શોર્ટ્સ પહેરી ગ્રાઉન્ડ પર ચિયર કરી રહેલાં રબાડાને જ સુપરઓવર નાંખવાનું કહેવાયું

ન્યૂઝ18 ગુજરાતી: દિલ્હી કેપિટલ્સની કોલકાતા નાઇટ રાઇડર્સ વિરુદ્ધ જીતમાં દિલ્હીના કેગિસો રબાડાનો મહત્વનો રોલ રહ્યો. સુપરઓવરમાં પહોંચેલી આ મેચમાં રબાડાએ સરસ બોલિંગ કરી ટીમને જીત અપાવી હતી.

મેચ પછી રબાડાને પૂછવામાં આવતાં તેણે કહ્યું કે, મેચ દરમિયાન હું અને શિખર ધવન ડ્રેસિંગ રૂમમાં બેઠા હતા. ત્યારે મેં તેને કહ્યું કે આપણે નીચે જઇને સાથીઓને ચિઅર કરવા જોઇએ. અમે નીચે પહોંચ્યા. અમને લાગી રહ્યું હતું કે અમે મેચ જીતી જઇશું, પરંતુ મેચ ડ્રો થઇ. હું શોર્ટ્સ પહેરી આમ તેમ ફરી રહ્યો હતો અને વિચારી રહ્યો હતો કે સુપરઓવર કોણ કરશે. અમે ડ્રેસિંગ રૂમમાં ગયા. કોઇને ખબર નહોતી કે આ મોકો કોને મળશે.

View this post on Instagram

"I was in my shorts, but then they told me - it's you!" What followed was - Yorkers 💥 @rabada_25 reveals how he learnt that he was bowling the super over against KKR. @delhicapitals #DCvKKR #VIVOIPL

A post shared by IPL (@iplt20) on Mar 30, 2019 at 6:00pm PDT

 રબાડાએ જણાવ્યું કે, ક્રિસ મોરિસ અને સંદીપને તૈયાર રહેવા માટે કહેવામાં આવ્યું હતું. પરંતુ પછી દિલ્હીના બોલિંગ કોચ જેમ્સ હોપ્સે તેને કહ્યું કે તે સુપર ઓવર કરવાનો છે. રબાડાએ કહ્યું કે, મને ખબર પડી કે હું સુપરઓવર કરવાનો છું તો હું થોડો ઘબરાવ્યો, પરંતુ પછી મેં વિચારવાનું શરૂ કરી દીધું કે મારે કેવી રીતે બોલિંગ કરવાની છે.

આ પણ વાંચો: વિચિત્ર રીતે આઉટ થયો KKRનો શુભમન ગિલ, જુઓ Video

રબાડાએ તેની સુપરઓવરમાં 11 રનના લક્ષ્યનો બચાવ કરવાનો હતો. તેણે સરસ બોલિંગ કરીને કેકેઆરની ટીમને માત્ર 7 રન જ કરવા દીધા અને મેચ દિલ્હી જીતી ગયું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ipl 2019, Kagiso rabada, KKR, Reveals