Home /News /sport /

VIDEO: કૃષ્ણા પાંડેએ એક ઓવરમાં ફટકારી 6 સિક્સર, 436ની સ્ટ્રાઇક રેટથી આક્રમક બેટિંગ કરી

VIDEO: કૃષ્ણા પાંડેએ એક ઓવરમાં ફટકારી 6 સિક્સર, 436ની સ્ટ્રાઇક રેટથી આક્રમક બેટિંગ કરી

કૃષ્ણાએ રોયલ્સ ટીમના ફાસ્ટ બોલર નિતેશ ઠાકુર સામે 6 બોલમાં 6 સિક્સર ફટકારી

6 sixes in an over - કૃષ્ણા પાંડેએ 19 બોલમાં 83 રનની ઇનિંગ્સ રમી હતી. પોતાની ઇનિંગ્સમાં કૃષ્ણાએ 12 સિક્સરો ફટકારી

    નવી દિલ્હી : 2007ના ટી-20 વર્લ્ડ કપમાં ઇંગ્લેન્ડ સામે યુવરાજ સિંહે ફટકારેલી 6 સિક્સરો (6 sixes in an over)ભાગ્યે જ કોઇ ક્રિકેટપ્રેમી ભૂલ્યા હશે. ક્રિકેટ જગતમાં આવી સિદ્ધિ ક્યારેક જ જોવા મળે છે. હવે ફરી એક વખત યુવા ભારતીય ખેલાડીએ આવી સિદ્ધિ મેળવી છે. કૃષ્ણા પાંડે (krishna pandey)નામના ખેલાડીએ પુંડુચેરી ટી-10 ટૂર્નામેન્ટમાં (pondicherry t10 league)આ સિદ્ધિ મેળવી છે.

    કૃષ્ણા પાંડેએ પુંડુચેરી ટી-10 ટૂર્નામેન્ટમાં પેટ્રિઓટ્સ ટીમ તરફથી રમતા આ સિદ્ધિ મેળવી છે. કૃષ્ણાએ રોયલ્સ ટીમના ફાસ્ટ બોલર નિતેશ ઠાકુર સામે 6 બોલમાં 6 સિક્સર ફટકારી હતી. જોકે કૃષ્ણાની આ શાનદાર ઇનિંગ્સ પણ ટીમને હારથી બચાવી શકી ન હતી. 4 રનના નજીવા અંતરેથી પેટ્રિઓટ્સની ટીમે રોયલ્સ સામે મેચ ગુમાવી હતી.

    આ પણ વાંચો - હાર્દિક પંડ્યાના બેટિંગ ક્રમમાં થશે ફેરફાર? દિનેશ કાર્તિકના રૂપમાં મળ્યો છે વિકલ્પ

    છઠ્ઠી ઓવરમાં ફટકારી 6 સિક્સર

    પેટ્રિઓટ્સ ટીમને 10 ઓવરમાં 158 રનની જરૂર હતી. એકસમયે ટીમનો સ્કોર 5 ઓવરમાં 1 વિકેટે ફક્ત 41 રન હતો. આગામી 30 બોલમાં ટીમને જીત માટે 117 રનની જરૂર હતી. આ પછી કૃષ્ણાએ છઠ્ઠી ઓવરમાં 6 બોલમાં 6 સિક્સર ફટકારીને ટીમની જીતની આશા જગાવી હતી.



    436નો સ્ટ્રાઇક રેટ

    આ પહેલા રોયલ્સે પ્રથમ બેટિંગ કરતા 10 ઓવરમાં 3 વિકેટે 157 રન બનાવ્યા હતા. જવાબમાં પેટ્રિઓટ્સની ટીમ 10 ઓવરમાં 5 વિકેટે 153 રન જ બનાવી શકી હતી. 4 રને ટીમનો પરાજય થયો હતો. કૃષ્ણાએ 19 બોલમાં 83 રનની ઇનિંગ્સ રમી હતી. પોતાની ઇનિંગ્સમાં કૃષ્ણાએ 12 સિક્સરો ફટકારી હતી. આ વિસ્ફોટક ઇનિંગ્સમાં કૃષ્ણાની સ્ટ્રાઇક રેટ 436.84નો રહ્યો હતો.

    આ પણ વાંચો - ભારતીય ક્રિકેટર દીપક ચાહર બંધાયો લગ્નના બંધનમાં, જુઓ મેરેજની તસવીરો

    આંતરરાષ્ટ્રીય ક્રિકેટમાં આ પ્લેયર્સના નામે છે એક ઓવરમાં 6 સિક્સર ફટકારવાનો રેકોર્ડ

    ઇન્ટરનેશનલ ક્રિકેટની વાત કરવામાં આવે તો યુવરાજ સિંહ, હર્ષલ ગિબ્સ અને કિરોન પોલાર્ડના નામે એક ઓવરમાં 6 સિક્સર ફટકારવાનો રેકોર્ડ છે. યુવરાજ સિંહે 2007માં ટી-20 વર્લ્ડ કપમાં ઇંગ્લેન્ડ સામે મેચમાં આ સિદ્ધિ મેળવી હતી. યુવરાજે સ્ટુઅર્ટ બ્રોડની ઓવરમાં 6 બોલમાં 6 સિક્સર ફટકારી હતી.
    Published by:Ashish Goyal
    First published:

    Tags: Sports news, ક્રિકેટ

    આગામી સમાચાર