IPL 2019: ટૂર્નામેન્ટમાંથી બહાર થયેલી ટીમોને પણ મળે છે મોટી રકમ

આઇપીએલની 12મી સિઝન હવે પોતાના અંતિમ પડાવ પર છે. રવિવારે ચેન્નાઈ સુપરકિંગ્સ અને મુંબઈ ઇન્ડિયન્સ વચ્ચે ફાઇનલ મેચ રમાશે. આ વખતે જીતનાર ટીમ ચોથી વખત આઈપીએલ ટાઇટલ જીતનાર ટીમ બની જશે. બંને ટીમો ત્રણ-ત્રણ વખત ચેમ્પિયન બની છે. જીતનાર ટીમ ઉપર ઘણી ઘનવર્ષા થશે. આઈપીએલમાં ચેમ્પિયન બનનાર ટીમને 20 કરોડ રુપિયાની રકમ મળશે. જ્યારે રનર્સ અપ ટીમને 12.5 કરોડ રુપિયાની રકમ મળશે. બીજા ક્વોલિફાયરમાં પરાજય થયો હોવા છતા દિલ્હી કેપિટલ્સને 10.5 કરોડ રુપિયાની પ્રાઇસ મની મળશે. જ્યારે પ્લેઓફમાં પહોંચનારી ચોથી ટીમ સનરાઇઝર્સ હૈદરાબાદને 8.5 કરોડ રુપિયા મળશે.

આઈપીએલની પ્રાઇસ મની

વિજેતા - 20 કરોડ રુપિયા

રનર્સ અપ - 12.5 કરોડ
ત્રીજુ સ્થાન - 10.5 કરોડ (દિલ્હી કેપિટલ્સ)
ચોથું સ્થાન - 8.5 કરોડ (સનરાઇઝર્સ હૈદરાબાદ)આ પણ વાંચો - પ્રથમ વખત ક્રિકેટના મેદાન પર સચિન સામે રમવા ઉતર્યો કાંબલી, જુઓ વીડિયો

આઈપીએલમાં શાનદાર પ્રદર્શન કરનાર ખેલાડીઓને પણ એવોર્ડમાં પ્રાઇસ મની આપવામાં આવે છે.

ઓરેન્જ કેપ વિજેતા - 10 લાખ (સૌથી વધારે રન બનાવનાર ખેલાડી)
પર્પલ કેપ વિજેતા - 10 લાખ (સૌથી વધારે વિકેટ ઝડપનાર ખેલાડી)
મોસ્ટ વેલ્યૂએબલ પ્લેયર - 10 લાખ
ઇમર્જિંગ પ્લેયર - 10 લાખ