Rishabh Pant Accident: ઋષભ પંતને લઇ મોટા સમાચાર, ટીમ ઇન્ડિયામાં રમવું મુશ્કેલ...

નવી દિલ્હી. ભારતીય ક્રિકેટ ટીમનો સ્ટાર વિકેટ કીપર બેટ્સમેન ઋષભ પંત ગયા વર્ષે ડિસેમ્બરમાં એક ભયાનક કાર અકસ્માતનો શિકાર બન્યો હતો. 30 ડિસેમ્બરના રોજ દિલ્હીથી પોતાના વતન જતા સમયે તેની કારને અકસ્માત નડ્યો હતો. ગંભીર રીતે ઘાયલ ટીમ ઈન્ડિયાના આ સ્ટાર ખેલાડીને હોસ્પિટલમાં દાખલ કરવામાં આવ્યો હતો અને હાલ મુંબઈમાં તેની સારવાર ચાલી રહી છે. પંત વિશે એક મોટું અપડેટ આવ્યું છે, જે મુજબ તેના માટે આગામી 6 મહિના ખૂબ જ મુશ્કેલ છે.

ઋષભ પંત 30 ડિસેમ્બર 2022ના રોજ દિલ્હીથી રૂરકી તરફ કાર ચલાવતી વખતે ગંભીર કાર અકસ્માતનો શિકાર બન્યો હતો. તેમની કાર ડિવાઈડર સાથે અથડાઈ અને સ્થાનિક લોકોએ તેને દેહરાદૂનની હોસ્પિટલમાં દાખલ કર્યો હતો. તેના ઘૂંટણમાં ગંભીર ઈજા થઈ હતી અને તેને એરલિફ્ટ કરીને મુંબઈ લઈ જવામાં આવ્યો હતો અને તેની સર્જરી કરવામાં આવી હતી. હાલ તે હોસ્પિટલમાં છે અને તેની હાલત સારી છે. ગંભીર ઈજાને કારણે તે આગામી 6 મહિના સુધી મેદાનમાં ઉતરી શકશે નહીં અને 2023માં તેની વાપસીની આશા ઓછી છે.

આ પણ વાંચો: કોણ છે બાગેશ્વરધામ મહારાજ પંડિત ધીરેન્દ્ર કૃષ્ણ શાસ્ત્રી, જેમનો ચમત્કાર બન્યો ચર્ચાનો વિષય

espncricinfoના સમાચાર અનુસાર, ઓસ્ટ્રેલિયા સામેની હોમ સીરિઝમાંથી બહાર થયા બાદ પંત IPLમાં નહીં રમે, હવે એવા અહેવાલ છે કે તે ઓક્ટોબર-નવેમ્બરમાં ભારતમાં યોજાનાર ODI વર્લ્ડ કપની પસંદગી માટે ઉપલબ્ધ રહેશે નહીં. જો રિપોર્ટ્સનું માનીએ તો પંતને મેદાનમાં પરત ફરતા આખું વર્ષ લાગી શકે છે. આગામી 6 મહિનામાં તે ફિટ થઈ જશે અને સામાન્ય જીવનમાં પાછો ફરશે પરંતુ તેને પ્રેક્ટિસ માટે તૈયાર થવામાં હજુ થોડા મહિના લાગશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર