Home /News /sport /

IPL 2022 : રવિન્દ્ર જાડેજા ચેન્નઇ સુપર કિંગ્સનો નવો કેપ્ટન, ધોનીએ કેપ્ટનશિપ છોડી

IPL 2022 : રવિન્દ્ર જાડેજા ચેન્નઇ સુપર કિંગ્સનો નવો કેપ્ટન, ધોનીએ કેપ્ટનશિપ છોડી

ધોનીએ નવા કેપ્ટન તરીકે ઓલરાઉન્ડર રવીન્દ્ર જાડેજાની (Ravindra Jadeja CSK captain)વરણી કરી

Ravindra Jadeja CSK captain - આઈપીએલમાં સૌથી સફળ કેપ્ટન ગણાતા મહેન્દ્રસિંહ ધોનીએ (MS Dhoni)ચેન્નઈ સુપર કિંગ્સની ( Chennai Super Kings)કેપ્ટનશિપ છોડી દીધી

    નવી દિલ્હી : આઈપીએલ-2022 (IPL 2022) પહેલા એક ચકિત કરનારા સમાચાર સામે આવી રહ્યા છે. આઈપીએલમાં સૌથી સફળ કેપ્ટન ગણાતા મહેન્દ્રસિંહ ધોનીએ (MS Dhoni)ચેન્નઈ સુપર કિંગ્સની ( Chennai Super Kings)કેપ્ટનશિપ છોડી દીધી છે. ધોનીએ નવા કેપ્ટન તરીકે ઓલરાઉન્ડર રવિન્દ્ર જાડેજાની (Ravindra Jadeja CSK captain)વરણી કરી છે. ધોનીએ ફરી એક વખત અજીબ નિર્ણય કરીને બધાને ચોંકાવી દીધા છે. ઉલ્લેખનીય છે કે આઈપીએલ-2022ની શરૂઆત થવામાં હવે ફક્ત 2 દિવસની વાર છે.

    ધોની આઈપીએલની શરૂઆતી સિઝન 2008થી જ સીએસકેની કેપ્ટનશિપ સંભાળી રહ્યો હતો. ગત વર્ષે ધોનીની કેપ્ટનશિપમાં ચેન્નઇની ટીમ ચેમ્પિયન બની હતી.

    આઈપીએલ-2022ની શરૂઆત 26 માર્ચથી શરૂ થઇ રહી છે. પ્રથમ મુકાબલો ચેન્નઇ સુપર કિંગ્સ અને કોલકાતા નાઇટ રાઇડર્સ વચ્ચે રમાશે. 40 વર્ષના ધોનીને ચેન્નઇ સુપર કિંગ્સે આઈપીએલની મેગા હરાજી 2022 પહેલા રિટેન કર્યો હતો. તેની સાથે ઋતુરાજ ગાયકવાડ, મોઇન અલી અને રવિન્દ્ર જાડેજાને રિટેન કર્યા હતા. જોકે ચેન્નઇના માલિકોએ ધોનીથી વધારે પૈસા રવિન્દ્ર જાડેજાને આપ્યા હતા. જાડેજાને સીએસકેએ 16 કરોડ જ્યારે ધોનીને 12 કરોડમાં રિટેન કર્યો હતો.

    આ પણ વાંચો - મહેન્દ્ર સિંહ ધોનીએ 7 નંબરની જર્સીને જ કેમ પસંદ કરી? માહીએ જણાવી જર્સીના નંબરની કહાની



    ચોંકાવનારા નિર્ણય લેવામાં માહેર છે ધોની

    મેદાન પર હંમેશા કૂલ રહેનારો ધોની પોતાના મોટા નિર્ણય દરમિયાન પણ શાંત જોવા મળે છે. ધોની ચોંકાવનારા નિર્ણય લેવા માટે જાણીતો છે. ધોનીએ આ પહેલા 2014માં અચાનક ટેસ્ટ ટીમની કેપ્ટનશિપ છોડી દીધી હતી. આ પછી ટી-20 વર્લ્ડ કપ 2016 પછી વન-ડે અને ટી-20 ટીમની કેપ્ટનશિપ વિરાટ કોહલીને સોંપી દીધી હતી. 15 ઓગસ્ટ 2022ના રોજ નિવૃત્તિની જાહેરાત પણ અચાનક કરી દીધી હતી.



    આ પણ વાંચો - ગુજરાત ટાઈટન્સનું સંપૂર્ણ ટાઈમટેબલ, જાણો હાર્દિકની ટીમ ક્યારે ક્યાં અને કોની સામે રમશે મેચ

    જાડેજા ઘણા સમયથી ચેન્નઇની ટીમની સાથે છે. તે 2012થી સીએસકે તરફથી રમી રહ્યો છે. તે ચેન્નઇની કેપ્ટશિપ કરનાર ત્રીજો ખેલાડી બનશે. આ પહેલા ધોની અને સુરેશ રૈનાએ ટીમની કેપ્ટનશિપ સંભાળી છે. આઈપીએલના ઇતિહાસમાં સીએસકેની ટીમ મુંબઈ ઇન્ડિયન્સ પછી બીજી સૌથી સફળ ટીમ છે. ધોનીની કેપ્ટનશિપમાં ચેન્નઈ 4 વખત આઈપીએલમાં ચેમ્પિયન બની છે.
    Published by:Ashish Goyal
    First published:

    Tags: Chennai super kings, IPL 2022, Ms dhoni

    विज्ञापन

    विज्ञापन

    આગામી સમાચાર

    विज्ञापन
    विज्ञापन