IPL સ્થગિત થતા જામનગર સ્થિત ફાર્મ હાઉસ પર પહોંચ્યો જાડેજા, કહ્યું સૌથી સુરક્ષિત સ્થળ

નવી દિલ્લી: ભારતીય સ્ટાર ઓલરાઉન્ડર રવિન્દ્ર જાડેજા આઈપીએલની 14 મી સીઝન મોકૂફ રાખ્યા બાદ અન્ય ખેલાડીઓની જેમ ઘરે પરત ફર્યો છે. વિશ્વની સૌથી પ્રતિષ્ઠિત ટી 20 લીગમાં સ્થાન મેળવનાર આઈપીએલની 14 મી સીઝનને અનિશ્ચિત સમય માટે મુલતવી રાખવામાં આવી છે. દિગ્ગજ ખેલાડી મહેન્દ્ર સિંહ ધોનીની આગેવાની હેઠળની ટીમ, ચેન્નાઈ સુપર કિંગ્સનો ભાગ રહેલા જાડેજા આ પછી સુરક્ષિત રીતે તેમના ઘરે પહોંચ્યા. તેણે ટ્વિટર પર પોતાના ફાર્મ હાઉસની તસવીર શેર કરી છે. તેણે એમ પણ લખ્યું છે કે, તે એવી જગ્યાએ પહોંચી ગયો છે જ્યાં તેને સલામત લાગે છે.

જાડેજા ઘરે પરત ફર્યા પછી, તે જામનગરમાં આવેલા તેમના ફાર્મ હાઉસ પર પહોંચ્યો, તેણે ટ્વિટર પર તેના કેટલાક ઘોડાઓની તસવીરો પણ શેર કરી. જાડેજાએ લખ્યું, 'હું તે સ્થળે આવ્યો છું જ્યાં મને સલામત લાગે છે.' જાડેજાએ હેશટેગમાં એક ફાર્મ હાઉસ પણ લખ્યું હતું. તસવીરમાં જાડેજા જોવા મળ્યા નથી, પરંતુ તેના ફાર્મ હાઉસમાં ઉછરેલા ઘોડા ચોક્કસપણે દેખાય છે.

Back to the place where I feel safe!!🐎 #farmhouse #staysafe pic.twitter.com/17l9eNnw0b

— Ravindrasinh jadeja (@imjadeja) May 5, 2021

32 વર્ષિય જાડેજા ઘોડાઓને ખૂબ પસંદ કરે છે અને સોશિયલ મીડિયા પર અવારનવાર તેના ઘોડાઓ સાથે ફોટો શેર કરે છે. તે ઘણી વાર સવારી કરતા પણ જોવા મળ્યો છે. આઈપીએલ -2021 મુલતવી રાખ્યા પછી ઘણા ક્રિકેટરો પોતપોતાના ઘરે પરત ફર્યા છે. આ લીગની 29 મેચ રમી હતી પરંતુ પાછળથી બીસીસીઆઈને કોરોના વાયરસ સામે ઘૂંટણિયે પડવું પડ્યું હતું અને કેટલાક ખેલાડીઓ તેમજ સ્ટાફના સભ્યો કોવિડ -19 પોઝિટિવ આવ્યા બાદ લીગને અનિશ્ચિત સમય માટે મુલતવી રાખવી પડી હતી. લીગની ફાઇનલ 30 મેના રોજ રમાવાની હતી.

શિખર ધવને કોરોના વેક્સિનનો પ્રથમ ડોઝ લીધો, લોકોને પણ કરી અપીલ

જાડેજાએ આઈપીએલની 14 મી સીઝનમાં 7 મેચ રમી હતી અને 131 રન બનાવ્યા હતા અને એક સુંદર પ્રદર્શનમાં 6 વિકેટ ઝડપી હતી. તેણે વાનખેડે સ્ટેડિયમ ખાતે આરસીબી સામે 25 બોલમાં અડધી સદી પણ ફટકારી હતી. તે 2008 થી આ લીગનો ભાગ છે અને કુલ 2290 રન બનાવ્યા છે. આ સિવાય તેના નામે 120 વિકેટ પણ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ipl 2021, ક્રિકેટ ન્યૂઝ, રવિન્દ્ર જાડેજા