IPL-2022: મહેન્દ્ર સિંહ ધોનીએ 7 નંબરની જર્સીને જ કેમ પસંદ કરી? માહીએ જણાવી જર્સીના નંબરની કહાની

નવી દિલ્હી : દિગ્ગજ ક્રિકેટર મહેન્દ્રસિંહ ધોનીએ (Mahendra Singh Dhoni)ભલે આંતરરાષ્ટ્રીય ક્રિકેટમાંથી નિવૃત્તિ લઇ લીધી હોય પણ તેના પ્રશંસકોની સંખ્યામાં કોઇ ઘટાડો થયો નથી. ધોની (MS Dhoni)હવે ફક્ત આઈપીએલમાં (IPL-2022)જ રમે છે પણ તેના હેલિકોપ્ટર શોટ અને વિકેટકિપિંગના ઘણા પ્રશંસકો છે. ખેલાડીઓના જર્સી નંબર ઘણા ખાસ હોય છે અને આ જ નંબર તેમની ઓળખ બની જાય છે. આવો જ એક નંબર 7 છે. (MS Dhoni Jersey Number 7). ધોનીએ આ નંબરને ઘણો લોકપ્રિય કરી દીધો છે. આ નંબરની જર્સીને પહેરવાની ધોનીની કહાની થોડી અલગ છે.

ધોનીએ નંબર-7ની જર્સીને એક અલગ જ ઓળખ અપાવી છે. ધોની ભારતને પોતાની કેપ્ટનશિપમાં વન-ડેમાં અને ટી-20માં વર્લ્ડ કપ અપાવી ચૂક્યો છે. ધોનીએ પોતાની કારકિર્દીની શરૂઆત 7 નંબરની જર્સી સાથે કરી હતી. ચેન્નઇ સુપર કિંગ્સને પણ આ નંબરની જર્સી પહેરી ધોનીએ 4 વખત ટાઇટલ અપાવ્યું છે.

ભારતના સૌથી સફળ કેપ્ટનોમાં સામેલ ધોનીએ આઈપીએલની 15મી (IPL)સિઝનની શરૂઆત પહેલા 7 નંબરની જર્સી પહેરવાને લઇને પોતાની કહાની શેર કરી છે. એવું માનવામાં આવતું હતું કે ધોનીનો લકી નંબર છે પણ આવું કશું જ નથી. ધોનીએ પોતે આ વાત કહી છે. ધોનીએ એક કાર્યક્રમમાં પોતાના 7 નંબરની જર્સીને લઇને કહ્યું કે તેણે આ નંબર એમ જ પસંદ કર્યો હતો.

આ પણ વાંચો - ગુજરાત ટાઈટન્સનું સંપૂર્ણ ટાઈમટેબલ, જાણો હાર્દિકની ટીમ ક્યારે ક્યાં અને કોની સામે રમશે મેચ

ધોનીએ ચેન્નઇ સુપર કિંગ્સની માલિકાના હક વાળી કંપની ઇન્ડિયા સીમેન્ટ્સના એક કાર્યક્રમમાં કહ્યું કે ઘણા લોકોએ વિચાર્યું કે 7 મારો લકી નંબર છે. જોકે મેં આ નંબરની જર્સી કોઇ ખાસ કારણથી પસંદ કરી નથી. મારો જન્મ 7 જુલાઇના રોજ થયો હતો એટલે સાતમાં મહિનાના 7 માં દિવસે, બસ આ જ એક કારણ છે. ધોનીની બર્થ ડે 7 તારીખે (7 July 1981) આવે છે.

ધોનીએ આગળ કહ્યું કે આમ છતા લોકો મને પૂછતા રહ્યા હતા તો હું તેમાં કશુંક જોડતો રહ્યો હતો. વર્ષ હતું 1981. 8 માંથી 1 ઘટાડવા પર 7 આવે છે જેથી 7 બિલકુલ તટસ્થ નંબર છે. લોકો આ રીતની વાતો મને બતાવતા ગયા અને હું પણ તેમને કશુંક-કશુંક બતાવતો રહ્યો.

40 વર્ષનો ધોની હવે આઈપીએલમાં આ નંબરની જર્સી પહેરીને રમતો જોવા મળશે. ચેન્નઇનો લક્ષ્ય આઈપીએલમાં પાંચમી વખત ટ્રોફી જીતવાનો રહેશે. ટીમ સિઝનનાં પ્રથમ મુકાબલામાં શનિવારે 26 માર્ચે કોલકાતા નાઇટ રાઇડર્સ સામે ટકરાશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: IPL 2022, Mahendra singh dhoni