IPL 2023 શરૂ થાય તે પહેલા જ પંજાબ કિંગ્સને ઝટકો, 6 કરોડનો ખેલાડી ટીમમાંથી આઉટ

નવી દિલ્હી: આઇપીએલ 2023 (IPL 2023) ની શરૂઆત પહેલા જ પંજાબ કિંગ્સને મોટો ઝટકો લાગ્યો છે. અનુભવી ખેલાડી જોની બેયરસ્ટો આ સિઝનમાં રમી શકશે નહીં. જોનીને ગયા વર્ષે સપ્ટેમ્બરમાં ડાબા પગમાં ઈજા થઈ હતી. તેનું હાડકું ભાંગી ગયું હતું. બેયરસ્ટોને દક્ષિણ આફ્રિકા સામેની ત્રીજી અને અંતિમ ટેસ્ટ પહેલા આ ઈજા થઈ હતી. જ્યારે તે મિત્રો સાથે ગોલ્ફ રમી રહ્યો હતો. ESPNcricinfo અનુસાર, ઓસ્ટ્રેલિયાનો અનકેપ્ડ મેથ્યુ શોર્ટ જોની બેયરસ્ટોનું સ્થાન લેશે. પંજાબ કિંગ્સે પણ એક વીડિયો મેસેજ જાહેર કરીને આ અંગેની જાણકારી આપી હતી.

જોની બેયરસ્ટોએ ઈજામાંથી સાજા થયા બાદ આ વર્ષે ફેબ્રુઆરીમાં પ્રેક્ટિસ શરૂ કરી હતી. તે યોર્કશાયર ટીમ સાથે તાલીમ લઈ રહ્યો હતો અને કાઉન્ટી ચેમ્પિયનશિપના ડિવિઝન 2માં રમવાની અપેક્ષા હતી.

આ પણ વાંચો: આ ખેલાડી દોસ્ત માટે કારકિર્દી જોખમમાં મૂકવા તૈયાર! ફિટ ન હોવા છતાં IPL 2023 માં રમશે

સર્જરી બાદ બેયરસ્ટો ઈંગ્લેન્ડ માટે ક્રિકેટ રમ્યો નથી. તેણે છેલ્લી ટી-20 જુલાઈમાં જ રમી હતી. ઈજાના કારણે બેયરસ્ટો ટી-20 વર્લ્ડ કપમાં રમ્યો ન હતો. તે વર્લ્ડ કપમાં જોસ બટલર સાથે ઇનિંગ્સની શરૂઆત કરવાનો હતો. આ પછી જોસ બટલર પાકિસ્તાન, દક્ષિણ આફ્રિકા, ન્યુઝીલેન્ડ અને બાંગ્લાદેશના પ્રવાસે પણ ગયો ન હતો. ત્યાં જ તેને ILT20 માં પણ અબુ ધાબી નાઈટ રાઈડર્સ તરફથી રમવાનું હતું. પરંતુ તે આ લીગમાં પણ રમ્યો નહોતો.

View this post on Instagram

A post shared by Punjab Kings (@punjabkingsipl)

પંજાબ કિંગ્સે IPL 2023 માટે જોની બેયરસ્ટોને જાળવી રાખ્યો છે. 2022ની હરાજીમાં પંજાબે આ અંગ્રેજ વિકેટકીપરને 6.75 કરોડમાં ખરીદ્યો હતો. ગયા વર્ષે બેયરસ્ટોએ 11 ઇનિંગ્સમાં 145ના સ્ટ્રાઇક રેટથી 253 રન બનાવ્યા હતા. તેણે 2 અડધી સદી પણ ફટકારી હતી.

બેયરસ્ટોની જગ્યાએ મેથ્યુ શોર્ટ વિક્ટોરિયા માટે સ્થાનિક ક્રિકેટ રમે છે. તે અત્યાર સુધી 67 ટી-20 રમી ચૂક્યો છે. જેમાં 136ના સ્ટ્રાઈક રેટથી 1409 રન બનાવ્યા છે. તેણે 1 સદી અને 7 અડધી સદી ફટકારી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian premier league, IPL 2023, Kings xi punjab