અશ્વિન-મિતાલી ખેલ રત્ન, ધવન-કેએલ અને બુમરાહ અર્જુન એવોર્ડ માટે નોમિનેટ

  • Share this:
    નવી દિલ્હી: ભારતીય ક્રિકેટ બોર્ડ (BCCI)એ પ્રતિષ્ઠિત ખેલ રત્ન એવોર્ડ માટે ટીમ ઈન્ડિયાના ઓ-ફ સ્પિનર ​​રવિચંદ્રન અશ્વિન(Ravichandran Ashwin) અને મહિલા ક્રિકેટર મિતાલી રાજ (Mithali Raj)ના નામની ભલામણ ખેલ રત્ન(Khel Ratna) માટે કરવામાં આવી છે. ભારતીય બોર્ડે પણ અર્જુન એવોર્ડ(Arjuna Award)માટે શિખર ધવન(Shikhar Dhawan), કેએલ રાહુલ(KL Rahul) અને જસપ્રિત બુમરાહ(Jasprit Bumrah)ના નામની ભલામણ કરી છે.

    સમાચાર એજન્સી એએનઆઈ અનુસાર બીસીસીઆઈના એક સૂત્રએ જણાવ્યું હતું કે, અમારી વિગતવાર ચર્ચા થઈ હતી અને અશ્વિન અને મહિલા ટેસ્ટ-વનડેની કેપ્ટન મિતાલી રાજના નામ ખેલ રત્ના માટે મોકલવાનો નિર્ણય લેવામાં આવ્યો હતો. અમે અર્જુન એવોર્ડ માટે શિખર ધવનને ફરીથી ભલામણ કરી રહ્યા છીએ જ્યારે અમે આ એવોર્ડ માટે કેએલ રાહુલ અને જસપ્રિત બુમરાહનાં નામ પણ આપ્યાં છે.

    તે જોવાનું બાકી છે કે, રમત મંત્રાલય દ્વારા નિમાયેલી પેનલ ઓલિમ્પિક વર્ષમાં એવોર્ડ માટે મિતાલીની પસંદગી કરે છે કે, કેમ. મિતાલીએ ગયા અઠવાડિયે આંતરરાષ્ટ્રીય ક્રિકેટમાં 22 વર્ષ પૂરા કર્યા હતા. આ 38 વર્ષીય ખેલાડી વન-ડે આંતરરાષ્ટ્રીય મેચોમાં સાત હજારથી વધુ રન બનાવનારો સૌથી સફળ બેટ્સમેન છે. મિતાલીની જેમ, અર્જુન એવોર્ડ જીતનાર અશ્વિને પણ ટેસ્ટ ક્રિકેટમાં ભારત માટે સતત સારુ પ્રદર્શન કર્યું છે. તેણે 79 ટેસ્ટમાં 413 વિકેટ લેવાની સાથે વન-ડેમાં અને ટી-20 ઈન્ટરનેશનલ મેચોમાં પણ એકદંતરે 150 અને 42 વિકેટ લીધી છે. જોકે તે અત્યારે નાના ફોર્મેટમાં નથી રમી રહ્યો.

    આ પણ વાંચો: IPLની નવી ટીમોની કિંમતો જાણીને ઉડી જશે તમારા હોશ, BCCI કમાશે 5800 કરોડ

    ધવન શ્રીલંકામાં આગામી મર્યાદિત ઓવરોની શ્રેણીમાં ભારતનું નેતૃત્વ કરશે અને તે અર્જુન એવોર્ડનો પ્રબળ દાવેદાર છે. ડાબા હાથના બેટ્સમેને ટેસ્ટ ક્રિકેટ અને ટી 20 મેચોમાં ભારત માટે 2315 અને 1673 રન બનાવ્યા છે, ઉપરાંત 142 વન ડે આંતરરાષ્ટ્રીય મેચોમાં 5977 રન બનાવ્યા છે.

    આ પણ વાંચો: IPL Auction:આવતા વર્ષે થશે મેગા ઓક્શન, ધોની, કોહલી અને રોહિત સહિતના ખેલાડીઓની થશે હરાજી

    રમત મંત્રાલયે રાષ્ટ્રીય રમત પુરસ્કારો માટે નોમિનેશન મોકલવાની અંતિમ તારીખ એક સપ્તાહ સુધી લંબાવી છે. રાષ્ટ્રીય સ્પોર્ટસ ફેડરેશન્સ અગાઉ 28 જૂન સુધીમાં નોમિનેશન મોકલવાની હતી. રમત મંત્રાલયે એક પરિપત્રમાં કહ્યું છે કે, "ઉમેદવારી નોંધાવવાની છેલ્લી તારીખ 28 જૂન 2021થી વધારીને 5 જુલાઈ 2021 કરવામાં આવી છે." ટેનિસ, બોક્સીંગ અને કુસ્તી સહિતના કેટલાંક એનએસએફ દ્વારા નામાંકન મોકલવામાં આવ્યાં છે. જ્યારે બીસીસીઆઈ તેમને થોડા સમયમાં મોકલશે દિવસ. ખેલ રત્ન એવોર્ડ માટે ઓડિશા સરકારે દુતી ચાંદનું નામ મોકલ્યું છે.

    આ પણ વાંચો: આ ખેલાડીએ એક દિવસમાં 743 કરોડ રૂપિયાની કમાણી કરી, કોહલીની વાર્ષિક કમાણી 200 કરોડ

    મંત્રાલયના સત્તાવાર નિવેદન મુજબ, લાયક ખેલાડીઓ / કોચ / સંસ્થાઓ/યુનિવર્સિટીઓ તરફથી નામાંકન/અરજીઓને એવોર્ડ માટે આમંત્રિત કરવામાં આવ્યા હતા અને તેઓને ઇ-મેઇલ કરવાના હતા. અભૂતપૂર્વ પગલામાં, પાંચ ભારતીય રમતવીરોને ગત વર્ષે પ્રતિષ્ઠિત ખેલ રત્નથી નવાજવામાં આવ્યા હતા. ગત વર્ષે મણિકા બત્રા, રોહિત શર્મા, વિનેશ ફોગાટ, રાની રામપાલ અને મરિયપ્પન ફાંગાવેલુને ખેલ રત્ન એનાયત કરાયો હતો. ભારતીય રમતગમતના ઇતિહાસમાં આ પહેલીવાર છે. જ્યારે પાંચ ભારતીય રમતવીરોને એક જ વર્ષમાં ખેલ રત્નથી નવાજવામાં આવ્યા હતા.
    Published by:kuldipsinh barot
    First published: