IPL 2018: પ્રિતી ઝિન્ટાએ યુવીને નહી અશ્વિને આપી આ મોટી જવાબદારી

કિંગ્સ ઈલેવન પંજાબે ઓફ સ્પિનર રવિચંદ્રન અશ્વિનને આઈપીએલ-2018 માટે નવા કેપ્ટનના રૂપમાં નિયુક્ત કર્યો છે. આની સત્તાવાર જાહેરાત ટીમે પોતાના ઓફિશિયલ ટ્વિટર હેન્ડલ દ્વારા કરી દીધી છે. પંજાબે અશ્વિનને 7.6 કરોડ રૂપિયાની કિંમતમાં પોતાની સાથે જોડ્યો છે. આ પહેલા અશ્વિન ચેન્નાઈ માટે રમતો હતો પંરતુ આ વખતે ચેન્નાઈએ તેને રિટેન કર્યા નહતો. પંજાબે અશ્વિનને ખરીદવા માટે રાજસ્થાનને માત આપી હતી. પંજાબે ડ્વેન બ્રાવોને તેની બેઝ પ્રાઈજ બે કરોડ રૂપિયામાં ખરીદી લીધો હતો પરંતુ રાઈટ ટૂ મેચ અધિકારનો ઉપયોગ કરીને બ્રાવોને પોતાની સાથે જ જોડી દીધો હતો.

જણાવી દઈએ કે, પંજાબ સાથે આઈપીએલની શરૂઆત કરનાર યુવી એકવાર ફરીથી પંજાબમાં પાછો ફર્યો છે. તેમના માટે પંજાબે બે કરોડ રૂપિયા કિંમત ચૂકવી છે. કેદાર જાધવ માટે ચેન્નાઈએ 7.8 કરોડ રૂપિયાની કિંમત ચૂકવી છે. પંજાબ માર્કસ સ્ટોઈનિંસ અને ડેવિડ મિલરને પોતાની સાથે રાખવામાં સફળ રહ્યું હતું. આ બંને માટે પંજાબે ક્રમશ: 6.20 કરોડ અને ત્રણ કરોડ રૂપિયા કિંમત ચૂકવી છે.



તે ઉપરાંત, પંજાબે એરોન ફિન્ચ માટે 6,20 કરોડ અને કરૂણ નાયર માટે 5.60 કરોડની કિંમત ચૂકવી હતી. પાછલી સિઝનમાં પોતાની મિસ્ટ્રી સ્પિનથી બધાને હેરાન કરનાર રાશિદ ખાન માટે હૈદરાબાદે રાઈટ ટૂ મેચનો ઉપયોગ કર્યો હતો. તેને પંજાબને નવ કરોડ રૂપિયામાં ખરીદી લીધો હતો. આ વખતે પંજાબની ટીમ આ ખેલાડીની મદદથી ખિતાબ જીતવાની કોશિશ કરશે.

કિંગ્સ ઈલેવન પંજાબના અત્યાર સુધીના કેપ્ટન

2008- યુવરાજસિંહ

2009- કુમાર સંગાકારા

2010- મહિલા જયવર્દને

2011,12- એડમ ગિલકિસ્ટ

2013- ડેવિડ હસ્સી

2014,15- જોર્જ બેલી

2016- ડેવિડ મિલર

2017- ગ્લેન મેક્સવેલ

2018- આર અશ્વિન

ટીમ :

મયંક અગ્રવાલ, મુજીબ જાદરાન, મંજૂર ડાર, રવિચંદ્રન અશ્વિન (કેપ્ટન), ડેવિડ મિલર, માર્કસ સ્ટોઈનિસ, પ્રદિપ સાહુ, મનોજ તિવારી, યુવરાજ સિંહ, કરૂણ નાયર, કેએલ રાહુલ, એન્ડ્રૂ ટાઈ, આકાશદીપ નાથ, ક્રિસ ગેલ, એરોન ફિન્ચ, મોહિત શર્મા, બરિન્દર સરન, અંકિત રાજપૂત બેન દ્વારશિયસ, મયંક ડાગર, અક્ષર પટેલ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ipl 2018, Kings xi punjab, R ashwin, Sports news