ઈશાન કિશન સાદગીમાં આપી રહ્યો છે ધોનીને ટક્કર

IND VS SA ODI : ઇશાન કિશને સાઉથ આફ્રિકા સામે તેના હોમ ગ્રાઉન્ડ પર ઘણા ચોગ્ગા અને છગ્ગા ફટકાર્યા હતા. બેટિંગથી દર્શકોના દિલ જીત્યા બાદ તેણે કંઈક એવું કર્યું જેના વખાણ બધા કરી રહ્યા છે. તેણે મેચ બાદ એક મહિલા અને એક પુરૂષના પગને સ્પર્શ કર્યો અને ફોટો પાડ્યો.

રાંચીઃ રાંચીએ વિશ્વને મહેન્દ્ર સિંહ ધોનીના રૂપમાં મહાન ક્રિકેટર આપ્યો. હવે યુવાન ઈશાન કિશન એ જ રાંચીનું નામ રોશન કરી રહ્યો છે. આ આશાસ્પદ વિકેટકીપર ટીમ ઈન્ડિયા માટે રમી રહ્યો છે અને તેણે રવિવારની મેચમાં દક્ષિણ આફ્રિકાને હરાવવામાં પણ મહત્વની ભૂમિકા ભજવી હતી. તેણે તેના હોમ ગ્રાઉન્ડ JSCA ઇન્ટરનેશનલ સ્ટેડિયમ કોમ્પ્લેક્સ, રાંચીમાં 84 બોલમાં 4 ચોગ્ગા અને 7 છગ્ગાની મદદથી 93 રન બનાવ્યા હતા. તે સદી ચૂકી ગયો, પરંતુ તેણે ટીમ ઈન્ડિયા માટે પોતાનું કામ પૂર્ણ કર્યું.

આ પણ વાંચો : બુમરાહની પત્ની T20 વર્લ્ડ કપ માટે પહોંચી ઓસ્ટ્રેલિયા, થઇ ટ્રોલ

મેચ બાદ તેણે શું કર્યું તેની તોફાની બેટિંગ કરતાં વધુ ચર્ચા થઈ રહી છે. તે મેચ પછી તેના ચાહકોને મળ્યો હતો. આ દરમિયાન એક મહિલા અને એક પુરુષ સ્ટાફને પણ મળ્યા હતા. તેણે પહેલા તેના પગને સ્પર્શ કરી આશાર્વાદ લીધા અને પછી તેની સાથે તસવીર લીધી. જતાં જતાં તેણે પૂછ્યું કે, આન્ટી જમવા ક્યારે બોલાવો છો.

ઇશાન જતા જતા બતાવે છે કે, શાર્દુલ ઠાકુરના એક ફેન દ્વારા તેને તેના હીરો માટે કાગળ પર મેસેજ મોકલવામાં આવ્યો છે. તે કહે છે કે, એવું નથી કે માત્ર તેને રાંચીમાં જ પ્રેમ મળે છે. લોકો અહીં દરેકને પ્રેમ કરે છે. આ એક ચાહકે શાર્દુલ ભાઈ માટે મોકલ્યું છે. તેણે ખૂબ પ્રેમથી આપ્યું એટલે મેં લીધું.


મેચની વાત કરીએ તો પ્રથમ બેટિંગ કરતા દક્ષિણ આફ્રિકાએ 7 વિકેટે 278 રન બનાવ્યા હતા. મોહમ્મદ સિરાજે 3 વિકેટ પોતાના નામે કરી હતી. જવાબમાં ભારતીય ટીમે શ્રેયસ અય્યરના અણનમ 113, ઈશાન કિશન 93 અને સંજુ સેમસનના અણનમ 30 રનની મદદથી 7 વિકેટે મેચ જીતી લીધી હતી. આ સાથે શ્રેણી પણ 1-1થી બરાબર થઈ ગઈ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cricket News Gujarati, Ishan Kishan, Sports news, ક્રિકેટ, ક્રિકેટ ન્યૂઝ, સ્પોર્ટસ