ગુજરાતની આગળ મુંબઈ ધ્વસ્ત, શુભમન ગિલની સદીએ ટીમને ફાઇનલમાં પહોચાડી

અમદાવાદઃ ગુજરાત ટાઇટન્સે ફરી એકવાર IPLની ફાઇનલમાં જગ્યા બનાવી લીધી છે. હાર્દિક પંડ્યાની આગેવાની હેઠળની વર્તમાન ચેમ્પિયન ટીમે ક્વોલિફાયર-2માં પાંચ વખતની ચેમ્પિયન મુંબઈ ઈન્ડિયન્સને એકતરફી હરાવીને ફાઇનલમાં પ્રવેશ કર્યો હતો.

શુભમન ગિલની રેકોર્ડ સદી અને પછી મોહિત શર્મા અને રાશિદ ખાનની શાનદાર બોલિંગના આધારે ગુજરાતે 62 રનથી આશ્ચર્યજનક જીત નોંધાવી હતી.

આ સિઝનમાં નરેન્દ્ર મોદી સ્ટેડિયમમાં બંને ટીમો વચ્ચેનો આ બીજો મુકાબલો હતો અને તેનું પરિણામ ગત મેચ જેવું જ રહ્યું હતું. ત્યારે ગુજરાતે પ્રથમ બેટિંગ કરતા 200થી વધુ રન બનાવ્યા હતા અને મુંબઈને 160 રન પહેલા જ રોકી દીધું હતું. આ વખતે પણ ગુજરાતે પ્રથમ બેટિંગ કરીને 233 રનનો મોટો સ્કોર બનાવતાં મુંબઈને માત્ર 171 રનમાં જ ધ્વસ્ત કરી દીધું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: GT Wins, IPL 2023, Mumbai Cricketer