વરસાદે ઓસ્ટ્રેલિયાની સાઉથ આફ્રિકાને હરાવવાની આશા પર પાણી ફેરવી દિધુ

નવી દિલ્હી : દક્ષિણ આફ્રિકાને હરાવીને વર્લ્ડ ટેસ્ટ ચેમ્પિયનશિપની ફાઇનલમાં સ્થાન મેળવવાની ઓસ્ટ્રેલિયાની આશા પ્રતિકૂળ હવામાનને કારણે તૂટી ગઈ છે કારણ કે ત્રીજી ટેસ્ટ ડ્રો તરફ આગળ વધી રહી છે.

વરસાદ અને ખરાબ પ્રકાશને કારણે પ્રથમ બે દિવસે મેચ શરૂ થવામાં વિલંબ થયો અને શુક્રવારે કોઈ રમત જોવા મળી ન હતી, ઓસ્ટ્રેલિયાએ તેની પ્રથમ ઇનિંગમાં ચાર વિકેટે 475 રન બનાવ્યા હતા અને ઉસ્માન ખ્વાજા 195 રને ક્રીઝ પર હતા.

હવે ઓસ્ટ્રેલિયા એ મૂંઝવણમાં છે કે તેને બાકીના બે દિવસમાં કેટલા રન બનાવવાની જરૂર છે અને દક્ષિણ આફ્રિકાને બીજી વખત આઉટ કરવામાં કેટલો સમય લાગશે કારણ કે પિચ સ્પિનરોને મદદ કરી રહી નથી. શુક્રવાર સવારથી અહીં વરસાદ પડી રહ્યો છે, જેના કારણે ગ્રાઉન્ડસમેનને મેદાન તૈયાર કરવાનો મોકો મળ્યો નથી.

આ પણ વાંચો : રાજકોટમાં શ્રીલંકા પર ટીમ ઈન્ડિયાનું પલડું ભારે, સૌરાષ્ટ્ર ક્રિકેટ એસોસિએશનના સ્ટેડિયમમાં ભારતનો રેકોર્ડ વધારે

ઓસ્ટ્રેલિયાએ પહેલા બે ટેસ્ટ સાથે શ્રેણી જીતી લીધી છે. ત્રીજી ટેસ્ટમાં જીતથી જૂનમાં ઈંગ્લેન્ડમાં વર્લ્ડ ટેસ્ટ ચેમ્પિયનશિપની ફાઇનલમાં તેનું સ્થાન સીલ થઈ જશે.

ખ્વાજાએ ગુરુવારે સળંગ ત્રીજી સદી ફટકારી હતી અને તેણે પોતાની કારકિર્દીનો સર્વોચ્ચ સ્કોર પણ બનાવ્યો છે. અગાઉ, તેનો સર્વોચ્ચ સ્કોર 174 હતો જે તેણે 2015માં બ્રિસ્બેનમાં ન્યૂઝીલેન્ડ સામે બનાવ્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cricket News Gujarati, IND VS SL, IND vs SL 2nd T20I