ક્રિકેટરને થઈ ફાંસી, ગુસ્સામાં પત્નીને ધરબી દીધી 7 ગોળી, દુનિયાનો એકમાત્ર આવો ગુનેગાર બેટ્સમેન

નવી દિલ્હી:  ક્રિકેટને એમ તો જેંટલમેન ગેમ માનવામાં આવે છે. ક્રિકેટ  કે અન્ય કોઈ રમતના મેદાન પર વિવાદ થવો સામાન્ય બાબત છે. ઘણી વખત ખેલાડીઓ વચ્ચે ઘર્ષણ પણ થતુ હોય છે. પરંતુ કોઈ ખેલાડી હત્યા કરે અને તેને ફાંસી પણ આપવામાં આવે, આવા કિસ્સાઓ ભાગ્યે જ જોવા અને સાંભળવા મળે છે. પણ હકીકતમાં આવું બની ચૂક્યું છે અને કોઈ સામાન્ય નહીં પણ આંતરરાષ્ટ્રીય ક્રિકેટ રમનાર ક્રિકેટરે આવું કર્યું હતુ. અમે વાત કરી રહ્યા છીએ વેસ્ટ ઈન્ડિઝના પૂર્વ ક્રિકેટર લેસ્લી હિલ્ટનની. બાળપણથી જ સંઘર્ષ કરનારા આ ઓલરાઉન્ડરના જીવનનો અંત પણ દુઃખદ હતો. જમૈકાના આ ક્રિકેટરને 50 વર્ષની ઉંમરે ફાંસી આપવામાં આવી હતી કારણ કે તેના પર તેની પત્નીની હત્યાનો આરોપ હતો. તેણે ગુસ્સામાં આવીને તેની પત્ની પર 7 ગોળીઓ ચલાવી દીધી હતી.

એકપછી એક સ્વજનોના મોત

લેસ્લી હિલ્ટનનો જન્મ મે 1905માં જમૈકામાં થયો હતો. તેમની માતાનું  3 વર્ષની વયે અવસાન થયું હતું. તેના પિતા કોણ હતા, તે આખી જિંદગી તેનાથી અજાણ રહ્યા. બહેને તેને ઉછેર્યો હતો. પરંતુ જ્યારે તે 14-15 વર્ષનો હતો ત્યારે તેની બહેનનું પણ અવસાન થયું હતું. આવી સ્થિતિમાં હિલ્ટનને જીવનમાં શરૂઆતથી જ ઘણું સહન કરવું પડ્યું હતું. ત્યાર પછી તેની કાકીએ તેને ઉછેર્યો હતો. પરંતુ તેમના મૃત્યુ પછી તેમનો અભ્યાસ પણ બંધ થઈ ગયો હતો.

દરજીને ત્યાં કામ શરૂ કર્યું 

લેસ્લી હિલ્ટને ટેલરને ત્યાં કામ કરવાનું શરૂ કર્યું હતું. ત્યાર પછી અન્ય સ્થળોએ પણ કામ કર્યું હતું. આ દરમિયાન એક સ્થાનિક ક્લબે તેની પ્રતિભાને ઓળખી અને તેણે ક્રિકેટમાં પ્રવેશ કર્યો હતો. બેટિંગ ઉપરાંત તે ફાસ્ટ બોલિંગ પણ કરતો હતો. તેણે 1935માં ઈંગ્લેન્ડ સામે ટેસ્ટ ડેબ્યૂ કર્યું હતું. તેણે 6 ટેસ્ટમાં 70 રન બનાવ્યા હતા. આ સિવાય તેણે 16 વિકેટ પણ લીધી હતી. 27 રનમાં 4 વિકેટ એ તેનુ શ્રેષ્ઠ પ્રદર્શન હતું.

આ પણ વાંચો: ગુજરાતી ક્રિકેટરનો મસીહા બન્યો હતો શાહરુખ ખાન, કરિઅર ખતમ થતાં બચાવી લીધુ, ભારતની દીવાલ બન્યો

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cricketers, West indies, ક્રિકેટ