રાશિદે ખાને ફટકાર્યો ધોની જેવો હેલિકોપ્ટર શોટ, ઝુમી ઉઠ્યો સેહવાગ!

અફઘાનિસ્તાનનો લેગ સ્પિનર રાશિદ ખાન પોતાની ફિરકી ઉપર બેટ્સમેનોને ચકમો આપવા માટે ઓળખાય છે પણ યૂએઈમાં ચાલી રહેલી ટી10 લીગમાં આ ખેલાડી પોતાની બેટિંગથી ધૂમ મચાવી રહ્યો છે. ટી-10 લીગમાં મરાઠા અરેબિયંસ માટે રમતા રાશિદ ખાને પખ્તુંસના ફાસ્ટ બોલર મોહમ્મદ ઇરફાનની બોલ પર લાંબી સિક્સર ફટકારી હતી. ખાસ વાત એ છે કે આ સિક્સર તેણે ધોની જેવો હેલિકોપ્ટર શોટ રમીને ફટકારી હતી.

રાશિદ ખાનનો આ શોટ જોઈને વીરેન્દ્ર સેહવાગ પણ તાળીઓ પાડવા મજબૂર બન્યો હતો. કોમેન્ટેટરે આ શોટને ટી-10 લીગનો બેસ્ટ શોટ ગણાવ્યો હતો. રાશિદ ખાને આ હેલિકોપ્ટર શોટ પોતાના ઇન્સ્ટાગ્રામ એકાઉન્ટ પર શેર કર્યો છે.

રાશિદ ખાને આ વીડિયોને ધોનીને પણ ટેગ કર્યો છે અને લખ્યું છે કે હેલિકોપ્ટર શોટની શોધ કરનાર માહી ભાઈ. રાશિદ ખાનના આ વીડિયોને પ્રશંસકો ઘણો પસંદ કરી રહ્યા છે. આ વીડિયો લગભગ દોઢ લાખ વખત જોવાય ચૂક્યો છે.

આ પણ વાંચો - કેમ પૃથ્વી શોની ઇજાએ વિરાટની ઊંઘ ઉડાડી દીધી છે?

View this post on Instagram

😍😍😍👍🏻🙏 #Helicopters #Inventer @mahi7781 Bhai

A post shared by Rashid Khan (@rashid.khan19) on Nov 29, 2018 at 2:07am PST

શારજાહમાં રમાયેલ મુકાબલામાં મરાઠા અરેબિયંસે નજીબુલ્લાહ ઝરદાનના 36 અને કામરાન અકમલના 25 રનની મદદથી 6 વિકેટે 125 રન બનાવ્યા હતા. જવાબમાં પખ્તુન્સની ટીમે 9.2 ઓવરમાં 2 વિકેટે 126 રન બનાવી લીધા હતા. કોલિન ઇન્ગ્રામે 42 અને ડેલપોર્ટે 36 રન બનાવ્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ms dhoni, Rashid khan