IPL 2021 Auctionમાં 57 ખેલાડી વેચાયા, જાણો કોને મળ્યા કેટલા રૂપિયા

ચેન્નઈ :  આઈપીએલની હરાજી 2021માં આઠ ટીમોએ મળીને કુલ 57 ખેલાડીઓને ખરીદ્યા છે. પંજાબ કિંગ્સે સૌથી વધારે 9 ખેલાડીઓને ખરીદ્યા. આ પછી આરસીબી, દિલ્હી કેપિટલ્સ અને રાજસ્થાન રોયલ્સે 8-8 ખેલાડીઓ ખરીદ્યા છે. કોલકાતા નાઇટ રાઇડર્સ અને મુંબઈ ઇન્ડિયન્સે 7-7 ખેલાડીઓ ખરીદ્યા છે. જ્યારે ચેન્નઈ સુપરકિંગ્સે 6 ખેલાડીઓ પર દાવ લગાવ્યો, સનરાઇઝર્સ હૈદરાબાદે ફક્ત 3 ખેલાડીઓ પર બોલી લગાવી છે.

દક્ષિણ આફ્રિકાનો ક્રિસ મોરિસ સૌથી વધારે કિંમત મેળવવા સફળ રહ્યો છે. મોરિસને રાજસ્થાન રોયલ્સે 16.25 કરોડ રૂપિયામાં ખરીદ્યો છે. ન્યૂઝીલેન્ડના ફાસ્ટ બોલર કાઇલ જેમિસનને 15 કરોડમાં આરસીબીએ ખરીદ્યો છે. આ સિવાય ગ્લેન મેક્સવેલને અધધ 14.25 કરોડ રૂપિયામાં RCBએ ખરીદ્યો છે.



BCCIએ IPL 2021ની તારીખ હજુ સુધી જાહેર નથી કરી, પરંતુ ભારત-ઇંગ્લેન્ડ શ્રેણી 28 માર્ચે સમાપ્ત થવાના કારણે એપ્રિલના બીજા અઠવાડિયા પહેલા ટૂર્નામેન્ટ શરૂ થશે નહીં. આ શ્રેણી બાદ ખેલાડીઓને ખૂબ જ જરૂરી બ્રેક આપવામાં આવશે, જેની ભલામણ ટીમ ઇન્ડિયાના હેડ કોચ રવિ શાસ્ત્રી દ્વારા પણ કરવામાં આવી છે.