેટ. સરફરાઝ ખાન ટેસ્ટ ક્રિકેટને લઈને ઘણી ચર્ચાનો વિષય રહ્યો છે. વર્ષ 2019થી આ બેટ્સમેન BCCIનો દરવાજો ખટખટાવી રહ્યો છે. પરંતુ આજે 3 વર્ષ વીતી ગયા છતા હજુ સુધી બોર્ડનું ધ્યાન તેના તરફ ગયું નથી.

ભારતે આવતા મહિને ઓસ્ટ્રેલિયા સામે ટેસ્ટ શ્રેણી રમવાની છે. બોર્ડ દ્વારા બે ટેસ્ટ માટે ટીમની જાહેરાત કરવામાં આવી હતી. જેમાં ફરીથી સરફરાઝનું નામ નહોતું. જે બાદ ટ્રોલ આર્મીએ BCCIને રિમાન્ડ પર લીધુ હતું. સરફરાઝના રેકોર્ડ્સે ચાહકોને આ કરવા માટે મજબૂર કરી દીધા છે. ફર્સ્ટ ક્લાસ ક્રિકેટમાં તેની એવરેજ 80થી ઉપરની છે. આ ચર્ચા વચ્ચે વધુ એક બેટ્સમેન સ્ટારની જેમ ચમક્યો છે. 23 વર્ષીય સકીબુલ ગની પણ બેવડી અને ટ્રીપલ સેન્ચ્યુરી ફટકારતો જોવા મળ્યો છે.

આ પણ વાંચો: ક્રિકેટમાં ભારતનો ડંકો! નંબર-1 ODI ટીમ બન્યા બાદ વધુ એક ખુશીના સમાચાર

ડેબ્યૂ મેચમાં ટ્રિપલ સેન્ચ્યુરી ફટકારી હતી

સકીબુલે ગયા વર્ષે ફર્સ્ટ ક્લાસ ક્રિકેટમાં ડેબ્યૂ કર્યું હતું. તેણે ત્રેવડી સદી ફટકારીને મળેલી તકનો ફાયદો ઉઠાવ્યો. ડેબ્યૂ મેચમાં જ ટ્રિપલ સેન્ચ્યુરીને ફરી એકવાર પોતાની બેટિંગથી બધાને આકર્ષિત કર્યા છે. બિહારના આ યુવકે મણિપુર સામે 205 રનની શાનદાર ઇનિંગ રમી હતી. આ સાથે જ સકીબુલ ગનીએ ફર્સ્ટ ક્લાસ ક્રિકેટમાં 1000 રન પૂરા કરી લીધા છે. તેણે માત્ર 15 ઇનિંગ્સમાં આ સિદ્ધિ મેળવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Team india, ક્રિકેટ, બીસીસીઆઇ