મહેલા જયવર્ધને ટીમ ઈન્ડિયાના કોચ બનવાની રેસમાં

વર્લ્ડ કપ સેમીફાઇનલમાં હાર્યા બાદથી ટીમ ઈન્ડિયા સતત ન્યૂઝમાં રહે છે. પરિવર્તનના સમયમાંથી પસાર થઈ રહી હોવાના કારણે તથા ટીમની અંદર ચાલી રહેલા મતભેદોને કારણે ચર્ચામાં રહે છે. ટીમના કોચિંગ સ્ટાફને પસંદ કરવાની પ્રક્રિયા પણ શરૂ થઈ ગઈ છે. તેના માટે બીસીસીઆઈએ અરજીઓ પણ મંગાવી છે. તેની સમયમર્યાદા આ મહિનાના અંત સુધી છે. જોકે, હાલના કોચિંગ સ્ટાફનો કાર્યકાળ વેસ્ટ ઈન્ડિઝના પ્રવાસ સુધી લંબાવવામાં આવ્યો છે. એવામાં મુખ્ય કોચ રવિ શાસ્ત્રીની દેખરેખમાં જ ટીમ વિન્ડીઝનો પ્રવાસ કરશે.

ભારતીય ટીમના કોચ પસંદ કરવાનો નિર્ણય પૂર્વ ક્રિકેટર કપિલ દેવની આગેવાનીવાળી પસંદગી પેનલ કરશે. ટીમ ઈન્ડિયાના કોચ બનવાની રેસમાં અનેક નામ છે અને હવે આ કડીમાં શ્રીલંકાના પૂર્વ ક્રિકેટર મહેલા જયવર્ધને પણ સામેલ થઈ ગયો છે. કોચ પદ માટે શ્રીલંકાના આ પૂર્વ ક્રિકેટરનું નામ ઘણું આગળ છે જે ખૂબ ઓછા સમય માટે ઈંગ્લેન્ડનો સહાયક કોચ પણ રહ્યો છે. એવા અહેવાલ પણ છે કે જયવર્ધને 100 ટૂર્નામેન્ટમાં સાઉથૈમ્પટનની ફ્રેન્ચાઇઝી સાઉધર્ન બ્રેવનો મુખ્ય કોચ પણ બની શકે છે.



ફાઇનાન્સિયલ એક્સપ્રેસના રિપોર્ટ મુજબ, મહેલા જયવર્ધનેને ભારતીય ટીમના કોચ બનવામાં રસ છે. મુંબઈ ઈન્ડિયન્સની સાથે કામ કરીને તેની પાસે સારો કોચિંગ અનુભવ છે. મુંબઈ ઈન્ડિયન્સનો કોચ બન્યા બાદથી ટીમે ત્રણમાંથી બે સીઝનમાં ટાઇટલ જીત્યું છે. રિપોર્ટ મુજબ, મહેલા જયવર્ધને ઉપરાંત ગૈરી કર્સ્ટન અને ટોમ મૂડી પણ કોચ પદની રેસમાં છે.

આ પણ વાંચો, રોહિત શર્મા હતો સૂર્યવંશમનો દીવાનો, વોચમેનની નોકરી જતાં પોતાના ઘરે કામ પર રાખી લીધો હતો

જો મહેલા જયવર્ધને ટીમ ઈન્ડિયાના કોચ તરીકે પસંદ થાય છે તો ભારતીય ટીમના વાઇસ કેપ્ટન રોહિત શર્માની સાથે તેની જુગલબંદી જોવા જેવી હશે. એવું એટલા માટે કારણ કે રોહિત શર્મા મુંબઈ ઈન્ડિયન્સ ટીમનો કેપ્ટન છે અને તે જયવર્ધનેની સાથે કામ કરી ચૂક્યો છે. એવું પણ માનવામાં આવે છે કે હાલમાં જ આઈપીએલ ટીમ સનરાઇઝર્સ હૈદરાબાદથી અલગ થનારો કોચ ટોમ મૂડી પણ ટીમ ઈન્ડિયાના કોચ બનવાની રેસમાં છે.

આ પણ વાંચો, વિરાટ કોહલીની કેપ્ટન્સી ખતરામાં હતી એટલે લીધો આ નિર્ણય?

આ પણ જુઓ Viral Video: ધોનીએ આર્મી યૂનિફોર્મમાં કર્યુ સેલ્યૂટ, બોલ્યો જય હિન્દ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: India National Cricket team, Kapil Dev, Team india, ક્રિકેટ, બીસીસીઆઇ, રવિ શાસ્ત્રી, રોહિત શર્મા, વિરાટ કોહલી