Home /News /sport /ખેલાડીઓની ઈજાથી ભારતની ચિંતા વધી, શું ટીમ ઈન્ડિયા માટે T20 વર્લ્ડ કપનો અંત થઈ ગયો?

ખેલાડીઓની ઈજાથી ભારતની ચિંતા વધી, શું ટીમ ઈન્ડિયા માટે T20 વર્લ્ડ કપનો અંત થઈ ગયો?

ખેલાડીઓની ઈજાથી ભારતની ચિંતા વધી

T20 World Cup : T20 વર્લ્ડ કપ 2022 પહેલા ટીમ ઈન્ડિયાની મુશ્કેલીઓ વધી ગઈ છે. જસપ્રીત બુમરાહ સ્ટ્રેસ ફ્રેક્ચરને કારણે ટૂર્નામેન્ટમાંથી બહાર થઈ ગયો છે. બુમરાહ સિવાય અન્ય ઘણા ખેલાડીઓ એવા છે જે કાં તો ઈજાગ્રસ્ત છે અથવા તો T20 વર્લ્ડ કપ પહેલા ઈજામાંથી પરત ફરી રહ્યા છે. તેમાં એવા ખેલાડીઓ પણ સામેલ છે જે બુમરાહનું સ્થાન લઈ શકે છે. આ ભારતની સૌથી મોટી સમસ્યા છે.

વધુ જુઓ ...
    નવી દિલ્હી: T20 વર્લ્ડ કપ 2022 પહેલા ટીમ ઈન્ડિયાની મુશ્કેલીઓ વધી ગઈ છે. જસપ્રીત બુમરાહ સ્ટ્રેસ ફ્રેક્ચરને કારણે ટૂર્નામેન્ટમાંથી બહાર થઈ ગયો છે. બુમરાહ સિવાય અન્ય ઘણા ખેલાડીઓ એવા છે જે કાં તો ઈજાગ્રસ્ત છે અથવા તો T20 વર્લ્ડ કપ પહેલા ઈજામાંથી પરત ફરી રહ્યા છે. તેમાં એવા ખેલાડીઓ પણ સામેલ છે જે બુમરાહનું સ્થાન લઈ શકે છે. આ ભારતની સૌથી મોટી સમસ્યા છે.

    T20 વર્લ્ડ કપ શરૂ થવામાં હવે ગણતરીના દિવસો જ બાકી રહ્યા છે, પરંતુ ટીમ ઈન્ડિયાની મુશ્કેલી ઓછી થવાને બદલે વધી રહી છે. હવે ભારતનો સૌથી મહત્વપૂર્ણ બોલર જસપ્રીત બુમરાહ ઈજાના કારણે T20 વર્લ્ડ કપમાંથી બહાર થઈ ગયો છે. 15 વર્ષ બાદ વર્લ્ડ ચેમ્પિયન બનવાનું સપનું જોઈ રહેલી ટીમ ઈન્ડિયા માટે આ મોટો ઝટકો છે. બોલર બુમરાહ ભારત માટે કેટલો મહત્વનો છે, તેનાથી કોઈ અજાણ નથી. તેની ગેરહાજરી કેટલું નુકસાન કરી શકે છે, તે તાજેતરમાં પૂરા થયેલા એશિયા કપમાં દેખાઈ આવ્યું છે. જ્યાં બુમરાહની ગેરહાજરીને કારણે ટીમ ઈન્ડિયા ડેથ ઓવરમાં સંઘર્ષ કરતી જોવા મળી હતી અને સુપર-4 રાઉન્ડમાં જ હારીને બહાર થઈ ગઈ હતી.

    હવે સવાલ એ ઉઠી રહ્યો છે કે, જો બુમરાહ T20 વર્લ્ડ કપમાં નહીં રમે તો તેના સ્થાને ટીમમાં કોણ સામેલ થશે.

    ભારતે T20 વર્લ્ડ કપ માટે 15 સભ્યોની ટીમની જાહેરાત કરી છે અને 4 ખેલાડીઓને સ્ટેન્ડબાય પર રાખ્યા છે. એટલે કે જો કોઈ ખેલાડી ઈજાગ્રસ્ત થાય છે તો આ 4માંથી કોઈપણને મુખ્ય ટીમમાં સામેલ કરી શકાય છે. હવે જ્યારે બુમરાહ T20 વર્લ્ડ કપમાંથી બહાર છે, ત્યારે સ્ટેન્ડબાય બોલર તરીકે પસંદ કરાયેલા બે બોલરોમાંથી એક મોહમ્મદ શમી અને દીપક ચહરને મુખ્ય ટીમમાં સામેલ કરવામાં આવી શકે છે. પરંતુ, મુશ્કેલી એ છે કે, દીપક હાલમાં જ ઈજામાંથી બહાર આવ્યો છે અને ટીમમાં પાછો ફર્યો છે અને તેને ઘણી મેચ રમવાની તક મળી નથી.

    આ પણ વાંચો : 1 ઓક્ટોબરથી બદલાશે ક્રિકેટના આ નિયમો, T20 વર્લ્ડ કપમાં પણ લાગુ થશે

    બીજી તરફ મોહમ્મદ શમી હાલમાં જ કોરોનામાંથી સ્વસ્થ થયો છે અને તે મેચ માટે ફિટ છે કે નહીં. અત્યારે કહેવું મુશ્કેલ છે. એટલે કે ઈજાગ્રસ્ત બુમરાહની જગ્યાએ જેને મુખ્ય ટીમમાં પસંદ કરી શકાય છે, તે પોતે સંપૂર્ણ રીતે ફિટ નથી. આવી સ્થિતિમાં ટીમ ઈન્ડિયા T20 વર્લ્ડ કપ કેવી રીતે જીતશે? આ સૌથી મોટો પ્રશ્ન છે.

    બુમરાહ-જાડેજા T20 વર્લ્ડ કપમાંથી બહાર

    બુમરાહ એવો પહેલો ખેલાડી નથી જે T20 વર્લ્ડ કપ પહેલા ઈજાગ્રસ્ત થયો હોય. તેના પહેલા રવિન્દ્ર જાડેજા ઘૂંટણની ઈજાને કારણે આ ટૂર્નામેન્ટમાંથી બહાર થઈ ગયો છે. ટી-20 વર્લ્ડ કપની ટીમમાં દીપક હુડ્ડાની પણ પસંદગી કરવામાં આવી છે. પરંતુ, તેને પણ દક્ષિણ આફ્રિકા સામે T20 શ્રેણીની શરૂઆત પહેલા પીઠમાં ઈજા થઈ હતી. આ કારણે દીપક આ શ્રેણીમાંથી બહાર થઈ ગયો છે અને નેશનલ ક્રિકેટ એકેડમીમાં તેનું રિહેબ પૂર્ણ કરી રહ્યો છે. તે પણ ઓસ્ટ્રેલિયા જશે કે નહીં? તે હજુ સ્પષ્ટ નથી. જો દીપકની ઈજા પણ ગંભીર છે તો તે પણ T20 વર્લ્ડ કપમાંથી બહાર થઈ શકે છે.

    હર્ષલને પણ તેના લયમાં પાછું આવતા સમય લાગશે

    જસપ્રીત બુમરાહની જેમ હર્ષલ પટેલે પણ ઈજા બાદ ઓસ્ટ્રેલિયા સામે તાજેતરમાં સમાપ્ત થયેલી T20 શ્રેણીમાંથી પુનરાગમન કર્યું છે. હર્ષલ પાંસળીની ઈજાને કારણે એશિયા કપ રમી શક્યો ન હતો. ઈજામાંથી પરત ફર્યા બાદ હર્ષલનું પ્રદર્શન બહુ સારું રહ્યું ન હતું. ઓસ્ટ્રેલિયા વિરૂદ્ધ 3 ટી-20 સિરીઝમાં તે માત્ર 1 વિકેટ જ લઈ શક્યો હતો. હર્ષલે ટીમ ઈન્ડિયામાં વાપસી કરી હશે. પરંતુ, તેની બોલિંગ પહેલા જેવી ધાર દેખાડી રહી નથી. એવું લાગે છે કે, તે હજુ પણ સંપૂર્ણ રીતે ફિટ નથી અને તેને તેના લયમાં ફરી આવતા સમય લાગશે.


    ચહરે પણ ઈજા બાદ પુનરાગમન કર્યું

    દીપક ચહર પણ ઈજામાંથી પુનરાગમન કરી રહ્યો છે. લગભગ 7 મહિના સુધી ક્રિકેટથી દૂર રહ્યા બાદ તે આ વર્ષે ઓગસ્ટ-સપ્ટેમ્બરમાં ઝિમ્બાબ્વેના પ્રવાસ પર ટીમમાં પાછો ફર્યો હતો. પરંતુ, આ પ્રવાસમાં પણ તે 1 મેચ રમી શક્યો નહોતો. ઈજાના કારણે તેને એશિયા કપની ટીમમાં પણ સામેલ કરવામાં આવ્યો ન હતો.
    આ પછી દીપકને ઓસ્ટ્રેલિયા સામેની ટી20 સીરીઝની ટીમમાં જગ્યા આપવામાં આવી હતી. પરંતુ, એક પણ મેચ રમવાની તક મળી નથી. જો કે, તેણે ચોક્કસપણે દક્ષિણ આફ્રિકા સામે 3 T20 શ્રેણીની પ્રથમ મેચ રમી હતી અને બે વિકેટ પણ લીધી હતી. પરંતુ, જે રીતે ચિરાગનો ઉપયોગ સમજી વિચારીને કરવામાં આવી રહ્યો છે. આના પરથી એવું લાગે છે કે, તે પણ ઈજામાંથી સંપૂર્ણ રીતે બહાર આવ્યો નથી અને ભારતીય ટીમ મેનેજમેન્ટ તેની સાથે કોઈ જોખમ લેવા માંગતું નથી.

    રિપ્લેસમેન્ટ ખેલાડીઓ પણ ઈજામાંથી પુનરાગમન કરી રહ્યા

    ઓસ્ટ્રેલિયા અને સાઉથ આફ્રિકા સામેની ટી-20 સિરીઝ માટે પણ મોહમ્મદ શમીની ભારતીય ટીમમાં પસંદગી કરવામાં આવી હતી. પરંતુ, તેને કોરોના થયો હતો. આ કારણોસર ઉમેશ યાદવને આ બંને શ્રેણી માટે તેના સ્થાને પસંદ કરવામાં આવ્યો હતો. પરંતુ, સ્નાયુની ઈજા પછી, ઉમેશ યાદવ પણ મેદાન પર સમાન ગતિ અને ધાર બતાવવામાં સક્ષમ નથી.

    આવી સ્થિતિમાં ખેલાડીઓની ઈજાએ ટીમ ઈન્ડિયાની ચિંતા વધારી દીધી છે. મુશ્કેલી એ પણ વધી છે કારણ કે ઈજાગ્રસ્ત ખેલાડીઓના સ્થાને જે ખેલાડીઓને તક મળી શકે છે અથવા મજબૂત દાવેદારી છે તેમાંથી મોટાભાગના ખેલાડીઓ તાજેતરમાં ઈજામાંથી પાછા ફર્યા છે. આવી સ્થિતિમાં તેમને ફરીથી પેલા જેવા ફોર્મમાં આવવામાં સમય લાગશે, જ્યારે T20 વર્લ્ડ કપમાં માત્ર બે અઠવાડિયા બાકી છે. આવી સ્થિતિમાં ટીમ ઈન્ડિયા માટે આગળનો રસ્તો ખુબ મુશકેલ થઈ શકે છે.
    Published by:mujahid tunvar
    First published:

    Tags: Bcci T20 World Cup, Cricket News in Gujarat, ICC T20 World Cup, Sports news, Sports News in Gujarati, T20 world cup, Team india, ક્રિકેટ

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन