રોહિત પણ ટી20માં કોહલી સાથે ઑપનિંગ કરવા તૈયાર, જો ટીમને ફાયદો થાય તો મને કોઈ તકલીફ નથી

રોહિત પણ ટી20માં કોહલી સાથે ઑપનિંગ કરવા તૈયાર, જો ટીમને ફાયદો થાય તો મને કોઈ તકલીફ નથી

  • Share this:
    અમદાવાદ: ભારતીય ટી -20 ટીમના વાઇસ કેપ્ટન રોહિત શર્માને કેપ્ટન વિરાટ કોહલી સાથે ટી20 ફોર્મેટમાં ઓપન કરવામાં કોઈ સમસ્યા નથી. તેણે કહ્યું કે, જો ટીમને આનો ફાયદો થાય તો હું તે કરવા માટે તૈયાર છું. રોહિત અને વિરાટે ઈંગ્લેન્ડ સામે પાંચમી અને અંતિમ ટી 20માં ભારતીય ઇનિંગની શરૂઆત કરી હતી. બંનેએ પહેલી વિકેટ માટે 54 બોલમાં 94 રન કર્યા હતા, જે શ્રેણીમાં આ વિકેટ માટેની સૌથી મોટી ભાગીદારી હતી. આ પહેલીવાર હતું જ્યારે આ બંને આંતરરાષ્ટ્રીય ટી20માં ઓપનિંગ કરી હતી. મેચ બાદ પ્રેસ કોન્ફરન્સમાં રોહિતે આ વાત કહી હતી.

    રોહિતે વધુમાં કહ્યું કે, આ બેટિંગ ક્રમમાં મેચ જીતવી અમારા માટે સારો અનુભવ હતો. કેપ્ટન તે ચોક્કસ સમયે શું વિચારે છે તેના પર બધું જ નિર્ભર રહેશે. અમારે બેસીને વિશ્લેષણ કરવું પડશે કે ટીમ માટે શું યોગ્ય રહેશે. આનો અર્થ એ છે કે, જો વિરાટે મારી સાથે ઇનિંગ્સની શરૂઆત કરવી હોય, તો તે આવું હોવું જોઈએ. જો અમને લાગે છે કે, આ ટીમ માટે યોગ્ય છે તો અમે તે ચોક્કસપણે કરીશું.



    તેમણે વધુમાં કહ્યું કે, મેદાનની બહાર શું થઈ રહ્યું છે, અમે તેના વિશે વધારે વિચારતા નથી. બહાર બેઠેલા લોકો વિચારી શકે કે, ટીમમાં કોણ હશે તે નંબર પર કોણ બેટિંગ કરશે. પરંતુ આ આમારા માટે કોઈ મતલબ નથી. અમારું લક્ષ્ય એવાં ખેલાડીઓનો ટીમમાં સમાવેશ કરવા પર રહેશે, જે સારા ફોર્મમાં છે. એમને તક આપવી તે આપણા માટે વધુ મહત્વનું છે. આ વર્લ્ડ કપનું વર્ષ છે. આવી સ્થિતિમાં, ટીમ માટે આ વિચારસરણી યોગ્ય રહેશે.

    અગાઉ વિરાટે મેચ બાદ પ્રેસ કોન્ફરન્સમાં પણ કહ્યું હતું કે, હવે ભારતીય ટીમનો મધ્યમ ક્રમ ખૂબ જ મજબૂત લાગે છે. આવી સ્થિતિમાં તે રોહિત સાથે ખુલીને રમી શકે છે. તેમણે કહ્યું હતું કે, જ્યારે ટીમના બે બેસ્ટ બેટ્સમેન વધુને વધુ બોલ રમવા મળે છે, ત્યારે તેનો ફાયદો ટીમને થશે. વિરાટે કહ્યું કે, જો આપણા માંથી કોઈ એક ઓપનિંગ વખતે ક્રીઝ પર રહેશે તો પછી બાદમાં આવેલા બેટ્સમેનને ફ્રી રમવાની સ્વતંત્રતા મળશે. વિરાટે તેની આઈપીએલ કારકિર્દીમાં અત્યાર સુધીમાં પાંચ સદી ફટકારી છે અને તેણે આ પાંચ સદી ઇનિંગની શરૂઆત કરી છે.

    તમને જણાવી દઈએ કે, રોહિત અને વિરાટે ઇંગ્લેન્ડ સામે છેલ્લી ટી 20 માં શાનદાર બેટિંગ કરી હતી. બંનેએ પ્રથમ વિકેટ માટે 94 રનનો ઉમેરો કર્યો હતો. આ દરમિયાન રોહિતે 34 બોલમાં 188.24ની સ્ટ્રાઈક રેટથી 64 રન બનાવ્યા, જ્યારે કેપ્ટન કોહલીએ 52 બોલની અણનમ 80 રનની ઇનિંગ રમી હતી. ટી 20માં ઓપનર તરીકેનો આ તેનો સૌથી મોટો સ્કોર હતો. તે જ સમયે, આ તેની શ્રેણીની ત્રીજી અડધી સદી હતી અને તે ત્રણેય ઇનિંગમાં અણનમ રહ્યો. આ બંનેની બેટિંગને કારણે ભારતે મેચમાં ઇંગ્લેન્ડ સામે 20 ઓવરમાં 224 રનનો મોટો સ્કોર બનાવ્યો હતો અને આ ટીમની જીતનું કારણ બન્યું હતું.
    Published by:kuldipsinh barot
    First published:March 21, 2021, 14:37 pm

    ટૉપ ન્યૂઝ