IPL 2021: રિષભ પંત UAEમાં થયો ગરમીથી પરેશાન, ક્વારેન્ટાઈન દરમિયાન પણ દિલ્હીના કેપ્ટન રૂમની બહાર રહ્યો

દુબઈ: બ્રિટનના લાંબા પ્રવાસ પછી દિલ્હી કેપિટલ્સ (Delhi Capitals) ના કેપ્ટન રિષભ પંતે (Rishabh Pant) સંયુક્ત આરબ અમીરાત (UAE)માં ગરમીમાં પણ ફરજિયાત ક્વોરેન્ટાઈન દરમિયાન તેમના હોટલના રૂમની બાલ્કનીમાં સમય પસાર કર્યો. રવિવારે શરૂ થઈ રહેલી ઈન્ડિયન પ્રીમિયર લીગ (IPL 2021) પહેલા શુક્રવારે પંતે પ્રથમ તાલીમ સત્રમાં પ્રવેશ કર્યો ત્યારે ગરમીને કારણે મુશ્કેલીમાં દેખઆયો હતો. ટીમ હાલમાં પોઈન્ટ ટેબલમાં ટોચ પર છે.

રિષભ પંતે કહ્યું કે, આ સમયે તેમનું ધ્યાન યુએઈની પરિસ્થિતિમાં અનુકૂલન મેળવાનું છે. તેણે કહ્યું, 'અહીં યુએઈમાં ખૂબ ગરમી છે. હું મારી ક્વોરેન્ટાઈન દરમિયાન બાલ્કનીમાં બેસવાનો પ્રયત્ન કરી રહ્યો હતો જેથી મારી જાતને અહીંની પરિસ્થિતિમાં અનુકૂળ કરી શકાય. પણ જ્યારે મેં આજે અહીં પ્રથમ પ્રેક્ટિસ સેશનમાં ભાગ લીધો ત્યારે પણ અહીં ખૂબ જ ગરમી અનુભવાઈ હતી. મને ખાતરી છે કે, બે-ત્રણ દિવસમાં હું સંપૂર્ણપણે ઢળી જઈશ.

વિકેટકીપર બેટ્સમેને કહ્યું કે, તેની ટીમ આઈપીએલ 2021 સીઝનના પહેલા હાફના પ્રભાવશાળી પ્રદર્શનને ચાલુ રાખવાનો પ્રયત્ન કરશે. દિલ્હી કેપિટલ્સ હાલમાં આઠ મેચમાંથી 6 જીત મેળવી 12 પોઇન્ટ સાથે પોઈન્ટ ટેબલમાં ટોચ પર છે. રિષભ પંતે કહ્યું, 'અમારું એકમાત્ર લક્ષ્ય ટ્રોફી જીતવાનું છે, પરંતુ અમે અમારી પ્રક્રિયા પર પણ ધ્યાન કેન્દ્રિત કરીશું. આશા છે કે, અમે તે જ રમત બતાવીશું જે અમે IPL 2021 ના ​​પહેલા ચરણમાં બતાવી હતી, જેથી અમે આ વર્ષે IPLટ્રોફી જીતી શકીએ.

આ પણ વાંચો: વિરાટ કોહલીએ પોતાની બ્રાન્ડ વેલ્યૂ પર ખતરાને જોતા ના છોડી વન-ડે ટીમની કેપ્ટનશિપ : રિપોર્ટ

વર્તમાન સિઝનમાં રિષભ પંત પાસે ટીમની કમાન છે. રેગ્યુલર કેપ્ટન શ્રેયસ અય્યર ખભાની ઈજાને કારણે પહેલા ચરણમાં રમી શક્યો ન હતો. પંતની ટી 20 કારકિર્દી ઘણી સારી રહી છે. તેણે 124 મેચમાં 33ની એવરેજ થી 3333 રન બનાવ્યા છે. જેમાં 2 સદી અને 20 અડધી સદીનો સમાવેશ થાય છે. એટલું જ નહીં, તેણે 300 ચોગ્ગા અને 158 છગ્ગા પણ ફટકાર્યા છે.

વાંચો Gujarati News ઓનલાઇન અને જુઓ Live TV News18 ગુજરાતીની વેબસાઇટ પર. જાણો, દેશ-દુનીયા અને પ્રદેશ, બોલિવૂડ, ખેલ જગત અને બિઝનેસ સાથે જોડાયેલાં News in Gujarati

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Delhi capitals, Ipl 2021, Rishabh pant