Home /News /sport /KXIP vs SRH: લોકેશ રાહુલ ઝળક્યો, પંજાબનો 6 વિકેટે વિજય

KXIP vs SRH: લોકેશ રાહુલ ઝળક્યો, પંજાબનો 6 વિકેટે વિજય

રાહુલે 53 બોલમાં 71 અને અગ્રવાલે 43 બોલમાં 55 રન બનાવ્યા

રાહુલે 53 બોલમાં 71 અને અગ્રવાલે 43 બોલમાં 55 રન બનાવ્યા

    લોકેશ રાહુલ (71*) અને મયંક અગ્રવાલની અડધી સદી (55)ની મદદથી કિંગ્સ ઇલેવન પંજાબે આઈપીએલ-12માં સનરાઇઝર્સ હૈદરાબાદ સામે 6 વિકેટે વિજય મેળવ્યો હતો. હૈદરાબાદે 20 ઓવરમાં 4 વિકેટે 150 રન બનાવ્યા હતા. જવાબમાં પંજાબે 19.5 ઓવરમાં 4 વિકેટ ગુમાવી પડકાર મેળવી લીધો હતો. રાહુલે 53 બોલમાં 71 અને અગ્રવાલે 43 બોલમાં 55 રન બનાવ્યા હતા. બંનેએ 114 રનની ભાગીદારી કરી જીત અપાવી હતી. ગેઈલ 16 રને રાશિદ ખાનનો શિકાર બન્યો હતો.

    ડેવિડ વોર્નરના 70 રનની મદદથી સનરાઇઝર્સ હૈદરાબાદે આઈપીએલમાં કિંગ્સ ઇલેવન પંજાબ સામે 4 વિકેટે 150 રન બનાવ્યા છે. પંજાબને જીતવા માટે 151 રનનો પડકાર મળ્યો છે.

    બેરિસ્ટો 1 રને મુજીબનો શિકાર બન્યો હતો. શંકર 26 રને આઉટ થયો હતો. નબી 12 રને રનઆઉટ થયો હતો.

    સનરાઇઝર્સ હૈદરાબાદ સામે કિંગ્સ ઇલેવન પંજાબના કેપ્ટન આર.અશ્વિને ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

    નિયમિત કેપ્ટન વિલિયમ્સનના સ્થાને ભુવનેશ્વર કુમારના નેતૃત્વમાં હૈદરાબાદની ટીમ શાનદાર પ્રદર્શન કરી રહી છે. પંજાબે પણ અશ્વિનની કેપ્ટનશિપમાં દમ બતાવ્યો છે. બંને ટીમો આ સિઝનમાં અત્યાર સુધી પાંચ-પાંચ રમ્યા છે. જેમાં ત્રણ-ત્રણ મેચમાં જીત મળી છે.

    બંને ટીમો આ પ્રકારે છે

    સનરાઇઝર્સ હૈદરાબાદ - ડેવિડ વોર્નર, જોની બેરિસ્ટો, વિજય શંકર, મનીષ પાંડે, દિપક હુડા, યૂસુફ પઠાણ, મોહમ્મદ નબી, રાશિદ ખાન, ભુવનેશ્વર કુમાર, સંદીપ શર્મા, સિદ્ધાર્થ કૌલ.

    કિંગ્સ ઇલેવન પંજાબ - લોકેશ રાહુલ, ક્રિસ ગેઈલ, મયંક અગ્રવાલ, મનદીપ સિંહ, ડેવિડ મિલર, સરફરાઝ ખાન, સેમ કુરૈન, અશ્વિન (કેપ્ટન), અંકિત રાજપૂત, મુજીબ ઉર રહેમાન, મોહમ્મદ શમી.
    Published by:Ashish Goyal
    First published:

    Tags: Ipl 2019, Kings xi punjab, Live Cricket Score, Sunrisers hyderabad, ક્રિકેટ મેચ

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन