Home /News /sport /

CSK vs DC: તાહિરનો તરખાટ, ચેન્નાઈનો ભવ્ય વિજય

CSK vs DC: તાહિરનો તરખાટ, ચેન્નાઈનો ભવ્ય વિજય

સુરેશ રૈનાની અડધી સદી (59), ધોનીના અણનમ 44 , ચેન્નાઈ સુપરકિંગ્સનો દિલ્હી કેપિટલ્સ સામે 80 રને વિજય

સુરેશ રૈનાની અડધી સદી (59), ધોનીના અણનમ 44 , ચેન્નાઈ સુપરકિંગ્સનો દિલ્હી કેપિટલ્સ સામે 80 રને વિજય

    સુરેશ રૈનાની અડધી પછી ઇમરાન તાહિરની ચુસ્ત બોલિંગ (4 વિકેટ)ની મદદથી ચેન્નાઈ સુપરકિંગ્સ આઈપીએલ-12માં દિલ્હી કેપિટલ્સ સામે 80 રને ભવ્ય વિજય મેળવ્યો હતો. ચેન્નાઈએ 20 ઓવરમાં 4 વિકેટ ગુમાવી 179 રન બનાવ્યા હતા. જવાબમાં દિલ્હી 16.2 ઓવરમાં 99 રનમાં ઓલઆઉટ થઈ ગયું હતું. તાહિરે શાનદાર બોલિંગ કરતા 12 રનમાં 4 વિકેટ ઝડપી હતી.

    પૃથ્વી શો 4 રને આઉટ થયો હતો. શિખર ધવન 19 રન બનાવી હરભજન સિંહની ઓવરમાં બોલ્ડ થયો હતો. રિષભ પંત 5 અને ઇન્ગ્રામ 1 રને આઉટ થતા દિલ્હીએ 66 રનમાં 4 વિકેટ ગુમાવી દીધી હતી. અક્ષર પટેલ 9 અને રુધરફોર્ડ 2 રન બનાવી તાહિરની એક જ ઓવરમાં આઉટ થયા હતા. દિલ્હીએ 63 રનમાં 6 વિકેટ ગુમાવતા સંકટમાં મુકાયુ હતું અને પરાજય નિશ્ચિત બન્યો હતો.

    આ પહેલા ચેન્નાઈનો વોટ્સન ખાતું ખોલાયા વિના આઉટ થયો હતો. રૈના અને પ્લેસિસે બાજી સંભાળતા બીજી વિકેટ માટે 83 રનની ભાગીદારી નોંધાવી હતી. આ જોડીને તોડવા અક્ષર પટેલ સફળ રહ્યો હતો. તેણે પ્લેસિસને 39 રને આઉટ કર્યો હતો.



    રૈનાએ એક છેડો સાચવતા 37 બોલમાં 8 ફોર અને 1 સિક્સર સાથે 59 રન બનાવ્યા હતા. તે સુચિથનો શિકાર બન્યો હતો. જાડેજા 10 બોલમાં 2 ફોર અને 2 સિક્સર સાથે 25 રન બનાવી આઉટ થયો હતો. ધોની 22 બોલમાં 4 ફોર અને 3 સિક્સર સાથે 44 રન બનાવી અણનમ રહ્યો હતો.

    ચેન્નાઈ સુપરકિંગ્સ સામે દિલ્હી કેપિટલ્સના કેપ્ટન શ્રેયસ ઐયરે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. ચેન્નાઈની ટીમમાં મહેન્દ્રસિંહ ધોની પરત ફર્યો છે.

    બંને ટીમો આ પ્રમાણે છે

    ચેન્નાઈ સુપરકિંગ્સ - શેન વોટ્સન, પ્લેસિસ, સુરેશ રૈના, અંબાતી રાયડુ, કેદાર જાધવ, એમએસ ધોની, રવીન્દ્ર જાડેજા, ડ્વેન બ્રાવો, હરભજન સિંહ, દીપક ચાહર, ઇમરાન તાહિર.

    દિલ્હી કેપિટલ્સ - પૃથ્વી શો, શિખર ધવન, શ્રેયસ ઐયર, રિષભ પંત, રુધરફોર્ડ, કોલિન ઇન્ગ્રામ, અક્ષર પટેલ, ક્રિસ મોરિસ, અમિત મિશ્રા, ટ્રેન્ટ બોલ્ટ, સુચિથ.
    Published by:Ashish Goyal
    First published:

    Tags: Ipl 2019, Live score, ચેન્નાઇ

    આગામી સમાચાર