એક વર્ષ પછી ટીમ ઇન્ડિયામાં આવતા જ હીરો બન્યો ધોનીનો ‘મિત્ર’

એશિયા કપમાં બાંગ્લાદેશ સામે ભારતીય ટીમની પ્લેઇંગ ઇલેવનમાં રવીન્દ્ર જાડેજાને સ્થાન મળ્યું હતું. જાડેજાએ આ તકનો ફાયદો ઉઠાવતા શાનદાર પ્રદર્શન કરતા 4 વિકેટ ઝડપી હતી. જાડેજાએ સાકિબ અલ હસન, મુશ્ફિકુર રહીમ, મોહમ્મદ મિથુન અને મોસાડેક હુસેનને વિકેટ ઝડપી હતી. જાડેજાએ 10 ઓવરમાં 29 રન આપી 4 વિકેટ ઝડપી હતી.

જાડેજાનો લગભગ એક વર્ષ પછી ભારતની વન-ડે ટીમમાં સમાવેશ થયો છે. જાડેજા આ પહેલા છેલ્લે જુલાઈ 2017માં વેસ્ટ ઇન્ડીઝ સામે રમ્યો હતો. આ મેચમાં તેણે શાનદાર બોલિંગ કરતા 10 ઓવરમાં 27 રન આપ્યા હતા. તેને કોઈ સફળતા મળી ન હતી. બેટિંગ કરવાની જાડેજાની તક મળી ન હતી. આ પછી જાડેજાને હાર કરી દેવામાં આવ્યો હતો. આ દરમિયાન ટીમ ઇન્ડિયા અલગ-અલગ દેશ સામે 27 વન-ડે મેચ રમ્યું છે. હાર્દિક પંડ્યા ઇજાગ્રસ્ત થતા જાડેજાને ભારતની ટીમમાં સ્થાન મળ્યું છે.

એશિયા કપમાં બાંગ્લાદેશ સામે શાનદાર પ્રદર્શન કરીને જાડેજાને 2019ના વર્લ્ડ કપ માટે દાવો મજબુત બનાવ્યો છે. આ પહેલા ઇંગ્લેન્ડ સામે ટેસ્ટમાં પણ જાડેજાએ શાનદાર પ્રદર્શન કર્યું હતું.

વન-ડેમાં જાડેજાનું પ્રદર્શન
જાડેજાને ઓલરાઉન્ડર તરીકે ભારતીય ટીમમાં સ્થાન મળે છે અને તે આ આશા ઉપર ખરો ઉતરે છે. અત્યાર સુધી 136 વન-ડે મેચમાં તેણે 31.37ની એવરેજથી 1914 રન બનાવ્યા છે. જેમાં 10 અડધી સદી સામેલ છે. જ્યારે તેણે 35.87ની એવરેજથી 155 વિકેટ ઝડપી છે.

આ પણ વાંચો - લોકસભા ચૂંટણી લડવા મુદ્દે રાહુલ દ્રવિડે આપ્યો આવો જવાબઇંગ્લેન્ડના પ્રવાસે જગાવી આશા
ઇંગ્લેન્ડના પ્રવાસમાં જાડેજાને ઓવલ ટેસ્ટમાં રમવાની તક મળી હતી. આ પ્રવાસની અંતિમ ટેસ્ટ હતી. આ મેચમાં જાડેજાએ બેટિંગમાં પ્રથમ ઇનિંગ્સમાં અણનમ 86 અને બીજી ઇનિંગ્સમાં 13 રન બનાવ્યા હતા. આ સિવાય પ્રથમ ઇનિંગ્સમાં 4 અને બીજી ઇનિંગ્સમાં 3 વિકેટ ઝડપી હતી. જાડેજાએ 37 ટેસ્ટમાં 178 વિકેટ ઝડપી છે અને 1295 રન બનાવ્યા છે.