IND VS NZ: ગિલ તો ખરો જ પણ સાથે આ ખેલાડી પણ બન્યો હીરો, મિત્રો અને પરિવારની હાજરીમાં ભારતને જિતાડયું

INDIA WINS FIRST ODI: હૈદરાબાદમાં ભારતીય ટીમે ન્યૂઝીલેન્ડને 12 રને હરાવીને પ્રથમ ODI જીતી લીધી છે. છેલ્લી ઓવર્સમાં ભારે રસાકસી થઈ હતી. હૈદરાબાદમાં ટોસ જીતીને પ્રથમ બેટિંગ કરવા ઉતરેલી ભારતીય ટીમ નિર્ધારિત ઓવરોમાં આઠ વિકેટના નુકસાને 349 રન બનાવી શકી હતી. લક્ષ્યનો પીછો કરવા ઉતરેલી કિવી ટીમ 49.2 ઓવરમાં 337 રનમાં ઓલઆઉટ થઈ ગઈ હતી. આખરે ભારતીય ટીમે પ્રથમ વનડેમાં 12 રને રોમાંચક વિજય મેળવ્યો હતો.

આ મેચમાં શુભમન ગિલે બેવડી સદી ફટકારી હતી પણ સાથે ફાસ્ટ બોલર સિરાઝનું પ્રદર્શન પણ શાનદાર રહ્યું હતું. હૈદરાબાદ મોહમ્મદ સિરાઝનું હોમ ગ્રાઉન્ડ છે અને અહીં જ આજની મેચ રમાઈ હતી. ભારત અને ન્યુઝીલેન્ડની પહેલી જ મેચમાં સિરાઝે પોતાની શાનદાર લય જાળવી રાખતા ચાર વિકેટ ઝડપી હતી.

નોંધવા જેવી બાબત છે કે હોમ ગ્રાઉન્ડ હોવાથી સિરાઝના મિત્રો પરિવારજનો અને સગઓ પણ તેની મેચ જોવા મેદાનમાં હાજર રહ્યા હતા.

.@mdsirajofficial registered a fabulous 4️⃣-wicket haul and got crucial breakthroughs as he becomes our Top Performer from the second innings 👏🏻

Scorecard ▶️ https://t.co/DXx5mqRguU @mastercardindia

A look at his bowling summary 🔽 #INDvNZ pic.twitter.com/xeb3Dm5cW4

— BCCI (@BCCI) January 18, 2023

અગાઉ શ્રીલંકાને કચડી નાખ્યા પછી, રોહિત શર્માની આગેવાની હેઠળની ભારતીય ક્રિકેટ ટીમ હવે 3 મેચની ODI શ્રેણીમાં ન્યુઝીલેન્ડ (IND vs NZ 1st ODI) નો સામનો કરી રહી છે. કીવીઝ સામે પ્રથમ મેચમાં ટીમ ઈન્ડિયાએ પહેલા રમતા 8 વિકેટે 349 રનનો વિશાળ સ્કોર બનાવ્યો હતો. શુભમન ગિલે શાનદાર બેવડી સદી ફટકારી હતી. તેણે 149 બોલમાં 208 રન બનાવ્યા હતા. 19 ચોગ્ગા અને 9 છગ્ગા ફટકાર્યા. શુભમને છગ્ગા સાથે તેની બેવડી સદી પૂરી કરી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: IND vs NZ, India vs new zealand, Mohammed siraj, Shubman Gill