રાફેલ વિમાન ભારતીય વાયુ સેનામાં સામેલ થવા પર ધોનીએ અભિનંદન પાઠવ્યા, પોતાના મનપસંદ ફાઇટર જેટનું નામ જણાવ્યું

નવી દિલ્હી :  ભારતના પૂર્વ કેપ્ટન મહેન્દ્રસિંહ ધોનીનો (Mahendra Singh Dhoni)સેના પ્રેમ જગજાહેર છે. ધોનીને ભારતીય સેનામાં લેફ્ટિનેન્ટ કર્નલનો માનક રેન્ક આપવામાં આવ્યો છે. ધોની હાલ આઈપીએલ રમવા માટે યૂએઈમાં (UAE)છે પણ ભારતીય એરફોર્સની મોટી સિદ્ધિ પર અભિનંદન આપવાનું ભૂલ્યો ન હતો. ગુરુવારે ફ્રાન્સથી ખરીદાયેલા પાંચ રાફેલ (Rafale)લડાકૂ વિમાન ઔપચારિક રૂપથી વાયુસેનામાં સામેલ થયા છે. ધોનીએ આ પ્રસંગે ટ્વિટ કરીને પોતાની ખુશી વ્યક્ત કરી હતી.

ધોનીએ ટ્વિટ કરીને અભિનંદન પાઠવ્યા

ધોનીએ ટ્વિટ કરીને અભિનંદન પાઠવ્યા હતા. ધોનીએ લખ્યું કે ફાઇનલ ઇંડક્શન સેરેમની સાથે દુનિયાના બેસ્ટ 4.5 જનરેશન લડાકૂ વિમાન દુનિયાના બેસ્ટ લડાકૂ પાયલટને મળી ગયા. ભારતીય વાયુસેનામાં બેડામાં વિભિન્ન એરક્રાફ્ટ હોવાથી આપણા એરફોર્સની મારક ક્ષમતા વધારે વધશે.

With the Final Induction Ceremony the world’s best combat proven 4.5Gen fighter plane gets the world’s best fighter pilots. In the hands of our pilots and the mix of different aircrafts with the IAF the potent bird’s lethality will only increase.

— Mahendra Singh Dhoni (@msdhoni) September 10, 2020

Wishing The Glorious 17 Squadron(Golden Arrows) all the very best and for all of us hope the Rafale beats the service record of the Mirage 2000 but Su30MKI remains my fav and the boys get new target to dogfight with and wait for BVR engagement till their upgrade to Super Sukhoi

— Mahendra Singh Dhoni (@msdhoni) September 10, 2020

આ પણ વાંચો - યુવરાજ સિંહ નિવૃત્તિ પાછી ખેંચશે બીસીસીઆઈ અધ્યક્ષ સૌરવ ગાંગુલીને લખ્યો પત્ર

આ પછી અન્ય એક ટ્વિટ કરતા લખ્યું કે વાયુ સેનાના ગોલ્ડન એરો સ્કાડ્રનમાં રાફેલ સામેલ થવા પર અભિનંદન. અમે આશા રાખીએ છીએ કે રાફેલ મિરાજ-2000ને પાછળ રાખી દેશે. જોકે સુખોઈ હજુ પણ મારું મનપસંદ છે. હવે જવાનોને ડોગફાઇટ માટે વધુ એક નવો લક્ષ્ય મળશે.

અંબાલા એરબેસમાં વાયુસેનામાં સામેલ થયા રાફેલ

સર્વધર્મ પૂજા પછી રાફેલ લડાકૂ વિમાન ઔપચારિક રૂપથી ભારતીય વાયુસેનામાં સામેલ થયા છે. રાફેલ અંબાલા એરબેઝ પર 17 સ્કવોડ્રન ગોલ્ડન એરોજમાં સામેલ કરાયા છે. ભારતના રક્ષામંત્રી રાજનાથ સિંહ અને ફ્રાન્સના રક્ષામંત્રી ફ્લોરેંસ પાર્લેની ઉપસ્થિતિમાં રાફેલ વાયુસેનામાં સામેલ થયા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian Air Force, Mahendra singh dhoni, Ms dhoni, Rafale