IND vs ENG : બીજી વન-ડેમાં ઇંગ્લેન્ડનો વિજય, શ્રેણી 1-1થી સરભર

જોઈ રુટની અણનમ સદી (116) બાદ પ્લન્કેટની ચુસ્ત બોલિંગ (4 વિકેટ)ની મદદથી ઇંગ્લેન્ડે ભારત સામેની બીજી વન-ડેમાં 86 રને વિજય મેળવ્યો હતો. ઇંગ્લેન્ડે પ્રથમ બેટિંગ કરતા 50 ઓવરમાં 7 વિકેટ ગુમાવી 322 રન બનાવ્યા હતા. જવાબમાં ભારત 50 ઓવરમાં 236 રનમાં ઓલઆઉટ થઈ ગયું હતું. ભારત તરફથી સુરેશ રૈનાએ સૌથી વધારે 46 રન બનાવ્યા હતા. વિરાટ કોહલીએ 45 રન બનાવ્યા હતા. ધોનીએ 37 રનની ઇનિંગ્સ દરમિયાન વન-ડે ક્રિકેટમાં 10 હજાર રન પુરા કરવાની સિદ્ધિ મેળવી હતી. આ જીત સાથે ઇંગ્લેન્ડે ત્રણ મેચની શ્રેણી 1-1થી બરોબરી કરી લીધી છે. શ્રેણીની ત્રીજી અને અંતિમ વન-ડે 17 જુલાઈના રોજ રમાશે.

ઇંગ્લેન્ડ તરફથી રુટની સદી સિવાય ઇયોન મોર્ગન (53) અને ડેવિડ વિલીએ અડધી સદી (50) ફટકારી હતી. ભારત તરફથી કુલદીપ યાદવે સૌથી વધારે 3 વિકેટ ઝડપી હતી. ઉમેશ યાદવ, હાર્દિક પંડ્યા અને ચહલને 1-1 વિકેટ મળી હતી.