IPL Auction 2019: ઉનડકટ 8.40 કરોડમાં અને અક્ષર પટેલ 5 કરોડમાં વેચાયા

આઈપીએલ-2019ની હરાજી જયપુરમાં યોજાઈ હતી. આ હરાજીમાં જયદેવ ઉનડકટ અને વરુણ ચક્રવર્તી સૌથી વધારે મોંઘા વેચાયા છે. ઉનડકટને 8.40 કરોડમાં રાજસ્થાન રોયલ્સે અને ચક્રવર્તીને 8.40 કરોડમાં કિંગ્સ ઇલેવન પંજાબે ખરીદ્યા છે.. બીજી તરફ યુવરાજ સિંહને પ્રથમ રાઉન્ડમાં કોઈ ખરીદદાર મળ્યું નથી. જોકે બીજા રાઉન્ડમાં મુંબઈ ઇન્ડિયન્સે 1 કરોડની બેઝ પ્રાઇસમાં ખરીદ્યો હતો.

ઇંગ્લેન્ડના સેમ કુરેનને પંજાબે 7.20 કરોડમાં ખરીદ્યો હતો. જ્યારે કોલિન ઇન્ગ્રામને દિલ્હી કેપિટલ્સે 6.40 કરોડમાં ખરીદ્યો હતો.

વેસ્ટ ઇન્ડીઝના કાર્લોસ બ્રેથવેટને 5 કરોડમાં કોલકાતાએ ખરીદ્યો છે. અક્ષર પટેલને 5 કરોડમાં દિલ્હીએ ખરીદ્યો છે. વિન્ડીઝના નિકોલસ પૂરનને 4.20 કરોડમાં પંજાબે ખરીદ્યો છે. વિન્ડીઝના હેટમાયરને 4.20 કરોડમાં બેંગલોરે ખરીદ્યો છે.