IPL 2021, Eliminator: કોહલીની RCB સામે KKRનો પડકાર, હારનારી ટીમ થશે બહાર, આવી હોઈ શકે છે Playing XI

આઇપીએલ 2021 નોકઆઉટ (IPL 2021 Knock out) સ્ટેજના મુકાબલા શરૂ થઈ ચૂક્યા છે. સોમવારે એલિમિનેટર મેચ (RCB Vs KKR) રમાશે. તેમાં પોઇન્ટ ટેબલમાં ત્રીજા નંબરની રોયલ ચેલેન્જર્સ બેંગલોર (Royal Challengers Bangalore- RCB) અને ચોથા નંબરની કોલકાતા નાઇટ રાઇડર્સ (Kolkata Knight Riders- KKR) આમને-સામને હશે. શારજાહના મેદાનમાં રમાનારી આ મેચમાં એક ટીમ બીજી ક્વોલિફાયરમાં પહોંચી જશે, તો એક ટીમ ટૂર્નામેન્ટથી બહાર થઈ જશે. કોલકાતાની ટીમ જ્યાં બે વાર આઇપીએલનું ટાઇટલ જીતી ચૂકી છે તો બીજી તરફ બેંગલોરને આઇપીએલ કપ જીતવાનું સપનું હજી સુધી અધુરૂં રહ્યું છે.

બીજા ચરણમાં KKRનું પલડું ભારે

આ સીઝનના બીજા ચરણમાં કોલકાતાએ બેંગલોરની તુલનામાં સારું પ્રદર્શન કર્યું છે. KKRએ પહેલી જ મેચમાં RCBને 60 બોલ બાકી હતા ત્યારે 9 વિકેટથી હરાવી દીધું હતું. આ મેચમાં બેંગલોરની ટીમ માત્ર 92 રન જ કરી શકી હતી. આ ઉપરાંત પણ કેકેઆરે સાત મેચમાંથી પાંચ મેચ જીતી છે, જ્યારે આરસીબીએ ચાર જીતી છે.

કોલકાતાની તાકાત

KKRની ઓપનિંગ જોડી અને ટોપ ઓર્ડર આ વખતે લયમાં છે. વેંકટેશ અય્યર અને શુભમન ગિલે ટીમને શાનદાર શરૂઆત અપાવી છે. જ્યારે નીતિશ રાણા અને રાહુલ ત્રિપાઠી અને પછી દિનેશ કાર્તિકે પણ ઈનિંગ સંભાળી છે અને સાથોસાથ ફિનિશરની ભૂમિકા પણ નિભાવી છે. કોલકાતાની બોલિંગ પણ ઘણી અસરકારક રહી છે. લોકી ફર્ગ્યુસન, શિવમ માવી, ટિમ સાઉથીનું ઝડપી બોલિંગ આક્રમણ હોય કે વરુણ ચક્રવર્તીની ફિરકી, દરેકે પ્રભાવિત કર્યા છે.

બેંગલોરની તાકાત

RCB માટે સૌથી મોટી તાકાત ગ્લેન મેક્સવેલનું શાનદાર ફોર્મ અને હર્ષલ પટેલની બોલિંગ છે. જ્યારે મેક્સવેલે આ સિઝનમાં ટીમ તરફથી સૌથી વધુ છ અડધી સદી ફટકારી છે, હર્ષલ પટેલ સૌથી વધુ વિકેટ લેનાર બોલર છે. આ ઉપરાંત કેએસ ભારત અને યુઝવેન્દ્ર ચહલે પણ શાનદાર પ્રદર્શન કર્યું છે.

આ પણ વાંચો, DC Vs CSK: ધોનીની ઇનિંગ જોઈ ખુરશીથી ઉછળી પડ્યો, Virat Kolhi, લખ્યું- ‘King is back’

IPLમાં બંને ટીમોના આંકડા

આઇપીએલમાં બંને ટીમો કુલ 29 વાર આમને-સામને આવી ચૂકી છે. તેમાંથી કોલકાતાએ 16 અને બેંગલોરે 13 મેચ જીતી છે. બંનેની વચ્ચે છેલ્લી પાંચ મેચમાં આરસીબીએ ચાર અને કેકેઆરે એક મેચ જીતી છે. યૂએઇમાં બંને ટીમો ચાર વાર ટકરાઈ છે. તેમાંથી કોલકાતા અને બેંગલોર બંનેએ બે-બે મેચ જીતી છે.

બંને ટીમોની સંભવિત પ્લેઇંગ ઇલેવન

કોલકાતા નાઈટ રાઈડર્સ: શુભમન ગિલ, વેંકટેશ અય્યર, નીતિશ રાણા, રાહુલ ત્રિપાઠી, ઈઓન મોર્ગન (કેપ્ટન), દિનેશ કાર્તિક (વિકેટકિપર), શાકિબ અલ હસન, સુનીલ નરેન, લોકી ફર્ગ્યુસન, વરુણ ચક્રવર્તી, શિવમ માવી.

આ પણ વાંચો, DC vs CSK, Qualifier 1: ચેન્નાઈ સુપરકિંગ્સનો રેકોર્ડ, 9મી વખત ફાઈનલમાં, દિલ્હીની હાર

રોયલ ચેલેન્જર્સ બેંગ્લોર: વિરાટ કોહલી (કેપ્ટન), દેવદત્ત પડિકલ, શ્રીકર ભારત (વિકેટકિપર), ગ્લેન મેક્સવેલ, એબી ડી વિલિયર્સ, ડેન ક્રિશ્ચિયન, શાહબાઝ અહમદ, જ્યોર્જ ગાર્ટન/કાઇલ જેમીસન, મોહમ્મદ સિરાજ, હર્ષલ પટેલ, યુઝવેન્દ્ર ચહલ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ipl 2021, Kolkata Knight Riders, Rcb vs kkr, ક્રિકેટ, રોયલ ચેલેન્જર્સ