Home /News /sport /ઋષભ પંતના જમણા પગના લિગામેન્ટનું ઓપરેશન 3 કલાક ચાલ્યું, જાણો હેલ્થ અપડેટ

ઋષભ પંતના જમણા પગના લિગામેન્ટનું ઓપરેશન 3 કલાક ચાલ્યું, જાણો હેલ્થ અપડેટ

ઋષભ પંતની સારવાર

આ સર્જરી જમણા પગના ઘૂંટણ પરના લિગામેન્ટ પર કરવામાં આવી હતી. મુંબઈની કોકિલાબેન હોસ્પિટલમાં દાખલ ઋષભ પંતની આ સર્જરી શુક્રવારે થઈ હતી. આ ઓપરેશન ડો.દિનશા પદરીવાલાએ કર્યું હતું. આ સર્જરી બાદ હવે ઋષભ પંતને લગભગ 3 થી 4 દિવસ સુધી ઓબ્ઝર્વેશનમાં રાખવામાં આવશે.

વધુ જુઓ ...
    મુંબઈ. કાર અકસ્માતમાં ઘાયલ ભારતીય સ્ટાર ક્રિકેટર ઋષભ પંતની હવે મુંબઈની કોકિલાબેન હોસ્પિટલમાં સારવાર ચાલી રહી છે. ત્યાંથી પંત વિશે એક મોટું અપડેટ આવી રહ્યું છે. ઋષભ પંતની સર્જરી થઈ છે. આ ઓપરેશન બાદ સ્ટાર વિકેટકીપર બેટ્સમેન પંતનો રિસ્પોન્સ સારો છે. જેનો અર્થ છે કે તેઓ સારું અનુભવી રહ્યા છે.

    સુત્રો પાસેથી પ્રાપ્ત માહિતી અનુસાર, આ સર્જરી જમણા પગના ઘૂંટણ પરના લિગામેન્ટ પર કરવામાં આવી હતી. મુંબઈની કોકિલાબેન હોસ્પિટલમાં દાખલ ઋષભ પંતની આ સર્જરી શુક્રવારે થઈ હતી. આ ઓપરેશન ડો.દિનશા પદરીવાલાએ કર્યું હતું. આ સર્જરી બાદ હવે ઋષભ પંતને લગભગ 3 થી 4 દિવસ સુધી ઓબ્ઝર્વેશનમાં રાખવામાં આવશે.

    આ પણ વાંચોઃ પુજારીએ મંદિરમાંથી મહિલાને ઢસડીને બહાર કાઢી, ભગવાનને પતિ માનીને બાજુમાં બેસવા માગતી હતી, જુઓ વાયરલ વીડિયો

    ઋષભ પંતનું ઓપરેશન ત્રણ કલાક સુધી ચાલ્યું હતું


    ઋષભ પંતનું આ ઓપરેશન લગભગ 3 કલાક ચાલ્યું હતું. ઋષભ પંત સારવાર બાદ સારું અનુભવી રહ્યો છે અને તેનો રિસ્પોન્સ પણ સારો છે. તમને જણાવી દઈએ કે, કાર અકસ્માત બાદ ઋષભ પંતને માથા, પીઠ, પગ, ઘૂંટણ અને પગની ઘૂંટીમાં ગંભીર ઈજાઓ થઈ છે. અગાઉ તેની સારવાર દેહરાદૂનની મેક્સ હોસ્પિટલમાં કરવામાં આવી હતી. ત્યારબાદ ભારતીય ક્રિકેટ કંટ્રોલ બોર્ડ (BCCI)એ પંતને એરલિફ્ટ કરીને મુંબઈની કોકિલાબેન હોસ્પિટલમાં ખસેડ્યો હતો.

    રૂડકીની પાસે પંતની કારનો અકસ્માત થયો હતો


    જણાવી દઈએ કે ઈજાના કારણે ઋષભ પંતને શ્રીલંકા સામેની T20 અને વન ડે સિરીઝ માટે ટીમ ઈન્ડિયામાં પસંદ કરવામાં આવ્યો ન હતો. બીસીસીઆઈએ ઋષભ પંતને રિહેબ માટે બેંગ્લોરમાં નેશનલ ક્રિકેટ એકેડમી (NCA) જવા કહ્યું હતું. પરંતુ તે પહેલા તે ક્રિસમસ મનાવવા દુબઈ ગયો હતો. અહીં તેણે પૂર્વ ભારતીય કેપ્ટન મહેન્દ્ર સિંહ ધોની સાથે ક્રિસમસની ઉજવણી કરી હતી.



    આ પછી, ઋષભ પંત પોતાના દેશ પરત ફર્યો અને પોતાની કારમાં દિલ્હીથી પોતાના હોમ ટાઉન રૂડકી જઈ રહ્યો હતો. દરમિયાન, 30 ડિસેમ્બરની વહેલી સવારે ઋષભ પંતની કારને અકસ્માત નડ્યો હતો. આ દુર્ઘટના રૂડકી નજીક ગુરુકુલ નરસન વિસ્તારમાં થઈ હતી. ઋષભ પંત કારમાં એકલો હતો અને પોતે ડ્રાઇવ કરી રહ્યો હતો. પંતે કહ્યું કે તે વિન્ડ સ્ક્રીન તોડીને બહાર આવ્યો. આ પછી કારમાં જોરદાર આગ લાગી હતી.

    BCCI એરલિફ્ટ કરીને મુંબઈ શિફ્ટ કર્યો


    આ અકસ્માત બાદ ઋષભ પંતને રૂડકીની સક્ષમ હોસ્પિટલમાં દાખલ કરવામાં આવ્યો હતો. આ પછી તેને દેહરાદૂનની મેક્સ હોસ્પિટલમાં રિફર કરવામાં આવ્યો. અહીં પણ પંતના ચહેરા અને અન્ય કેટલીક જગ્યાએ નાની સર્જરી કરવામાં આવી હતી. પરંતુ આ પછી, બીસીસીઆઈએ એક મોટો નિર્ણય લીધો અને પંતને એરલિફ્ટ કરીને ગ્રીન કોરિડોર દ્વારા મુંબઈની કોકિલાબેન હોસ્પિટલમાં ખસેડવામાં આવ્યો.

    પંતને પણ છે જાડેજા જેવી ઈજા


    અગાઉ એ વાત સામે આવી હતી કે ઋષભ પંતની ઈજા રવિન્દ્ર જાડેજા જેવી છે. બીસીસીઆઈના એક અધિકારીએ કહ્યું હતું કે પંતનું લિગામેન્ટ ફાટી ગયું છે જે ઓલરાઉન્ડર રવિન્દ્ર જાડેજા જેવું છે જે ગયા વર્ષે ઈજાગ્રસ્ત થયું હતું. જાડેજા ઈજાના કારણે લાંબા સમયથી બહાર છે અને તેના કારણે તે T20 વર્લ્ડ કપમાં પણ ઉતરી શક્યો નહીં. તે ઓસ્ટ્રેલિયા સામે 9 ફેબ્રુઆરીથી શરૂ થનારી 4 મેચની ટેસ્ટ સિરીઝમાં જોવા મળે તેવી શક્યતા છે.
    Published by:Priyanka Panchal
    First published:

    Tags: Health Update, Rishabh pant

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन