IPL 2021 Suspended: આઇપીએલ રોક્યા બાદ હવે ટી20 વર્લ્ડ કપનું આયોજન યુએઇમાં થઇ શકે છે

નવી દિલ્લી: આઇપીએલ 2021 (IPL 2021)ની હાલની સિઝનને રોક્યા બાદ હવે ટી-20 વર્લ્ડ કપને પણ શિફ્ટ કરવામાં આવી શકે છે. નવેમ્બરમાં કોવિડ-19ની ત્રીજી લહેરની આશંકાને લઇને બીસીસીઆઇ (BCCI) ટૂર્નામેન્ટને યુ.એ.ઈમાં કરાવવાનો વિચાર કરી રહી છે. એવામાં 16 ટીમોના ખેલાડીઓ માટે મુશ્કેલી ઉત્પન્ન થઇ શકે છે. મહત્વનું છે કે, બીસીસીઆઇનું ટૂર્નામેન્ટનું આયોજન કરશે અને આઇસીસી (ICC) આ અંગે પહેલા ચિંતા વ્યક્ત કરી ચૂક્યું છે.

બીસીસીઆઈના અધિકારીઓએ તાજેતરમાં કેન્દ્ર સરકારના કેટલાક ઉચ્ચ અધિકારીઓ સાથે ચર્ચા કરી હતી અને યુએઈમાં ટૂર્નામેન્ટ યોજવા માટે મોટા પ્રમાણમાં સંમતિ થઈ હતી. આ ટૂર્નામેન્ટ નવ સ્થળોએ રમવાની છે, જેની ઘોષણા હજુ સુધી કરવામાં આવી નથી. બીસીસીઆઈના સૂત્રોએ જણાવ્યું હતું કે, "આઈપીએલનું ચાર અઠવાડિયામાં સ્થગિત થવું એ સંકેત છે કે જ્યારે દેશ છેલ્લા 70 વર્ષમાં તેની સૌથી ખરાબ આરોગ્ય સંકટનો સામનો કરી રહ્યો છે, ત્યારે આવી વૈશ્વિક સ્પર્ધાનું આયોજન કરવું સલામત રહેશે નહીં."



Covid: IPL આ સીઝન માટે સસ્પેન્ડ, અનેક ખેલાડી કોરોના સંક્રમિત થયા બાદ BCCIએ લીધો નિર્ણય

અન્ય એક સૂત્રએ કહ્યું, 'જો તમે નક્કી કરો કે પરિસ્થિતિ સામાન્ય નથી, તો પછી કોઈ પણ દેશ આગામી છ મહિના સુધી ભારતની મુલાકાતે નહીં આવે. જો બીજી તરંગ આવે, તો ખેલાડીઓ અને તેમના પરિવારો ખૂબ સાવચેત રહેશે. તેથી અપેક્ષા છે કે બીસીસીઆઈ યુએઈમાં ટૂર્નામેન્ટનું આયોજન કરવા માટે સંમત થશે. ”તેમણે કહ્યું કે, આઈપીએલ સસ્પેન્ડ થયા પછી, બીસીસીઆઈના અધિકારીઓ કોઈ પણ પ્રકારનું જોખમ લેવા માંગતા નથી. આઇસીસીની બેઠક જૂનમાં થવાની છે, જેમાં અંતિમ નિર્ણય લેવામાં આવશે, પરંતુ આઈપીએલ મુલતવી રાખ્યા બાદ ભારતમાં ટૂર્નામેન્ટ યોજવાની સંભાવના પાતળી છે.